| ► |
|
BTV |
Amaskipti, okin bəjəl alguwdʼasatin turonmi, əsə baːjildu dʼuːdutin, Ultagirdu, bəjətkoːn baldiran.
|
| ► |
|
|
Eːja-wər ŋoːlildən, eːja-war əsə ajawrə, umukon eːhan aŋaran, getki — əsə.
|
| ► |
|
|
Tuk-do gərbirə — Čokoti.
|
| ► |
|
|
Əknʼilin hinʼidʼəŋkitin, eːda ketara dərən, umukon eːhan aːdʼərən, moːnʼin əwiːdʼərən hihəldʼi-abduldʼi.
|
| ► |
|
|
Čokoti əknʼilin əwiːrə kuŋakaːrnun.
|
| ► |
|
|
Hanŋuktaritin: "Iːdu Čokoti?"
|
| ► |
|
|
Ŋiː-do əŋkin haːrə.
|
| ► |
|
|
Gəlunməsin bison.
|
| ► |
|
|
Tuk-tə Čokoti baldiran, on umukon ketara mokan.
|
| ► |
|
|
Okin ətirkon dulin dundələ əmərə, hərgi dundələ nulgiːrə, akirtin ororwo boriro, hururo gorotmor.
|
| ► |
|
|
Nəkundu dʼan əsəl ajalwə ororwa, amtil (dujumkaː-) (dʼujum-) dʼumikaːnmən omorə.
|
| ► |
|
|
"Əril-do tuksadʼara", (nʼimoliɣin) gunʼiŋkitin.
|
| ► |
|
|
"Eːda nuŋandun, Čokotidu!
|
| ► |
|
|
Hokordʼon."
|
| ► |
|
|
(Ančəri) anŋanʼiː ŋənərən, geː, ilanʼiː-di, əknʼiːlin isərə – əŋnəkon-tə Čokotodu kətətmər baldipkil.
|
| ► |
|
|
Aknʼilin urunčədʼəŋkitin, inʼəktədʼəŋkin: "Hi, Čokoti, arakukan nʼimŋadʼande?"
|
| ► |
|
|
Čokoti inʼamuldʼaran, ŋaləldʼi arpuldʼaŋkin.
|
| ► |
|
|
"Əsə, əŋnəm (nʼim-) nʼimŋarikta."
|
| ► |
|
|
Umukon eːhandʼi isəpkoːpki bison, eːwa oton isərə ilanəhasi: idu lalbuka kətətmər, idu manmakta huluːtmər, idu ajatmar hiŋilgən.
|
| ► |
|
|
Arakukaːn iːn umukiːn bəjədu ŋənədʼərən.
|
| ► |
|
|
Tirga Čokoti hawalipki, ororwo oŋkolisipki, dolbo guskolwə olonʼipki, guluwukonmə opki, isəpki, on ojoli hulukukoːr oːsiktal isəbdʼərə.
|
| ► |
|
|
Halətin nuŋan kuŋakaːrdupki dʼončaŋkin.
|
| ► |
|
|
"Ilkon, Duganmiː, Hanken, kətə (iran) nʼəŋnʼəŋidu ətəjočimnʼidu", Čokoti dʼalduji gundʼərən, "otondə taŋda, mindu bimčə tar oror!
|
| ► |
|
|
Kutu dʼuːduw oːdʼan.
|
| ► |
|
|
Umukondu-to kutu asin?"
|
| ► |
|
|
Umno inʼindu dolbodu uɣidu dundə dagali bison, taduk dolduwupki bison, on tolgokil ŋənədʼəriː, kiŋdʼara.
|
| ► |
|
|
"Umukon ahikta, dʼuːr, iːlan", Čokoti nʼiŋanʼildan, isətčən (ahiltaki), dʼanduli tagran, ərkirən.
|
| ► |
|
|
Timatnə isərən — orordun dʼan huŋtul oror behe oːsal.
|
| ► |
|
|
Iduk əmərə?
|
| ► |
|
|
Dulumdul, burgul.
|
| ► |
|
BTV |
Eː, əmədʼəntə – dilmawal mirolo noːpkil, on əŋnəkoːr.
|
| ► |
|
|
Ŋi-do əpki əmərə, ororwo əpkil oːmira.
|
| ► |
|
|
Tug-do bihin.
|
| ► |
|
|
Čokoti ororin oːda.
|
| ► |
|
|
Okin-war dolbonʼi ədin asin oran.
|
| ► |
|
|
Čokoti hukuloːdʼərən tolgohidu, ŋaləlwi amardun dilmawi noːrən, ororduli, bəjəlduli, ohiktalduli dʼončadʼaran.
|
| ► |
|
|
Ohiktal uɣiliduk hitantidʼara.
|
| ► |
|
|
Taŋmi-da ajaː.
|
| ► |
|
|
"Umun, dʼuːr, iːlan", Čokoti dʼardʼandula tagdan, dəruːrən, (ahiːnan) ahinan.
|
| ► |
|
|
Meldan, dʼurdʼan huŋtul oror əməsol.
|
| ► |
|
|
Bagdamaːl, burguːl.
|
| ► |
|
|
Čokoti dʼonan, ŋil ər oror, ŋoləldən — nʼəŋnʼədi ətəjoːsimnʼi əmədʼən, loɣildʼən!
|
| ► |
|
|
Taduk aja odan.
|
| ► |
|
|
Nuŋan əsə dʼoromoro, mortin oror əmərə, tar həgdidu orordu oton isəwrə.
|
| ► |
|
|
Čokoti taŋkin ohiktalwa, taduk ətərən.
|
| ► |
|
|
Čokoti əsə torgon behe, eːda umukindu kətə.
|
| ► |
|
|
Ŋidu kətətmər oror, bəjəl ajaːt gunʼipkil.
|
| ► |
|
|
Aknʼiːlin nəkuntiki irəmohinə haŋnuktadawər, nuŋardun bələdon.
|
| ► |
|
|
"Čokoti, mundu nʼimnʼaŋakəl", nuŋartin inʼəktədʼərə.
|
| ► |
|
|
Čokoti-ka aknʼildu ədʼəŋo gunə eːwa-da.
|
| ► |
|
|
Gori mohadu hurundʼərə ətəjoːsimnʼil ohiktakarwə taŋildʼara, ohiktakaːr-ko aːsʼin oːdʼara.
|
| ► |
|
|
Umno akindu, gərbisi Həgdi, (hunatitki) hunatitkaːnʼin urgəpču bussəldən, urgəpču.
|
| ► |
|
|
"Amakasi imuːrən, čukal-da — eːkun-da əpki bələrə.
|
| ► |
|
|
Nəkuː, hurugot, bələkəl Sologondu", Həgdi ojoːtčərən.
|
| ► |
|
|
"Anti bi haman?
|
| ► |
|
|
On ajdʼam", Čokoti (tikuli-).
|
| ► |
|
|
"Mindu uŋtun aːsin."
|
| ► |
|
|
"Uŋtuwun oːdʼan", Həgdi urunən, "bi hindu oːdʼam!"
|
| ► |
|
|
On-kə Čokoti akindu oton bələrə.
|
| ► |
|
|
On-kə uŋtuwun bələdʼən, amanʼa oːpča bələdʼən, on Həwəki doldidʼan, (ahat - kə), on ajdʼan.
|
| ► |
|
|
"(Əskə) Həgdi meːwanʼin golodʼərən, on otom bələrə", (tut) tuk Čokoti moːndun gundʼərən, huktildʼərə orordʼi.
|
| ► |
|
|
Həgdi (dʼuduji), eː, dʼudun həkupču bihin.
|
| ► |
|
|
Atirkaːnʼin togodu həŋkirəlwə nodaːdʼərən.
|
| ► |
|
|
Həktəwundu (buslə) ahatkaːkan hukuloːdʼərən.
|
| ► |
|
|
Čokoti (haldu) (haŋgaldun), eː, halgandun təɣərən, umukon əhatpi isəsittən.
|
| ► |
|
|
"Əkun-kə bi oːdʼam?
|
| ► |
|
|
Eːja-war-kə odʼam?
|
| ► |
|
|
Əkunma-kə bi oːdʼam?"
|
| ► |
|
|
Solongo ŋoːlətčənə isətčərən.
|
| ► |
|
|
Čokoti gadan ahatkan ŋaːləlwən, (aran asa) burirə — həkupčut bisoːtin.
|
| ► |
|
|
"Əkəl ŋoːləttə, bi hinnʼi aka, bi — Čokoti.
|
| ► |
|
|
Əkəl ŋoːləttə."
|
| ► |
|
|
Həgdi uŋtuwun gusko irəksədukin oːran.
|
| ► |
|
|
Taduk Čokototiki dagamaran.
|
| ► |
|
|
"Alatkəl", nuŋan arakukan gunən.
|
| ► |
|
|
Huldu ahatkanmə noːrən.
|
| ► |
|
|
Čokoti ŋaːləlduji gadan nuŋanman, dʼuduk jurən.
|
| ► |
|
|
"Əkəl ŋoːləttə, Solongo.
|
| ► |
|
|
Minə dolsatkal, eːkunma-da əkəl ŋolittə", Čokoti gunən.
|
| ► |
|
|
"Isəndə, anti nʼaŋnʼa?
|
| ► |
|
|
Kaːli, nʼamapčuː.
|
| ► |
|
|
Əkəl ŋolottə.
|
| ► |
|
|
Hi-kə, əkəl ŋoːlittə, mintiki əməkəl", əŋnəkoːnmə oːrirən.
|
| ► |
|
|
Əŋnəkon əsə ŋoːlittə, ahatkantiki dərəwon isəttən, inʼəmupču herdʼilin nʼikəldən: "tilim, əru bussəmi".
|
| ► |
|
|
Solongo arakukaːn inʼəhuhinən, dəruːrən, taduk eːhalwi homdan.
|
| ► |
|
|
Čokoti ahatkantiki isətčənə, eːwa-war arakukan gundʼəsoː.
|
| ► |
|
|
Timatnə, sattira, Čokoti dolsatčaran, on ahatkan inʼəktədʼəson, əŋnəkoːnmə dʼoːnmi.
|
| ► |
|
|
Eːkun haːrən, Čokoti bələrən ahatkandu, ahatkan-dʼi monmi ətərən bussəmi, ələtin gunʼildə — haman bələrən.
|
| ► |
|
|
"Uŋtuwunma ŋaləldu əsə gada", gudʼəŋkin bəjəl.
|
| ► |
|
|
Moːsaldu ələtin ələwon haːrə.
|
| ► |
|
|
Goroduk, dagamasilduk umukoneːhasitki hamantiki bussəloːdʼərilwə əməwuŋkitin.
|
| ► |
|
|
Kalil kuŋakaːrŋəsil, ələwon hidawər nʼikəpkil, guldə: "Čokoti – haman."
|
| ► |
|
|
Hamantiki čaːtərəwə, awsaja, tetigəlwə buŋkitin.
|
| ► |
|
|
On-kə otondə gada — bəjə tikuldʼan.
|
| ► |
|
|
Čokotidu dʼudun ələn oːdan.
|
| ► |
|
|
Dʼu kaːli, umukondu buliwsipču.
|
| ► |
|
|
Dʼumala ahiwa əməwmi.
|
| ► |
|
|
Ajapčukan hunat (ədə-) (ədʼərə-) (ə-) ədilənən, Čokoti – baj dulumdu.
|
| ► |
|
|
Čokoti isəsildən.
|
| ► |
|
|
Hawaːsil, čawaːkil, turoːsiltikir — meːwanmi əpki ərirə.
|
| ► |
|
|
Čokoti hulukukonmə ahatkanmə dʼončadʼaŋkin, on Həwəkidu gundʼəson ahatkandu bələdoːji.
|
| ► |
|
|
"Čokoti hinə gamudʼaran.
|
| ► |
|
|
Eːwa nuŋandun gundʼəm?"
|
| ► |
|
|
"Eːda, bi mom gundʼəm", Solongo gunən.
|
| ► |
|
|
"Əwikorwi bi nəkurdu buson, əŋnəkonmə monnunmi hurubdʼəm, tuge, akin?"
|
| ► |
|
|
"Dolsatta", aminʼin monduji gunən.
|
| ► |
|
|
Solongo Čokoti dʼutkiji iːrən, tadu čəruːmə.
|
| ► |
|
|
Eː, tirganʼitikin (du-) dʼudu jaŋgupču.
|
| ► |
|
|
Əsə umukonmə, ilanma Solongo Čokoti əməwrən.
|
| ► |
|
|
Kəŋgilədʼərən — tar umukon Solongo tətigəlwə abdʼaran.
|
| ► |
|
|
Togo (ka-) paskadʼaran — tar geː Solongo uldəwə imurdʼi iridʼərən.
|
| ► |
|
|
Čipkan čiwidʼara — tar ilanʼi Solongo ikoːdʼərən.
|
| ► |
|
|
"Solongo, himulakal!
|
| ► |
|
|
Arakukan", Čokoti dilmawan (alatčəpki) alančəpkin.
|
| ► |
|
|
"Bi himuladʼam, oːkin aldʼəm", Solongo inʼəktədʼərən, tolgokindu əŋnəkol oːmalwa oːdʼaran.
|
| ► |
|
BTV |
Ŋi gundʼən Solongo ənəlŋo, Čokoti umukon eːhaldʼi isəŋkin, on Solongo alaguwdʼaran aja dʼumawun oːdan.
|
| ► |
|
|
Kokoldolwo uldidʼərən, unʼakasarwə giramdildi inmət gidaran, (udildən) udilərən — nʼamapču Čokoti ŋaːləldun, aja.
|
| ► |
|
|
Čokoti ororwo ətəjoːtčərən, čatərəlwə, dʼantakilwa (bəju-) bəjundʼərən, mawutpa, tolgokiwa odʼaran, meːwa ikoːdʼərən.
|
| ► |
|
|
Bimčə tugi — gorowo inmi.
|
| ► |
|
|
Tugi əpki behe nʼimŋakaːrdu.
|
| ► |
|
|
Umno ədin (himilgəsi) hiŋilgəsi dolbonʼidu, Čokoti ikoːdʼəriwə Solongowo onʼoridʼasan, nʼinakir (golo-) goɣoldo, (geːgalduk), taduk čərumə oːdan.
|
| ► |
|
|
"Ərutkiː", Čokoti juməlčən.
|
| ► |
|
|
Daɣamali hiŋilgəndu eː koŋnolədʼəson, (ina-) nʼinakir arakukan hogdʼoldʼiwar arpuldʼara.
|
| ► |
|
|
"Bəjə", Čokoti (uta) guldan.
|
| ► |
|
|
Arčaldu hurkokon ildan.
|
| ► |
|
|
"Oror bururən", aran-aran nuŋan gunən.
|
| ► |
|
|
Taduk ulgusoːmondoji, Čokoti dʼawasinan.
|
| ► |
|
|
Əhi — nʼamala, sattidʼala.
|
| ► |
|
|
"Ŋənəkəl".
|
| ► |
|
|
Dʼudu Čokoti bəjətkondu luktan dʼuɣəsiwə hipunma, untalwa, isəttən, doŋotosi aːsin, togotki təgəpkoːnən.
|
| ► |
|
|
Solongo nuŋandun umdawər budən.
|
| ► |
|
|
Bəjətkon dʼur ŋaləldʼi (həpč-) həkupču časkəwə dʼawaran, togotki mərgədʼənə isəsildən.
|
| ► |
|
|
Ančardun dərbokil udʼal isəwupkil — inʼamuktal, toli mu harmuktalduk.
|
| ► |
|
|
Solongo nʼimoritki isəsildən, həgditmər oːdan, əpki turottə.
|
| ► |
|
|
Gorojoː (himula-) təgətčəson.
|
| ► |
|
|
"Əhi ulgusoːkəl", Čokoti guldən.
|
| ► |
|
|
Omolgi ulgusoldən.
|
| ► |
|
|
Ənukeː, bəjətkoːn gərbisin.
|
| ► |
|
|
Ollogirduk bison, orortin goroloː oŋkodʼoŋkitin, iŋinʼipčudu dundədu.
|
| ► |
|
|
"Goroloː", Ənukeː gunən, isəttoji unʼakačartiki, "dʼan tirganʼi ŋənəmi."
|
| ► |
|
|
Kətə dʼul Ollogiri oŋkitin, kətə tolgokil, bəjəl kaːlildu suglaːnʼildu əməŋkitin.
|
| ► |
|
|
Hargil tikulda, dʼuldu ŋi-do aːsin oːdan, oror tuksattə, indʼərildu Ollogirdu (əŋəsinin) əŋəhi aːsin.
|
| ► |
|
|
Nʼoramnʼil omonmurə, girkundʼasatin.
|
| ► |
|
|
Toli əŋəhin asin amiːnʼin Ənukə nuŋandun gunən: "Bi isəm, (buslə) əsə əmərə hintiki.
|
| ► |
|
|
Hi hulukun, hargil hinə əsəl (a-) isərə.
|
| ► |
|
|
Hi umukin otondə iːnə.
|
| ► |
|
|
Ŋənədʼəkəl.
|
| ► |
|
|
Ələwətin ororwo gakal.
|
| ► |
|
|
Əkəl əwlorə nuŋarwatin.
|
| ► |
|
|
Ŋənədʼəkəl isətčənə hiɣuntiki.
|
| ► |
|
|
Dʼan tirganʼiːwa.
|
| ► |
|
|
(Kaːlil) kaːliwa (umu-) (umukoːsi-) umukoeːhasiwa hamanmə bakakal, nuŋan gərbin Čokoːti.
|
| ► |
|
|
Əkəl nuŋanman ŋolittə.
|
| ► |
|
|
Gundʼərə, nuŋan hiŋilgənmə ŋaːləlduli unmuwupki.
|
| ► |
|
|
Gugin, on inʼildən omonmupčo umukon i Ollogir."
|
| ► |
|
|
Taduk eːwa-da əsə gunə, Ənukeː eːhalwi hamran, inʼamaktusi əhaldu.
|
| ► |
|
|
Čokoti mokanmə arakukan togolo nodarən, arakukan gunən: "Hindu bi əsəw haman birə, Ənukeː.
|
| ► |
|
|
Aka Čokoti minə gərbitkəl.
|
| ► |
|
|
Əhi dʼəpkəl, aːdʼəkəl.
|
| ► |
|
|
Timatnə hurudʼəp, čaːtərəlwə isəsildʼəp.
|
| ► |
|
|
Čatərəl bagdamal oːsal."
|
| ► |
|
|
Solongo eːwa-da əsə gunə.
|
| ► |
|
|
Nuŋanman-kə ŋi-do əsə hanŋuktara.
|
| ► |
|
|
Nonopkidu Čokoti bələmnʼidu (urum-) urunʼiŋkin.
|
| ► |
|
|
Ənukeː dʼalisi bison, anti-da hawaːwə ajat oŋkin, Čokoti ajat isəsiŋkin.
|
| ► |
|
|
Taduk, okin Ənukeː ətərən mərgədʼəmi, nuŋartin Solongonun dʼuktə čiwilda, "utuwunmə-də taɣal".
|
| ► |
|
|
Čokoti hiŋildən, eːkun-ka oːdʼan?
|
| ► |
|
|
Taduk ((PAUSE)) eː, oːdan, eːkun bipki.
|
| ► |
|
|
Solongo Ənukeːnun nʼəŋnʼəjə əmərən!
|
| ► |
|
|
Nuŋartin ajawulda morwər.
|
| ► |
|
|
Čokoti əsə urunčədʼərə.
|
| ► |
|
|
(Nuŋanman) nuŋan tikulilča, isətčənə, on Solongo Ənukeːnun, ŋaːləldʼi gadawər, dʼula əmərə, ilmaktal, ajapčul.
|
| ► |
|
|
Čokoti əhi əsə aja.
|
| ► |
|
|
Meːwanman hargil dʼəbdʼərə!
|
| ► |
|
|
Əmərən tirganʼi, Čokoti, isətčənə Ənukeːtki, ajakakandʼi gunən: "Hi, Ənuke, kaːli onde!
|
| ► |
|
|
Mon-də dʼuja oːkal.
|
| ► |
|
|
Huŋtu akadu əkəl hawara.
|
| ► |
|
|
Dʼurdʼan ororwə minnʼilduk ororduk gakal", Čokoti inʼəmuhinən, eːhan doŋoto oːdan, hutəsi, "dʼuwi oːkal tadu, iːdu əməsos – dundədun Ollogirdu!"
|
| ► |
|
|
Ənukeː isəsildən, Solongo ələwon haːldən.
|
| ► |
|
|
Čokoti – alagumnʼi.
|
| ► |
|
|
Nuŋan moːnʼin Solongowə aja ahit oːsan.
|
| ► |
|
|
"Bi hurudʼəm nuŋannunʼin", Solongo gunən.
|
| ► |
|
|
Čokoti guldən: "Hi omonmudʼandə.
|
| ► |
|
|
Hi Solongo Ultagir."
|
| ► |
|
|
"Bi omonmudʼəm Solongo Ollogiraldu."
|
| ► |
|
|
Omakta garpa dilmalwan Čokoti garparan, dilman əru oːdan.
|
| ► |
|
|
"Bi nuŋandun eːwa-da otom burə!"
|
| ► |
|
|
Ajatmar bimčə əŋki tugə gunə!
|
| ► |
|
|
Čokoti tildən.
|
| ► |
|
|
"Hurugot, Ənukeː", Solongo gunən, "dʼu minnʼi amiːnʼiw dagali.
|
| ► |
|
|
Bi (hoktoli) hoktowo hadʼəm."
|
| ► |
|
|
Ənukeː ildan, ənə haːrə, eːkun oːran, eːwa-da əsə gunə, Solongonun hururən, idu Solongo aːsin, tadu əpko omonmurə.
|
| ► |
|
|
Buso Čokoti isəttən, on nuŋartin hurudʼərə goroskiː ilmaktali dundəli, ənupču bison.
|
| ► |
|
|
Taduk aja Čokoti asin oːdan, dʼudun Həgdi, umukoeːhasi haman, uŋtuwunnun oːran.
|
| ► |
|
|
"Hiːhə, hiːhə ((…)) biɣin", haman tədʼoː nʼimŋanʼildan, meːwanmi guskohi uŋtuwunma koltudʼaran.
|
| ► |
|
|
"Hargi!
|
| ► |
|
|
Bi hiːhəwə isəm!
|
| ► |
|
|
Ənukeː, hiːhə aːji!
|
| ► |
|
|
Hiːɣə, hiːɣə, hiːɣə!"
|
| ► |
|
|
Solongo Ənukeːnun goroloː bisoːtin, əsəŋkitin (Čoltowo) Čokotiwa doldira.
|
| ► |
|
|
Ənukeː ildan, ŋaləlwan Solongo tirən ŋaləldun, aran-aran gunən: "Goroskiː mondə ŋənədʼəkəl, Solongo.
|
| ► |
|
|
Əkəl isəttə, Solongo."
|
| ► |
|
|
Solongo, on-kə oton isəttə, isəhinən, təpkəldən.
|
| ► |
|
|
Idu Ənukeː ilitčasan baldiran kaːli hiɣə.
|
| ► |
|
|
"Ənukeː, Ənukeː", təpkəldən, hoŋoldon Solongo, hiɣəwə kuwlədʼənə, ədoːji nuŋanman baldipkaːnə.
|
| ► |
|
|
Həkupčul inʼamuktal hiɣətki buruldə, (bira-) birakan oːran.
|
| ► |
|
|
Kətəː birakaːr olda.
|
| ► |
|
|
Hiɣə-do hoŋodʼoson hunatnun.
|
| ► |
|
|
Hihə kaːli oːdan, amutkaːn oːdan.
|
| ► |
|
|
Inʼamuktal ojoːdʼəsotin, bira kaːli oːdan.
|
| ► |
|
|
Čokoti haman isətčoːn, on (o-) on Ənukeː hiɣə oːdan, ərunčədʼəson, Solongo isərən, mudu gabdʼariwa.
|
| ► |
|
|
Muduk Solongowə Čokoti (tuksandʼa-) tuksadʼaji nʼikədʼərən, dilman Solongo ətərən isəpdʼəmi.
|
| ► |
|
|
Haman ŋaləlduji isəhinən, ŋaləldun hiɣə, uŋtuwun asin.
|
| ► |
|
|
Dʼun isəsinən, dʼuga hiɣə oːran.
|
| ► |
|
|
Čokoti tildən, hargil inʼəktədʼərə.
|
| ► |
|
|
Hihə uŋtuwunma koltoron, hihə dʼumawa (oː-) (oːran) iːrən.
|
| ► |
|
|
Hiɣə dʼuman ərildən, kaːlitmar oldan, amutpa gadaji nʼikərən, nʼaŋnʼa əsə baldipkaːnə.
|
| ► |
|
|
Tug-do ilitčaran kaːli jaŋ, amut dagadun.
|
| ► |
|
|
Ədʼəŋoː Čokoti muwə gada.
|
| ► |
|
|
Amuttu hiɣə gildədʼərən — hiɣə ajapčukaːn oːpki, oki nuŋanman ajabdʼərə.
|