This visualization was generated on 15.11.2021 with Corpus Services.

BaN Bəjə ạwạnkiː bakaran nʼurigdịwạ ạwạnkiːwạ šinələːdʼəriːwə.
Tar ạwạnkiː dụndʳạlaː hərgụləː indʼạn.
Bəjə anŋuːktaran: “Eːkun šiː bišindʳi?”
— “Ạwạnkiː bišim”, nʼụrigdi gụːnän.
“Iːrgič əməčạːš?”
— “Bi əməčạːw hərgụdụk dụndʳạdụk”.
— “Iːli əməčạːš?
— “Tawaːr aːmutpa, tạːlị jụːčəːw”.
— “Ətəːm tədʼəːrə”, bəjə gụːnän.
Nʼurịgdị gụːnän: “Purtalwị dʼụɣiːtkəː”.
Dʼụɣəːttʳə purtalwar.
Bəjə gụːnän: “Aːmudịntịkịː gịrkuldʳap”.
Šụrụrä aːmuttịkịː.
Ŋənərə, nʼụrigdi hụrrän, tạːlị bəjə tar tədʼəːrən, dʼuːlaːwị mụčụšnạn.
Dʼuːtkịːwị mụčụrạn, gụːnän, upkattu ụlgụrildʳän nʼụrigdiwạ ičədʼəːkpi, purtalwar dʼụɣəːtšəw nʼụrigdi ụlgụldʳän nuŋanŋịdu dụndʳạdụ čalbar aːčịr, irəktəl aːčir, nuŋan ələ hawaldʼaran ərtikiː dụndʳạtkiː.
Taːdu ạwạnkiːŋilin Nandʳị bičạːn.
Əšin nuŋan tədʼəːrə.
“Ši-t ụləːkkụtčạndʳi”.
— “Ụləːkụtčạrạkiw, šụrụkəl ši məːnəkəːn”.
Nuŋan aːmuttịkịː əməčəːn bəjə uːdʼalịn.
Ŋənərän, bakawrän nʼụrigdiwạ.
Tar nuŋanmaːn dʼawawrän.
Nʼụrigdi hərgụtkiː dụndʳạtkiː šụrụwrän nuŋanmaːn.
Čoːmbawrän Nandʳị əšiləː.
Alaːttʳə, alaːttʳə nuŋanmaːn, əŋnərən əmərə.
Nandʳawa ičənəːššəːn, čoːmbabdʼaːkịn.
Iːləː-məːt šụrụdʼəkin, aːčịn.
Nandʳị čoːmbawrän.
Tụɣəniː oːdan, ŋənərən tụgạniː, šiŋilgən ụnən, dʼugaran.
Dʼugarakịn, nʼaːn hawalịldʳa.
Nʼụrigdi əmərən ạwạnkiːltikiː.
Ạwạnkiːltikiː əmərə dʼụːrə bəjəl, ụmụkəːn ašịː nʼụrigdi.
Nandʳalị tamara ašịːwa.
Nandʳị əjəːn əŋnərən tədʼəːrə.
Nʼụrigdil gụndʼärə: “Taːlaː indʼirän Nandʳị”.
Nandʳị, əjəːnməːn šụrụwrə hərgụtkiː dụndʳạtkiː.
Šụrụwrə, ịšša.
Ələːtpi əjəːn Nandʳịwa ičərän.
“Ši bišiš?”
Əjəːn ičərän, Nandʳị asịːlaːčaː.
Əməmšịnən amaškịː inəŋitkiː.
Nʼurịgdịtịl əməwrə əjəːnmə.
Nandʳị əjəːnin gụnän: “Ələːtpi, indʼirän taːlaː hərgụdụ dụndʳạdu”, ụlgụrildʳən.
“Ərgạːčin dụndʳạ, dʼagdak, šụpiriːgiːl biši hụrpikəːgiːl biši”.
Nʼụrigdil əməwrə əməmnəwətin ašịːwa, gaːda dʼuːɣịːldukwar ŋụsụktụwə asịːwa.
Nandʳị əjəːndun əməwrə.
Nuŋan asịːlaːrạn.
Taːduk nʼaːn ašaːl dʼụːr hawaldʼara aːmuttịkịː, ŋənərə ụwụləːn hawalịldʳa.
Bakawra nʼaːn targaːčịr bəjəl, halgartịn aːšir — Čụlụgdil.
Čụlụgdil ašašna dʼụːrə ašaːla.
Asaːl tukšašna.
Bokomoroːktịn, geː gụːldʳən: “Ši-gụ-kləː ši-gụ-kləː”.
Geːwa ašịːwa bokonən, dʼawaran, halganmaːn kaltakawaːn hoːgrạn, haːŋildʳan Čụlụgdi.
Geː ašịː gụːldʳən: “ịlakšaja, ịlakšaja” taːduk “labgaːšə labgaːšə!”
Əwənkiː ašịː geː ŋənərən dʼuːlaːwị, ụlgụrildʳän: “Eːkurŋan targaːčịn dʼeːwaw waːrən”.
Ụlgụrəːkin, šụrụrə aːmuttikiː, tədʼəːdəːwər ajaːkaːndʼịː, eːkur waːrə dʼeːwan.
Ičənəːrən tarịːč, šụrụwrən ašịː aːmuttịkịː bəjəlwə, tədʼəːdəːtin.
Doːlčatčaːktukpị doːlčačịldʳa, nʼaːn Čụlụgdil šụrụčəːl.
Nʼurmara, ičərə ələ tarịː waːdʼaːkpatịn ašịːwa, uɣačaːl aːmuttịkịː.
Taːdu bakara noːnịtịn ašịːwa.
Təːli tədʼəːrə ašịːwa ələːtpiməːjən.
Halganịːn aːčịn.
Halganmaːn ŋaːlịnạtịn bəjələːn.
Lučal hawalịldʳa aːmuttulị mụrəːli.
Ičərə uːdʼalwa gụːldʳə: “Nʼụrigdil uːdʼaltin šoː əgdi”.
— “Eːkur uːdʼaltịn, ạwạnkiːl uːdʼaltin?”
Mụrəːli hawaldʳa, gorolị hawaldʳa — ạwạnkiːl aːčịr.
Ičərə mụːli kuŋaːkaːr jụːrə dụndʳạtkiː, oːda tunŋa.
Tukšaktaldʳə, ụwụli, əwildʳə kuŋakaːr.
Lučal gụndʼirä: “Eːkur targaːčir?”
Əwirə, əwirə, nʼaːn hụrrə aːmuttulị.
Lučal gụːldirə: “Tịmaːtnạ mit tịgitkəː, dʼawaldaːwər”.
Əmərə aːmuttịkịː nʼaːnə, lučal dʼawwị lalbokaldʼịː kupurə ajakandʼịː.
Ụmụkəːn ətəjəːšnən əšiːləː, geː šurụrän gorotkịː.
Dulịndun inəŋi nʼaːn jụrə tarịːl kuŋaːkaːr.
Nʼaːn aːmut dʼapkalịn əwildʳə.
Lučal ičərä nʼụrigditkạːrwə.
Tigišnə.
Tigitšən ụmụkəːn, nʼụrigditkạːn halgandukịn dʼawaran.
Nʼụrigditkạːn gụːldʳän: “Mamačịklịčịt Mamačịklịčịt”.
Tar kuŋaːkaːr mụːli hụrritšə.
Luča goro dʼawaran.
Dolboron, tịmaːtnạ əmərə, aːnŋạttʳə taːdu.
Nʼụrigdil əmərə, amtịltịn məŋụrwə əməwrə talmịːwạ, dʼụɣəːttəːwər, hụtəwər gadaːwər.
Luča awunmị təpəttʳən.
Nʼụrigdil məŋụrə ụŋkụdʼirä awundun.
Ụŋkụrə talmịːwạ ələːwəːn, məŋụrə lupumrak ụŋkurə.
Luča bụːrän hụtətin amaskịː.