|
|
ChI |
Inčə bisə holo gorolo bəjə kərgənnunmi.
|
|
|
|
Umnə əməsəl bisəl saŋitil.
|
|
|
|
Bira dʼapkalin nulgihinən Urən.
|
|
|
|
Urinərən.
|
|
|
|
Urinəmi, molahinan.
|
|
|
|
Udʼalwa isərən.
|
|
|
|
Nuŋan əsə harə hektaldu dikilisadʼarilwa saŋitilwa.
|
|
|
|
Mədəmi-nun, tuksahinan.
|
|
|
|
Birakan bargidawan mikčandʼəriwa halgandulin garpara.
|
|
|
|
Warə.
|
|
|
|
Dʼulan əməmi-nun, irə.
|
|
|
|
Ətirkən, Urən aminʼin, kalandʼin hutəji hutəwən dastan.
|
|
|
|
Kuŋakan ənʼinmən huruwrə, ətirkən əmənmurə hutənən.
|
|
|
|
Dʼuktəkon kuŋakan amakanunmi əmənmurə.
|
|
|
|
Kuŋakan baldidʼapki anŋanʼitikin.
|
|
|
|
Ətirkən hutəji tatigasilča.
|
|
|
|
Kogun bəjəŋilnunmi əməktədʼəŋkitin tirganʼitikin.
|
|
|
|
Ətirkən hutəji huməsiŋkin (maltuŋkin).
|
|
|
|
Ewa-da ənəl hənurə, huruŋkitin.
|
|
|
|
Kuŋakan tatimi, ənə amakaji hanŋuktara, hurupki odan.
|
|
|
|
Umnə hurumi, bira dʼapkadun ətirkən tawitčariwa nʼurilwa bakaran.
|
|
|
|
Tar ətirkənmə kuŋakan hanŋuktaldan: “Bi iduk baldisaw?”
|
|
|
|
Tar ətirkən hilbaran əntilwən bəjəl wanəwətin.
|
|
|
|
Əməmi dʼulaji, kuŋakan amakaji hanŋuktaldan əntilwi.
|
|
|
|
Ətirkən hilbaran hutətki saŋitil bikitpətin.
|
|
|
|
Nuŋan gunən, bira kali dʼapkadun urəgən ojin urinčədʼərə.
|
|
|
|
“Isədʼəndʼə kətə dʼuwa dulindutin ilitčaran kali dʼu.
|
|
|
|
Tar dʼudu inən hoŋitin hinŋi ənʼinnundʼə.
|
|
|
|
Amakaji hilbarakin-nun, nuŋan hururən.
|
|
|
|
Ŋənədʼənə, isərən hojwa bargi dʼərəka ojin dʼulwa.
|
|
|
|
Ismi-nun hoj dʼapkawan, nuŋan dʼajaran bərilwi.
|
|
|
|
Ismi dʼulwa, hurkəkən isərən bəjəlwə tulilə tawitčarilwa.
|
|
|
|
Əməmi-nun, irən kali dʼula, isərən ənʼinmi.
|
|
|
|
Mewanʼin homnaldan.
|
|
|
|
Ənʼinʼin, hutəji tagmi, ulirən, čatipkanən.
|
|
|
|
Hurkəkən, ətəmi dʼəmmi, hihihinan, isərən dʼawradʼarilwa bəjəlwə.
|
|
|
|
Umukən bəjə huptisadʼaran gorot dʼalwi.
|
|
|
|
Hoŋitin dʼawin agrəkin, dʼulaji hururən.
|
|
|
|
Idʼənə, isərən bargidaduji hurkəkən təgətčəriwə.
|
|
|
|
Təgəmi-nun beduji, atirkanmi hanŋuktaran: “Tawar nʼiməriŋmər ulisəs?”
|
|
|
|
Hurkəkən gunən: “Bi əsəw dʼəmnədʼə behe hinŋil dʼəptiləlwəs”.
|
|
|
|
Tug gunmi-nun, tuliski lupərərən.
|
|
|
|
Amardukin-nun Kogun lupərərən.
|
|
|
|
Lupərəmi-nun, isərən hurkəkənmə, həndinmətčəriwə hoj bargidadun.
|
|
|
|
Kogun tuksahinan, dʼalwi huptiran.
|
|
|
|
Tuksadʼariwa hurkəkən garparan hojolin.
|
|
|
|
Hurkəkən Kogunmə warən, bəjəŋilwən əmənən, mənʼin ənʼinmi dʼulaji huruwrən.
|
|
|
|
Əməmi-nun, tar inəndukpi nulgihinə.
|
|
|
|
Anŋanʼi ŋənərəkin-nun, nuŋan bəjuhildən.
|
|
|
|
Wanəji bəjunmə wadʼaktuji əmənən timatnədəlan.
|
|
|
|
Timatnə nʼihudʼana, bəjunŋnʼiduji amakasiwa isərən.
|
|
|
|
Amakasi, mədəmi-nun əmədʼəriwə, amargildʼiji ildan.
|
|
|
|
Amakasi, isəmi-nun bəjəwə, arsaptiki hururən.
|
|
|
|
Hurkəkən garparan.
|
|
|
|
Gəbdəji garpadaji əsə amina.
|
|
|
|
Amakasi mikčanən bəjə ojolon.
|
|
|
|
Tirganʼi uwulwən nuŋartin kuhirə.
|
|
|
|
Amakasiŋmi bəjə dabdiran.
|
|
|
|
Taduk mənʼin budən.
|