|
|
EPM |
Umnə amaski holo gorolo inčə bisə umukən aŋadʼakan.
|
|
|
|
Ekumatin asin bisən.
|
|
|
|
Umnə hururən, girkunʼildan.
|
|
|
|
Bakaran dʼumikanmə.
|
|
|
|
Tar dʼudu atirkan indʼərən.
|
|
|
|
Tar atirkami gunən aŋadʼakantiki: “Hurukəl dilasa burukittulan”.
|
|
|
|
Hurkəkən hururən atirkan gunnəlin.
|
|
|
|
Ŋənədʼənə, isərən modu oldoti dosadʼariwa.
|
|
|
|
Tar hurkəkəndu bisəl nʼurilin.
|
|
|
|
Garpadaji nʼəkədʼərəkin, oldoti gunən: “Əkəl garpatta.
|
|
|
|
Bi hinə əlkə bələdʼəm dʼuləski”.
|
|
|
|
Aŋadʼakan hururən saski.
|
|
|
|
Ŋənədʼənə, arsaran guskəwə.
|
|
|
|
Bərwi ugirdən guskələ.
|
|
|
|
Guskə guldən bəjədit turəndʼi: “Əkəl minə watta.
|
|
|
|
Bi dʼuləski bələdʼəm”.
|
|
|
|
Aŋadʼakan hururən saski.
|
|
|
|
Ŋənədʼənə amut dʼapkalin isərən gutkəsənmə ugə nodanəwan.
|
|
|
|
Gutkəsən guldən aŋadʼakantiki: “Nodakəl minə mulə, hanumulim.
|
|
|
|
Bi hindu bələdʼəm dʼuləski, ajdakis”.
|
|
|
|
Hurkəkən hururən saski.
|
|
|
|
Ŋənədʼənə, amut mudandun isərən guləwə.
|
|
|
|
Ismi guləwə, irən.
|
|
|
|
Tar gulədu atirkami indʼərən.
|
|
|
|
Atirkami hanŋuktalča hurkəkənmə: “Iduk əmədʼəndʼə?”
|
|
|
|
Hurkəkən gunən: “Əsəw harə, ilə-də ŋənədʼəriji”.
|
|
|
|
Atirkami gunən: “Indʼəkəl mindu, bi əmukin behem.
|
|
|
|
Ədʼəŋə on-da behem əmukin inə”.
|
|
|
|
Aŋadʼakan əmənmurən.
|
|
|
|
Təgəmindʼin atirkami gunən: “Mindu behe karobalwi.
|
|
|
|
Hi nuŋarwatin əhi tirga ətəjətkəl”.
|
|
|
|
Aŋadʼakan tahihinan.
|
|
|
|
Higun dolbonohindʼaŋahin, dʼəliwrən karobalwi.
|
|
|
|
Ilə-də hurunəwətin əsə bakara.
|
|
|
|
Higun buruldən, karobalwi tug-də udʼawatin əsə bakara.
|
|
|
|
Təgərən hihədu, mərgəldən: “On əmədʼəm dʼulaji?
|
|
|
|
Atirkami ləgildʼən”.
|
|
|
|
Isətčənə ammuttiki, isərən ugə əmədʼəriwə.
|
|
|
|
Dagamarakin, jurə karobalin.
|
|
|
|
Karobalwi amardutin isərən togoriwa gutkən dilwan.
|
|
|
|
Urəkəkuttən.
|
|
|
|
Tahihinan dʼulatin.
|
|
|
|
Atirkami alatčərən tassariwa.
|
|
|
|
Təgəmindʼin, tuliski jumi, hurkəkən doldiran atirkami gundʼəriwə karobaltikiji: “Əhi ələ hu tuksakaldu əknənʼin bokono”.
|
|
|
|
Dʼəwmi-nun hurkəkən karobalwi tahihinan.
|
|
|
|
Ətəjətčənə, dumajdʼapki: “Ər ewa atirkan gusən karobaltikiji: “Tuksakaldu”.”
|
|
|
|
Hurkəkən ajamamat isəsipki, ədəji tuksanmura.
|
|
|
|
Dariski-nun isəhinəkin karobalin huktilda.
|
|
|
|
Bəjətkən tuksahinan amarduktin.
|
|
|
|
Isətčənə, huptiwuldʼaksopki.
|
|
|
|
Tug-də huptiwran.
|
|
|
|
Ŋənədʼəpki biwuk hojduli.
|
|
|
|
Tug-də haktiraldan.
|
|
|
|
Təgənə dundədu, mərgəldən: “On musudʼam dʼulaji.
|
|
|
|
Atirkami wadʼən minə karobalduliji”.
|
|
|
|
Tug-də tirgaran.
|
|
|
|
Higun judʼərəkin hoj mudandun isərən karobalwa huski mikčaldidʼarilwa, guskəkən ahadʼariwa.
|
|
|
|
Iltəndʼərəktin amargu karobala mikčanən.
|
|
|
|
Hurkəkən, təpkədʼənə, hitəmət jonnʼisildan.
|
|
|
|
Atirkan aŋasa karobalwi bikitpatin.
|