|
|
KI |
Dʼụr bəjəl hoːnịŋịl bičəːtin.
|
|
|
|
Geː nəkuːniːn bičəːn Bərkəltụn, akịːnịːn bičəːn Mụčụnəj, əkiːntin nʼuŋun dịlịčịː bičəːn.
|
|
|
|
Nuŋartịn bidʼəčəːtin əkiːndụwi.
|
|
|
|
Əkiːntiːn ədiːməːčillən Čụlụgdiwə-hoːnịŋịwa.
|
|
|
|
Bultadʼaŋnarə, ajakaːkur bəjəl bičəːtin.
|
|
|
|
Əhiləː əkiːniːn ụŋčəːn nuŋarbatin, gənnəːdəːtin amaːkaːwə, dʼawadaːtịn indʼəriːwə.
|
|
|
|
Amaːkaːwə irəksəwə həktəwụnəwi əməwdəːtin hiltilidʼədəːn hamnịptịnawị.
|
|
|
|
Əhiːləː hụrụčəːl, ŋənədʼəčəːl, amaːkaːwə gələːktəčəːl.
|
|
|
|
Oːpčaːl hərəlgənduləː, bargịdaːdun nəlgəkəːwə ičəčəːl amaːkaːwə hiltilbə kapudʼaŋkịlbaːn.
|
|
|
|
Akiːniːn əhiːləː ikəːlčəːn, gụːndʼənə: “Nəkụːjəj Mụčụnəj!
|
|
|
|
Oːn bugdəkəːkun kapudʼaŋkịlịn; eːldulaː ịhịbdʼan əkiːnti nʼụŋụnin”.
|
|
|
|
Nəkụːniːn gụːnən: “Ičəwəːt awadị-wal bihikin nuŋan!”
|
|
|
|
Gịrkučaːl, bakačaːl amaːkaːŋar.
|
|
|
|
Amaːkaː tuksančačaːn nuŋarbatịn.
|
|
|
|
Nəkụːniːn Bərkəltụn heːrdukiːn amaːkaːwə dʼawačaːn, dụnnətkiː noːdačaːn amaːkaːwə.
|
|
|
|
Dʼuːlaːwər ịhịpčaːl, əkiːnduləːwər.
|
|
|
|
Ihịwkaːjịm, gorowotị gịrkudʼaltịn.
|
|
|
|
Əkiːntin ụllilčəː nuŋarbatịn, dʼaːnmə tigəl winəwə bụːčạːn.
|
|
|
|
Əhiːləː umkaːjịm, həbdʼəpčụ očaːtịːn.
|
|
|
|
Mụčụnạj, əkiːndụkki əjəːčəlčəː: “Eːduk-kə bakačaːs hačịkaːn-məl binəːn”.
|
|
|
|
Nuŋan nʼaːn bụːrən dʼaːnmə tiɣəl.
|
|
|
|
Hoktolčoːl nuŋartịn, aːhịčaːl.
|
|
|
|
Nuŋartịn ịlanma anŋanịːl aːwkịl.
|
|
|
|
Aːdʼərəːktin, dʼụːrwə hələməlwə awsalwa oːčaːl, dịčaːl nuŋarwatịn aːdʼərəːktin.
|
|
|
|
Laːmulaː əjiːčạːl.
|
|
|
|
Čụlụgdinʼụn miːrən, əjiːkəːjim.
|
|
|
|
Čụlụgdiləː nụlgihinən, nəknilbi dịkaːjịm.
|
|
|
|
Hoːnịŋịl aːdʼəčaːl, aːdʼəčaːl, əhiːləː meːlčaːl, eːruktačaːl — haktịrapčudu bidʼərə.
|
|
|
|
Ikəːlčəː Mụčụnəj: “Nəkụːjəjụ Bərkəltun!
|
|
|
|
Eːkundu oːčaːltị?
|
|
|
|
Əkiːnti Nʼụŋụnin eːkurdulaː ịhịwran?
|
|
|
|
Ajadịdu awsadu noːčaː əkiːnti Nʼụŋụnin bitpə”.
|
|
|
|
Nəkụːniːn Bərkəltụn meːlčaː.
|
|
|
|
Əhiːləː eːruktawkịl — haktịrapču, humnawkịl — mụːdụ bidʼəhinčəːl.
|
|
|
|
Haːčaːl nuŋartịn mụːdụ bidʼərə, ikəːčəːl: “Ənʼəjəj Laːmujəj!
|
|
|
|
Kəjụləwər gərbis.
|
|
|
|
Mụnŋidụ mụːdụːs bụdəːkiwun.
|
|
|
|
Uɣəskəl uɣəskəl Kəjuləwər uɣəskəl uɣəskəl Kəjuləwər!”
|
|
|
|
Nuŋartin əmụwụllə; tụk kədʼənəl, ụmnəːt hikčəːl, humnawkịl, dụnnədụ oːda.
|
|
|
|
Bərkəltun ikəːlčəː: “Akịjaj!
|
|
|
|
Mụčụnəj hawaːwaːtịn eːruktakal Kəjụləwər!
|
|
|
|
Akiːnaːn Mụčụnəj ahunmanịn binəːn”.
|
|
|
|
Eːruktallan akiːniːn Mụčụnəj, albaran kapuritčamịː awsalwị.
|
|
|
|
Albakaːjịm ikəːllən: “Nəkụːjəj Bərkəltụn Kəjụləwər hawaːwatịn hiə-li eːruktakal hiŋigdəwə nadʼəjịŋkị, ər moːmodu bụdʼəkiːt ərụpčụ oːdan”.
|
|
|
|
Bərkəltụn hoːgịntulčaːn honʼoskottən ụɣikụn.
|
|
|
|
Mụčụnəj ikəːlčəː: “Nəkụːjəj Bərkəltụn Kəjuləwər honʼoskottən buttəgəːčinin.
|
|
|
|
Hawuskaːtkạl bihikin Kəjuləwər Kəjuləwər!”
|
|
|
|
Bərkəltụn hoːgịntučaːn, hụmtəldʼiː hụrụknənin upkatpaːn hətəkụpčəčəː.
|
|
|
|
Dịlačawa tịrganịːwa ičəčəːl.
|
|
|
|
Hoːt dʼəmụlčəːl; eːlaha-da ənəduwər bihi dụnnədụ oːčaː.
|
|
|
|
Juːčəːl awsaduk gụːlčəːl: “Iːrikləː dʼuːt binəːn əhiːləː?”
|
|
|
|
Dịlača ịlkəniːn hụrụčəːl, ŋənədʼəčəːl ŋənədʼəčəːl čịpịčịkaːnməː waːčaːl.
|
|
|
|
Čịpịčịkaːnduk gịramnakaːndʼịː bərkəːnmə oːčaːl.
|
|
|
|
Tarịːt waːčaːl kụkəːkiːkəːnmə.
|
|
|
|
Halgandukiːn oːčaːl nʼaːn nʼurkaːnmə, taːduk waːčaːl hinụkiːčəkəːnmə halgandʼiːwị oːčaːl nʼurjawar.
|
|
|
|
Taːduk nʼimənŋiwə nʼurjawar oːčaːl, waːčaːl bəjụnčikəːnmə, əŋnəkəːnmə.
|
|
|
|
Nʼuŋịndukịn oːčaːl nʼurịlba, waːrə həgdiwə bəjụrwə.
|
|
|
|
Issal dụnnəldụləː iːdụ gịrkịŋkịtịn.
|
|
|
|
Iskaːjịm dʼuːwar, bakačaːl dʼuːwatịn upkatpatịn ịlapčaːl, eːkunda aːčịn.
|
|
|
|
Uːdʼatịn hụrụktətin haːwkaːttən arakukan.
|
|
|
|
Nʼurịlawar oːra ajamama, əkiːnmər hụrụdʼəːktụləːn hụrụrə.
|
|
|
|
Ŋənədʼəčəːtin, ŋənədʼəčəːtin, ịsta nuŋarbatịn.
|
|
|
|
Balagawaːn ičərə heːkịlduk oːčaːwə.
|
|
|
|
Taːra hịpkumoːčịlla “Oːn hoː binəːn, maŋiwị dʼorogdị”.
|
|
|
|
Bərkəltụn gụːčəː: “Doːwadʼịŋaːw bihim”.
|
|
|
|
Kəː hiləː əməčəːl.
|
|
|
|
Ətəjəːmniː bidʼərən.
|
|
|
|
Tar ətəjəːmniː kawkawaːn dʼawačaːn ətitčəːn həŋkəjə aːčịndʼiː waːčaːn.
|
|
|
|
Bərkəltụn ikəːlčəːn: “Əkiːjəj Nʼụŋụnin Kəjụləwər nəkniliji əməčəːl, dorowomčaːs ajadu buɣadut, dʼuːdu ajadu, nonos əmərəw əhiːləː”.
|
|
|
|
Maŋịmịː dʼorogdị həŋkəčilčəː: “Ətəjəːmniːl eːwa oːdʼara?”
|
|
|
|
Bərkəltụn gụnčəːn: “Ətəjəːmniːs, ụlgụčəːməːtčərən mụnnụn, Kəjuləwər”.
|
|
|
|
Taːduk maŋị ikəːdʼərən: “Eːkun, eːkun nʼəkədʼərən ụwə kụ wə, ụwə ku wək.
|
|
|
|
Čịpịčamaːt əŋkil (lən-) londutorə uwə ku wək uwə iːdu bičəːn halkanmị, nʼụŋụn pụdəčiː”.
|
|
|
|
Tarịŋị jụːmčəː, hụrụllən Bərkəltụnnʼun kụhidạːwi.
|
|
|
|
Jụːdʼərəːkin, Bərkəltun koltoron nuŋanmaːn, dịliːliːn əhiːləː hətəkụrə hụmtəldʼiː hụrụknənin.
|
|
|
|
Bụdəːkin, əkiːnməːn əːrịlčəːn.
|
|
|
|
Bərkəltụn ikəːlčəː: “Əkijəj Nʼụŋụnmən hịɣịskaːtkal mụndụləː”.
|
|
|
|
Nʼuŋụnŋi əkiːntin əwki ičəwụllə.
|
|
|
|
Tarịl gụlələːn ičəːl.
|
|
|
|
Iːkəːjim gụlələː, amun binə bụrụrən, hụkụhinən məːnmi əkiːntin dʼuːduwị binə.
|
|
|
|
Tara garpačịwkị.
|
|
|
|
“Ənụkäwki, ənə ičəwrə” gụːnən.
|
|
|
|
Tarịːt waːčaːtịn Čụlụgdiwə — maːŋịwə, Nʼụŋụnŋiwə.
|
|
|
|
Dʼụːktə billə, bajahal oːra.
|