|
|
KSh |
Ətiriːkəːn indʼärän, tunŋa ašaːl hụriliːn: Eːpkaːlkä, Eːpkaːlkäduk bišin, Dụlụgụ, Aːčịn gərbijə, taduk Nịkaːkịː.
|
|
|
|
Ətiriːkəːn gụːnən: “Eːpkaːlkä mụːləːkəl!
|
|
|
|
— “Ətạːm, oːdʼam”.
|
|
|
|
— “Eːpkaːlkäduk bišin, mụːləːkəl!”
|
|
|
|
— “Ətạːm, oːdʼam”.
|
|
|
|
— “Dụlụgụ, mụːləːkəl”.
|
|
|
|
— “Ətạːm, oːdʼam”.
|
|
|
|
— “Aːčịn gərbi, mụːləːkəl!”
|
|
|
|
— “Ətạːm oːdʼam”.
|
|
|
|
— “Nịkaːkịː, mụːləːkəl!”
|
|
|
|
— “Ətạːm, oːdʼam”.
|
|
|
|
Ətiriːkəːn məːnəkəːn šụrụrän dʼụkətkịː, umnaːrän.
|
|
|
|
Umịːldʳän, gurgaktaldukpị heːlboːran.
|
|
|
|
“Dʼụkə, tiːkəl, Eːpkaːlkäwị bụdʼạm”.
|
|
|
|
Dʼụkə kaŋkịwrän.
|
|
|
|
“Dʼụkə tiːkəl, Eːpkaːlkäduk bišiwə bụːdʼạm”.
|
|
|
|
Dʼụkə təlki kaŋkịwrän.
|
|
|
|
“Dʼụkə tiːkəl, Dụlụgụwị bụːdʼam”.
|
|
|
|
Dʼụkə təlki kaŋkịwran.
|
|
|
|
“Dʼụkə tiːkəl, aːčinmə gərbijə bụːdʼạm”.
|
|
|
|
Dʼụkə təlki kaŋkịwrän.
|
|
|
|
“Dʼụkə tiːkəl, Nịkaːkịːwị bụːdʼam”.
|
|
|
|
Dʼụkə tiːnən.
|
|
|
|
Ətirikəːn dʼuːlaːwị əmərän, gụːnän: “Nịkaːkịː, dʼụkətkiː šụrụkəl, ụmgəkəːrwi šụrụpkəl”.
|
|
|
|
Nịkaːkị šụrụrän, dʼụkədụ təɣərən, dʼụkə əjəːšnən, dʼụːkə šụrụwrạn Nịkakịː.
|
|
|
|
Gorowo əjəːnən, ičärän togokoːnmə darịːskịː, gụːnän: “Dʼụkə alatkal, tar-wəl togokoːntịkịː hulịtnaːšịktạ!”
|
|
|
|
Dʼukə gụːnän: “Udaj, udaj, aːčịn aːnŋụnạjạ bišim”.
|
|
|
|
Nịkaːkịː togokoːntịkịː šụrụrən, taːdu atịrịːkaːn bidʼərän.
|
|
|
|
“Ịnʼəkəː”, hanŋuːktarän Nịkaːkịː, “dʼụkə minä ịːləː ŋənəbdʼərən?”
|
|
|
|
Atịrịːkaːn gụːnən: “Nịkaːjə, əkəːkučịːm šaːrə, dʼụːrdʼigụ-wəl ụŋtụwụntəːčiː, eːčaː šaːčaː bisin”.
|
|
|
|
Nịkaːkịː šụrụrän dʼụkətkiː.
|
|
|
|
Taːduk nʼaːn togokoːn ičäwrän, dʼụkətkiː nʼaːn gụːnən.
|
|
|
|
“Dʼụkə alatkal, tar-wəl togokoːntịkịː hulịtnaːšịktạ!”
|
|
|
|
— “Udaj, udaj, aːčịn aːnŋụnạjạ bišim”.
|
|
|
|
Nịkaːkịː šụrụrän togokoːntịkịː.
|
|
|
|
Atịrịːkaːn bidʼärän.
|
|
|
|
— “Ịnʼəkəː, dʼụkə minə iːləː ŋənəbdʼirän?”
|
|
|
|
— “Nịkaːjə əkəːkučịːm šaːrə, ịlandʼəgdə-wəl ụŋtụwụntəːčiː eːčaː šaːčaː birän”.
|
|
|
|
Tụgạ nịkəːmi nịkaːkịː ŋənərən dʼaːndʼị ụŋtụwụntəːčiːpkiː.
|
|
|
|
“Dʼụkə alatkal, tar-wəl togokoːntịkịː hulịtnaːšịkta”.
|
|
|
|
Dʼukə əčəː šụrụrə.
|
|
|
|
Nịkaːkịː šụrụrän atịrịkaːntịkịː, hanŋuːktarän: “Inʼəkəː, dʼụkə minä iːləː ŋənəbdʼərən?”
|
|
|
|
— “Nịkaːjə, sinə dʼụkə ŋənəbdʼərən dụndʳạ, čụŋədʼạːktụlạːn; šinə koːčučịldʼan dʼụkə.
|
|
|
|
Nikaː ənəkəːkən ətəːšildʳə”.
|
|
|
|
Atịrịːkaːn bụːrän dʼụːrwạ šilgiwụr.
|
|
|
|
“Nịkaː, ərildʼiː turgurmịšịndʼandʳä dụndʳạtkiː”.
|
|
|
|
Nịkaː tukturan.
|
|
|
|
Dʼụkə ikəːldʳən: “Heːladan, Heːladan, / ətəːškəl, ətəːškəl / əjəːk, dirəkəːčạːr, / dirələːdʼəkiːtkəːr”.
|
|
|
|
“Ətəːm ətəːšịldə, / bəjəl hojomịltịn / dirəkəːtčəmirə”.
|
|
|
|
“Heːladan, Heːladan, / ətəːškəl, ətəːškəl / əjəːk, aːgəkoːčar / aːgəloːdʼokịːtkaːr.”
|
|
|
|
“Ətəːm ətəːšildʳə, / bụːnil nuŋịmịltịn / aːgəkoːtčomịrə.”
|
|
|
|
“Heːladan, Heːladan, / ətəːškəl, ətəːškəl / əjəːk, jəndʳəːgikəːr / jəndʳəːgiləːdʼəkiːč”.
|
|
|
|
“Ətəːm ətəːšildʳə, / bụːnil amumịltịn / amukoːtčomịra”.
|
|
|
|
“Heːladan, Heːladan, / ətəːškəl, ətəːškəl / əjəːk, dəwəkšəkəːr / dəwələːdʼəkiːtkəːr”.
|
|
|
|
“Ətəːm ətəːšildʳə, / bụːnil šəːkšəŋiltin / dəwəkšəkəːtčərə”.
|
|
|
|
“Heːladan, Heːladan, / ətəːškəl, ətəːškəl / əjəːk kədərəːkəːr / kədələːdʼəkiːtkəːr!”
|
|
|
|
“Ətəːm ətəːšildʳə, / bụːnil šəgdəndʳəŋiltin / kədərəːkụːtčụrə.”
|
|
|
|
“Heːladan, Heːladan, / ətəːškəl, ətəːškəl / əjəːk čụčụkəːčər / čụčụləːdʼəkitkəːr”.
|
|
|
|
“Ətəːm ətəːšildʳə, / bụːnil šaŋalʳaŋịltịn / čụčụkəːtčəmirə”.
|
|
|
|
“Heːladan, Heːladan, / ətəːškəl, ətəːškəl / əjəːk, bụrụškəːčər / bụrušləːdʼəkiːtkəːr”.
|
|
|
|
“Ətəːm ətəːšildʳə, / bụːnil hagdịŋịltịn / bụrụškəːtčəmirə”.
|
|
|
|
“Heːladan, Heːladan, / ətəːškəl, ətəːškəl / əjəːk, tiɣəkəːčər / tiɣələːdʼəkiːtkəːr”.
|
|
|
|
“Ətəːm ətəːšildʳə / bụːnil oldʳoŋịltịn / tiɣəkəːtčəmirə”.
|
|
|
|
“Heːladan, Heːladan, / ətəːškəl, ətəːškəl / əjəːk, nʼəkəkəːčər / nʼəkələːdʼəkiːtkəːr”.
|
|
|
|
“Ətəːm ətəːšildʳə, / bụːnil aruŋịltịn / nʼəkəkəːtčəmirə”.
|
|
|
|
Heːladan šụrụrän, ŋənərən ŋaːməndʳəjạlaː.
|
|
|
|
Əbəj gụnən: “Minə waːkạl təlgətkəl; meːwanmaːw aːšịnmukal məːnduwi, bošoktolboːw — maluduwị, hognʼowoːw, kəriməkwạ aːšịnmukạl bargịdaːlị, ịŋaktawaːw ụŋkụdʼändʳi nʼịrəkạːndụ, šịluktalwaːw lokokol ošoŋordu, dịlwaːw aːsịnmukạl malugịdaːduwị”.
|
|
|
|
Heːladan waːrən əbəjwə, on nuŋan gụːčạːn, upkatpa oːran.
|
|
|
|
Tịmaltaːnạ Heːladan meːldʳän, bargịdaːtkịː ičäšnən — ətiriːkəːn, atịrịːkaːn aːdʼərə, malutkịːwị ičäšnạn dʼụːr kuŋaːkaːr əwidʼərə, malugịdaːdun ətiriːkəːn aːdʼərən, tụligịdaːdun kičụriːdʼərə oror.
|
|
|
|
Nʼiːrụkạːn dʼalum orordʼiː.
|
|
|
|
Jụːrän dʼuːdukwị, osoŋordu ušịl lokučadʼarä.
|
|
|
|
Ororwo taːluwrän, ilildʳən, eːrundʼịːwị ororwo.
|
|
|
|
Nuŋartịn əŋnərə dəːgdərə — čičirgụnrə.
|
|
|
|
Taːduk upkatpị eːruktịn əŋnərə dəːgdərə ŋaːlạwaːn.
|
|
|
|
Heːladan bakaran hụlụkụtkəːn ərildində oron, tarịː dəːgdəktəldʳən eːrunmaːn.
|
|
|
|
Taːdu ụsiwrän, ugrän, sụrụrän.
|
|
|
|
Huktiwrän, huktịwrän ịkəːndʼəriːl əwənkiːlwə ịššan.
|
|
|
|
Dʼuːkaːnŋutin lupumräk huktịwrän, dʼawaščara əwənkiːl amandịra.
|
|
|
|
Dʼaːnmə dʼuːgịl lupumräk ŋənərən, dʼaːgịdutịn dʼawara nuŋanmaːn.
|
|
|
|
Heːladan dʼawawmịː, ikəːldʳän: Meːwanịjakaːnduk dondonịn eːmadʼịː kačịrkaːw dondonịn; / bošonịjakaːnduk dondonịn eːmadʼịː kačịrkaːw dondonịn; / hoŋnʼonịjakaːnduk dondonịn eːmadʼịː kačịrkaːw dondonịn; / kurịmukčakaːnduk dondonịn eːmadʼịː kačịrkaːw dondonịn; / dịlmịkaːnduk dondonịn eːmadʼịː kačịrkaːw dondonịn; / ịŋaktajakaːnduk dondonịn eːmadʼịː kačịrkaːw dondonịn; / šịluktajakaːrduk dondonịn eːmadʼịː kačịrkaːw dondonịn.
|