|
|
NNA |
Sagdidi bodo nonon bičoːn itiɣlatin bodoɣlotin.
|
|
|
|
Ələkəs itibdʼarakin daːndʼakitin.
|
|
|
|
Nonon olčan ələkəsiptə daːndʼakitin.
|
|
|
|
Kordoki girkulčan ilələ gəloːktəlčoːn.
|
|
|
|
Kordoki bičoːn tunʼŋa binə.
|
|
|
|
Ələkəsiptə akintin Kordoki, Momoːče, Čemdoːče, Nʼuskače, Mačača.
|
|
|
|
Ərə tunʼŋa nəɣuwumner indʼečotin nonon umundu.
|
|
|
|
Amakatin holoktotin gərbin Čemdoːče.
|
|
|
|
Kordoki nəkunin gərbitəčoːn amakatpi holoktotpi Čemdoːčet.
|
|
|
|
Tunʼŋal binəl amakaːtpər gərbitəčoːn amakatpi holoktotpi Čemdoːčet.
|
|
|
|
Tunʼŋal binəl amakaːtpər gərbitəllə Čeːmdet; Kordoki gəloːktəllən daːnkitja odawi.
|
|
|
|
Nəknilwi hanʼŋuktallan, nəknilin uroːrə tug-doː.
|
|
|
|
Kordoki gəloːktəllən ilələ.
|
|
|
|
Bakaran Čelkoːčewə.
|
|
|
|
Čelkoče tunʼŋa binə bidʼečoːn.
|
|
|
|
Akintin bičoːn Čelkoːče, nəkunin gərbin Sanʼawul, iliːn Horboče, diɣiːn Momočan, nəkuntin gərbin Kičewul.
|
|
|
|
Ərə tunʼŋaduk bəjel bičoːn akintin Čelkoːče.
|
|
|
|
Čelkoːče Kordokinun ulgučəmoːttə daːnkitja odawər.
|
|
|
|
Ulgučəmoːtkoːjemil gəloːktəllə hərəkələ ilələ.
|
|
|
|
Bakara, diɣinmə təɣoːl bakara.
|
|
|
|
Nonopte bakara — Čučučewə.
|
|
|
|
Čučuče bičoːn diɣin binə nəknildʼiwi.
|
|
|
|
Akintin gərbin Čučuče, ge gərbin Kimoːče, iliːtin nəkuntin Kučača, diɣiːtin Jumŋače.
|
|
|
|
Čučuče nəknilwi hanʼŋuktaran, gunoːn: “Əwənkil mitpə əjetčerə odawər daːnkitja”.
|
|
|
|
Nəknilin uroːrə.
|
|
|
|
Amakatin bičoːn Čučučejeŋi, bičoːn gərbin Jumŋačə.
|
|
|
|
Čučuče nəkunin gərbitəčoːn amakatpi Jumŋačet.
|
|
|
|
Nuŋardutin holoktotin amintin aminin, (amakatin) gərbin bičȫn Jumŋače.
|
|
|
|
Upkat biŋəsiwər bičoːtin diɣin bəjel.
|
|
|
|
Getin təɣoːtin bičoːn Bagdače.
|
|
|
|
Bagdače tuksə bičon diɣin bəjel.
|
|
|
|
Akintin gərbin Bagdače, ge Buldače, iliːtin nəkuntin Tonkuče, diɣitin Loŋtoče.
|
|
|
|
Ələkəs əməčoːn Bagdače, ulgučəmoːtnoːčoːn Kordokinun.
|
|
|
|
Bagdače uroːrən, moːnin sururən nəknilduloːwi.
|
|
|
|
Nəknilnunmi Bagdače ulgučəmoːttən.
|
|
|
|
Nəknilin uroːrə.
|
|
|
|
Bagdače nəknilin bičoːtin ilan.
|
|
|
|
Bagdače gərbitərən amakatpi Bagdačet, gərbitəllən Bagdačet.
|
|
|
|
Tunʼŋiːtin təɣoːŋitin odan Čapawul.
|
|
|
|
Čapawul tuk-sə bičoːn nʼuŋun bəjel.
|
|
|
|
Akintin bičoːn gərbin Čapawul, ge Paŋkače, iliːtin Putoče, diɣitin Sanʼače, tunʼŋitin Tukače, nʼuŋitin Tiɣoče.
|
|
|
|
Čapawul nəkunin bičoːn gərbin Sanʼače.
|
|
|
|
Tar bəje gərbitərən amakatpi Sanʼačet.
|
|
|
|
Tar bəjel həgdiɣitin gərbitin amakaːtpər Sanʼačet.
|
|
|
|
Čapawul bidʼečoːn umundu nəknilnunmi.
|
|
|
|
Čapawul nəknilwi daːnkittula əməwrən.
|
|
|
|
Moːnəkoːn Čapawul ulgučəmoːttən Kordokinun odaːwər daːnkitja.
|
|
|
|
Čapawul əmərən upkačitpi nəknildʼiwi.
|
|
|
|
Nʼuŋitin təɣoːtin bičoːn ələkəs Kurkoče.
|
|
|
|
Kurkoče bičoːn diɣin binəl nəknildʼiwi.
|
|
|
|
Akintin gərbin Kurkoče, ge Lupače, iliːtin Dʼuroče, diɣiːtin Jatoɣin.
|
|
|
|
Nuŋarduktin bičoːn akintin gərbin Kurkoče.
|
|
|
|
Tar bəje gərbin amakatpi Kurkočet.
|
|
|
|
Həgdiɣitin gərbitin bičoːn amakaːtpər Kurkočet.
|
|
|
|
Kurkoče, Lupače, Dʼuroče, Jatoɣin — ər bəjel həgdiɣitin gərbitin bičoːn Kurkoče.
|
|
|
|
Daːnillan ələkəs Kordoki Čelkočenun.
|
|
|
|
Kordoki əmərən birala, ičerən Čelkoče dʼuwan bargiɣit.
|
|
|
|
Kordoki garparan solet.
|
|
|
|
Čelkoče ičerən solewa Kordoki garpanawan.
|
|
|
|
Čelkoče moːnin gadan bərwi, sururən birala, ičerən Kordokiwa — bargiɣit ilitčaran modu, Čelkoče garparan solewa Kordokila.
|
|
|
|
Kordoki ičettən.
|
|
|
|
“Tədʼe sole”,— gunən Kordoki dʼalduwi.
|
|
|
|
Čelkoče dʼawwi gadan, sururən birawa bargiski Kordokila.
|
|
|
|
Nuŋartin ulgučəmoːttə dʼuktə odaːwər daːnkitja.
|
|
|
|
Kordoki sururən, Čelkoče dʼulan ičenoːsinən, Čelkoče sururən Kordoki dʼulan, ičenoːsinən.
|
|
|
|
Čemdoče sururən Čučučeloː.
|
|
|
|
Taduk əmərən Čemdoče, garparan Čučučelo dʼulan.
|
|
|
|
Čučuče moːnin gadan bərwi, garparan Čemdočelo.
|
|
|
|
Čemdoče ičerən solewa.
|
|
|
|
Sururən dʼulan Čučuče, ulgučəmoːttə dʼuktə, Čemdoče əmoːnmurən Čučuče dʼudun.
|
|
|
|
Čučuče sururən dʼulan Čemdočeŋiːloː, ičenoːsinən.
|
|
|
|
Čučuče ičerən anŋaniwa Čemdoče dʼudun.
|
|
|
|
Čemdoče tukse ičerən omukoːnmə anŋaniwa.
|
|
|
|
Mačača sururən Čapawuldula, daɣamaran, əmərən dʼulan Čapawul.
|
|
|
|
Mačača garparan solewa Čapawuldulan.
|
|
|
|
Čapawul ičerən solewa.
|
|
|
|
Čapawul gadan bərwi, garparan solewa Mačačala.
|
|
|
|
Mačača ičettən solewa.
|
|
|
|
Mačača sururən Čapawul dʼulan.
|
|
|
|
Čapawul dʼudun ulgučəmoːttə dʼuktə uroːldirə.
|
|
|
|
Mačača əmoːnmurən Čapawul dʼudun, ičellən; Čapawul sururən Mačača dʼulan, ičenoːsinən.
|
|
|
|
Ičerən Čapawul omukoːnmə anŋaniwa.
|
|
|
|
Mačača tuk-se ičerən anŋaniwa omukoːnmə.
|
|
|
|
Nʼuskače sururən Bagdaldula.
|
|
|
|
Bagdal sururən Nʼuskačela.
|
|
|
|
Momoki sururən Kurkočela, Kurkoče sururən Momokila; Toŋkuče sururən Tukačela, Tukače sururən Toŋkuldula.
|
|
|
|
Putoče sururən Dʼuročelo, Dʼuroče sururən Putočelduloː.
|
|
|
|
Buldače sururən Dʼuročelo.
|
|
|
|
Pankače sururən Lupačela, Lupače sururən Pankačela.
|
|
|
|
Sanʼače sururən Kučačela, Kučače sururən Sanʼačeldulo.
|
|
|
|
Tiɣoče sururən Sanʼawuldula, Sanʼawul sururən Tiɣočelo.
|
|
|
|
Jatoɣin sururən Sanʼagirdula, Sanʼače sururən Jatoɣildula.
|
|
|
|
Momočan sururən Lupačela, Lupače sururən Momočandula.
|
|
|
|
Horbo sururən Čučučelo, Čučuče sururən Horbolo, Loŋtoče sururən Kurkočelo, Kurkoče sururən Loŋtočelo.
|
|
|
|
Ərə daːndʼak ələkəsipte, ədʼeliwər sallə moːnŋiwər ibdʼeriwər.
|
|
|
|
Əsikoːn, əsitin əwənkil hərəkət daːnilčatin, saliksal moːnŋiwər ibdʼerilwər.
|