This visualization was generated on 15.11.2021 with Corpus Services.

NNR Nəlɣə-Kokora.
Ilan akunan bitčawki.
Aɦiji akinin biwuk tupsačo.
Akinindu gərbin bičow Nəlɣə-Kokora.
Tar akinin kəɣəmodʼačo — homa kəɣəmodʼačow.
Tuɣə kəɣəmodʼawki omukon anɣaniwə.
Taduk huručo galakti aɦiji.
Gorowo gənʼadʼawki akinin — tinʼərma gənʼadʼawi.
Kətəkakun udʼar odʼaw — aɦiji əšaw bakača.
Taduk akinin udʼat isšačo omukon ətirkan.
Tar ətirkan gunən akinindu: "Itiki bajə hurudʼandə?"
Taduk akinin gučo: "Mini aɦiji biwuk huruwčo.
Itiki huruwčo əšaw hami.
Mindu uwlondʼam aɦiji.
Bi kəɣəmodʼam!
Ə, ətirkan, bələdkəl mindu.
Turotkəl mindu omukon aja turon!
Animkal mindu ajači tərul!
Itiki bi huruwdʼam?
Eːkun udʼat huruwdʼam?
Irə bakadʼam mini aɦiji?"
Tar ətirkankakurwə doldičow — doldimətəmi gučo Nəlɣə-Kokorildu: "Hi huruwkal moɣadu!
Əla hi isšakal muriji!
Tar murini hi ujkal omukon modu!
(Man) mundukat kawulɣatkəl!
Əlaɦa mundukat kawulɣodʼandə — taduk guɣda dunda galaktikal!
Əla hənʼit dundaduji aškəl taduk doldikal!"
Tuɣə gučow tar ətirkankakurwə.
Nəlɣə-Kokora huručo.
Ilanitin tirɣani əməčo moɣadu.
Ədu təɣətčarən — kuktən dolbaniwə təɣətčow.
Diɣinitin tirɣani unə timatna Nəlɣə-Kokora muriji isšačo.
Tar muriji dʼawučičaw — dʼawatəmi omukon modu ujtčow — mandipču ujtčow tar muriji.
Taduk man kawulɣatčow mundukat — tupsačo — ajoki tupsačo.
Tar mundukan guɣda dundadu ista.
Istamətəmi dundadoji adʼačo — taduk doldidʼarən.
Əɦikakun mundukan doldičo: Ikodʼarən, ikondʼarən — nʼan əwidʼarən nʼan inʼaktədʼarən — kurʼmʼuw əwidʼarilwə.
Mundukan odudʼarən: əkunitil hargil kurʼmʼuw əwidʼariwə?
— Taduk tupsačo — tupsadʼawki, tupsadʼawki — omukon palaɣaji bakača.
Tar palaɣadu hargi bidʼawki — dʼaɣə baba.
Tar dʼaɣə baba hargil tuɣi bičow: omukon əɦa, omukon itə, omukon haɣɣani.
Mundukankakun ajoki čulʼubdičow palaɣadu.
Tar horgil dʼaɣə baba isšačo mundukaji — huruwčo.
Taduk mundukan nʼan kowulɣatčow — nan bajə.
Ədu Nəlɣə-Kokora kətəkakun bajəlwo isšačo.
Omukon ətirkan gundʼarən: "Itiko bajə hurudʼandə?
Eːwa galaktəndə?
Kurʼmʼuwdu əməčo?"
Tar Nəlɣə-Kokora gučo: "Əkunitin kurʼmʼuw bičow?"
Ətirkan gunən: "Hini aɦit kurʼmʼuw bičow!"
Əɦikakun Nəlɣə-Kokora gəladʼarən tar ətirkani: "Ə, ətirkan!
Gukəl mindu omukon turon — niwə əkunitin bajə dʼorokočow mini aɦiw?
— Turoškəl mindu omukon turon — niwə dʼoroko?"
Ətirkan gučo: "Huruwkəl guɣnə udʼat — əla bakadʼandə!"
Nʼan Nəlɣə-Kokora kawulɣatčow mundukat taduk tupsačo guɣnə udʼat.
Tupsadʼawki, tupsadʼawki — ilan tirɣani tupsadʼawki.
Digitin tirɣani omukon dʼudu bakača.
Tar dʼudu dʼorako bajə təɣətčarən.
Mundukan buroli dʼuji tupsačo — taduk dʼudu čulʼubdočo.
Čulʼubmətəmi minin aɦiji isšačo — tar aɦiji təɣətčarən arakukan hoɣodʼarən.
Mundukan gundʼarən dʼorokodu: "Əkunitin hindu kurʼmʼuw bičow?
— Uldəji uɣukun bičow.
Dʼamodʼačow ripču.
Aɦiji kəɣəmodʼarən.
Əkunitin ər kurʼmʼuw biɦin?"
Tar dʼoroko-bajə homa tikulidʼačow — tuɣə gunən: "Ə, mundukan, əkəl turot ripču!
Eːwa hindu məja?
Dʼaptilə mindu kətəkakun binon.
Ajawundi — dʼawkal!
Əkəl turoti ripču!"
Mundukan nʼan gundʼarən: "Əkunitin hi ajapču bajə!
Əkunitin baj bajə!
Əkunitin turor aja!
Əlaha hini aɦiji hutəji baldidʼarən, toli hindu dʼaptilə dʼawdʼam!"
Tar dʼoroko-bajə nʼan tikulidʼačowkakun.
"Əkəl ripču turoti", gunən tar dʼoroko bajə, "bi wadʼam hini!
Əkəl turoti!"
Taduk mundukan gundʼarən: "Ə, dʼoroko-bajə, požaluj, əkəl watəda!"
Dʼoroko-bajə gunən: "Əkunitin gərbin dʼoroko?
Hi handə?"
"Hami", gunən mundukan.
"Ha, ha, ha", nʼaktədʼarən dʼoroko-bajə.
"Ha, ha, ha", gunən.
"Eːwa čokoti handi?
Hi guɣnə əšaw išandə!"
"Čokoti", gunən, "hami?"
"Moɣnon, golikiškan!"
Mundukan kawulɣatčow nʼan bajət, taduk homa tikulidʼačow, gunən: "Hi dʼoroko!
Mini aɦiji dʼorokočow", tuɣə gunən Nəlɣə-Kokora.
Gunčamətəmi gačaw diliw muriči — tar dilit nudačow dʼorokoji.
Tar muriči diliw uraran dəɣildəčo — wača digindʼan bajəl.
Əɦikakun tar dʼoroko-bajə gundʼarən: "Ə, bajəɣmiš, požaluj əkəl watəda!
Hi digindʼan bajəlwor wača — əril rupču!
Əman wača digindʼan bajəlwor!
Požaluj əkəl watəda!
Əkəl tikulidi!
Bidʼawkal ajat, bijə!"
Nəlɣə-kokora nʼan tikulidʼačow — nan nudačow purtat dʼorokoji.
Tar dʼoroko kowulɣəčo — purta wača ilandʼan bajəlwor.
Dʼoroko-bajə nʼan gəlaktidʼarən Nəlɣəkokoroji.
Nəlɣə-Kokora gučow: "Əkəl turoti!
Bi hindu wadʼam!
Aɦiji mini gadʼam!
Ajawundi — ajat boriwɣot!"
"Kə, tupsawɣot guɣdaji dundadu.
Əla kuɦidʼawɣot!
Hi mini wandə, hini aɦiw — bi hini wadʼam, mini aɦiw!
Tuɣə ajawundi?"
"Kə, tupsawɣot!"
"Tupsawɣot", gučo dʼoroko-bajə.
Taduk Nəlɣə-Kokora nʼan dʼoroko-bajə tupsadʼačo.
Nəlɣə-Kokora omukonitin tupsačo guɣda dundadulaji — omukon umnoə itəčow dʼorokoji — wača.
Wamətəmi, Nəlɣə-Kokora nʼan kowulɣatčow mundukat — taduk mučuš palaɣadulaji tupsačo.
Tupsačo, tupsačo — ista palaɣadulaji.
Ədu nʼan mundukan kawulɣatčow bajəlit — taduk gačaw aɦiji — huruwčo mučuš dʼudu akunar.
Dʼuji ista.
Istamətəmi omakta dʼuji odʼaw.
Ədu təɣətčawki — bajkakurwə Nəlɣə-Kokora təɣətčarən.
Aminin gunən hutərdu: "Huruwdʼam isšadʼam əkunitin Nəlɣə-Kokora aɦiji huruwčo?"
Tar ətirkon huručo dʼudu Nəlɣə-Kokora.
Əməčo — taduk gunən: "Mini hutən, hilbakal mindu kukiji!"
Nəlɣə-Kokora gunən: "Isšakal!"
Ətirkan isšačo — isšamətəmi gunən: "Hini aɦiji hiɣuni ajatmər!"
Taduk mučuškat moniš dʼudu huručo.
Tar aminin hutərdu gučo: "Homa ajapču kukim — ajatmər hiɣuji!"
Nakun doldičo — doldimətəmi, nakun gučo: "Bi huruwdʼam akinirdulaji — isšadʼam kukiji!"
"Kə, huruwkəl", gunən aminin.
Nakun huručo dʼudu Nəlɣə-Kokora.
Əməčo.
Akinin dʼudu ačin — omukon kukim təɣətčarən.
Nakun gunən: "Irə akinin?"
Man isšadʼarən kukiji.
Kukim gunən: "Mini ədiji bəjuɣilčo."
Taduk nakun təɣətčow dʼudu — man isšadʼarən kukiji.
Nakun dumajdʼarən: "Tədʼa aminin gučo — kukim ajatmər hiɣuji."
Taduk nakun mučuškat moniš dʼudu huručo.
Əməčo.
Aminin gučo nakundu: "Isšačo kukiji?
Ajači?"
Nakun əšaw gunən.
Təɣəmitpa nakun gundʼarən aminindu: "Mindu jurɣə kaputču.
Bi kəɣəmodʼam!
Bi ajawdʼam kukiji!
Bi gadʼam kukiji — aja?"
Aminin doldičo nakuji — doldimətəmi gučo: "Ərəpču!"
Nakun nʼan gəlaktidʼarən aminiji: "Ajkal mindu, aminilwə!
Mindu jurɣə kaputču!
Bi kəɣəmodʼam!
Požaluj ajkal, mindu aminilwə!"
Aminin doldičo nakuji — doldimətəmi nʼan gučo: "Ərəpču!"
Nakun hoɣodʼačow, hoɣodʼawki, hoɣodʼawki — tikulitčow — homa tikulidʼačow.
Taduk nakun ilanitin nʼan umnoə gučo aminindu: "Bi ədʼaɣo binim maɣi!
Bi wadʼam akinir!
Bi gadʼam kukiji!
Bi homa kəɣəmodʼam!
Požaluj alkal əro!
Ələɣənin umnoə gəladʼam!"
Aminin doldičo nakuji — nʼan doldimətəmi gučo: "Ajal!
Bi bələdʼam hindu, mini hutən!
Əɦikakun tuɣə odʼawɣot: Bi busšadərəm.
Hi galaktakal hamaji!
Hamaji galaktəndə huruwkəl mindu!
Kə, hurukal, amanʼa!"
Nakun huručo.
Tunɣanitin tirɣani omukon dʼudu bakača.
Tar dʼudu haman təɣətčawki.
Nakun gučo: "Irə hamaji bakadʼam?"
Haman gučo: "Eːwa hindu məja?"
Nakun gunən: "Mini aminin busšadərən — huruwɣot ətirkandu!
Požaluj ajkal mini aminindu!"
Haman gučo: "Kə, huruwɣot!"
Taduk huručow.
Ista dʼuji aminindu.
Aminin gučo hutərdu: "Haman omukon əmanmadʼarən dʼudu — hu hurukəldu!"
Hutər huručo.
Taduk aminin hamandu gunən: "Mini dʼawdʼarən hargil.
Hi gakal hargi!
Tar hargi nokəl mini kukiji — nuɣan budən!
Tuɣə odʼakal!
Tuɣə məja!"
Haman doldiča ətirkoni — doldimətəmi huručo akinir dʼulaji.
Akinir ačin dʼudu.
Omukon kukiji təɣətčarən.
Haman isšačow kukiji.
Tar kukiji nʼaktədʼačo.
"Irə bajə", haman gunən.
Kukiji gundʼačo: "Mini ədiw bəjuɣilčo!"
Taduk nʼan kukiji nʼaktədʼarən.
Haman gunən: "Eːwa nʼaktəndə?"
"Tuɣə", gučo kukim.
Taduk kukim nəkatčow dʼamo tar hamaji.
"Təɣətkəl, ətirkan, təɣətkal", gunən kukiji, "dʼawkal!
Ajawundi uldəji bəjun?
Dʼawkal, ətirkan", tuɣə dʼamočow kukim hamaji.
Haman dʼawdʼarən man dumajdʼarən: Əkunitin ajapču aɦiji binon — ajatmər hiɣuji!
Dʼawmətəmi — haman aminindu dʼudu huruwčo.
Aminin gučo: "Isšačow kukiji?"
Haman gunən: "Isšačo!
— Bi əšaw wadʼam hini kukiji!
Mindu uwlopču tar kukiji!"
— Tuɣə gučow haman taduk moniš dʼudu huručo.
Tar aminin tikulidʼačow.
"Əkunitin haman biɦin?
— Nənakinma!"
Haman biwuk huručo.
Aminin isnondʼarən: "Onə wadʼam kukiji?
Homa bidʼarən", tuɣə isnondʼarən aminiji.
Nakun əməčo.
Nakun nʼan amindu gunən: "Ə, aminin, mindu urɣəpču!
Bi gadʼam kukiji!
Bi wadʼam akiniji!
Bi kəɣədʼam!"
Ətirkan doldičo — doldimətəmi gučo: "Iduɣu haman ajatmər?
— Təɣəmi huruwkəl galaktikal dʼaɣə baba haman!
Tar dʼaɣə baba huruwkəl əwəški!"
Unə timatna nakun huručo.
Ilanitin tirɣani dʼuji bakača.
Ər dʼudu dʼaɣə baba təɣətčərən.
Nakun arakukan əməčo.
Dʼaɣə baba ikəɣdərən — ilan umnoə ikəɣdəčo.
Taduk Dʼaɣə baba gučo: "Əkun əmənon?
Iduɣu əmənon?
Imči?"
Nakun gučo: "Bajə əməčo.
Mini aminin busšadərən — bələlkal!
Ajakal, požaluj!"
Dʼaɣə baba gučo: "Niwə hini aminin?
Nidu huruwdʼam?"
Nakun gučo: "Mini aminin Bambajkakurwə!"
"Kə, huruwɣot", gunən Dʼaɣə baba.
Dʼurinitin tirɣani əməčo dʼudu amini.
Aminin gučo: "Bi busšadʼarəm.
Hi gakal hargi!
Ər hargi nokəl kukiji!
Wakal kukiji!
— Tuɣi məja!"
Dʼaɣə baba doldičo.
— Doldimətəmi akinir dʼudu huručo.
Kukiji omukon dʼudu təɣətčarən.
Dʼaɣə baba isšačo kukiji.
Dʼaɣə baba gunən: "Irə bajə?"
Kukim gučo: "Mini ədiw bəjuɣilčo."
Taduk kukiji tujutčonow tar Dʼaɣə baba — ajapčutotčow.
Dʼaɣə baba ətəm wača tar kukiji.
Isšamətəmi kukiji dʼaɣə baba nʼan huručo aminin dʼudu.
Aminin gučo: "Wandi kukiji?"
Dʼaɣə baba gunən: "Ətan!"
Taduk aminin-ətirkorwə homa tikulidʼačow.
Dʼaɣə baba biwuk huručo moniš dʼudu.
Aminin dumajlčo: "Niwə mindu bələdʼarən?
Onə wadʼam kukiji?
Əkun — əkun oridʼam?"
Tuɣə bitčawki — biwuk dumajlčo tar aminin.
Nakun nʼan gʼaladʼarən aminiji: "Ə, aminin!
Bi gadʼam kukiji!
Bi wadʼam akiniji!
Mindu kəɣəmopču!
Bi busšadʼarəm", tuɣə ilanitin gundʼarən nakun.
Aminin nʼan doldičo — ilanitin doldičo.
Doldimətəmi gučo: "Homa!
Mini ajawuči hutən, huruwkəl!
Galaktakəl haman gusko!
Tar haman gusko huruwkəl mindu!"
Nakun nʼan huručo.
Galaktitčawki, galaktitčawki tar haman guskoji — taduk bakača.
Bakamətəmi tar haman guskoji gača hokoduji taduk huruwčo amindu.
Haman gusko tikulidʼačokakun.
Aminin nolətitčow.
Taduk aminin gučo: "Ə, hutərwə, huruwkaldu guskoji hučuškat!"
Hutər huruwčol hama guskoji hučuškat.
Aminin nʼan dumajlčo: "Onə wadʼam kukiji?
Wiški hamaji kuktən gʼaladʼačow — ətan wačo, əšaw bələdʼačo."
Taduk aminin oridʼačo akinir nʼan nakun — tadu gučo: "Bi homa busšadʼarəm!
Huruwkəldu mindu hamaji hərgiški dundaji!"
Kukiji gunən monmišdu ədiji: "Aminin umdʼarən hini hərɣu-dunadu — əkəl hururə — budəndə!"
Akinir gunən: "Onə əšaw hurudʼam?
Aminin umdʼarən!
Nuɣan — busšadərən!"
Aɦiw doldičo — doldimətəmi dumajlčo.
Taduk gučo: "Ajal!
Huruwkəl!
Əlaɦa hurudʼandə gakal digindʼan kolod kartiwə.
Kartat əwiwkəl!
Rupču bidʼawɣot taduk hilbakal ər mini dukun!"
Ədiji gočaw digindʼan kolod kartiwə, nʼan dukun — taduk huruwčo dundadu donin.
Tar akinir buručow hərgiški dundadu.
Ədu hərgiški dundadu akinir isšačo hərɣun bajə.
Tar hərɣun bajəl əšaw isšarən akiniji.
Hərɣun bajəl gundʼariwə: "Unə toɣo taltadʼarən?"
Akinir təɣətčow daɣa hunatdulaji.
Tar hunatlan umnoət busšačo.
Hərɣun bajəl odudʼariwə — unə hunat busšačo?
Dolbodʼariwə.
Bajə wiški dundaji amičow hunatlat.
Timatna hunat əŋəɦiči busšačo.
Taduk hərɣun bajəl oridʼačow dulʼuči hamaji.
Tar haman əšaw bələdʼačow.
Taduk oridʼačow həɣdiɣi hamaji.
Ər haman isšačo bajəwi wiški dundaji.
Isšamətəmi gučo: "Onə hi ədu biɦindi?
Eːwa hindu məja?"
Akinir gunən: "Kartil əwilɣot!"
Taduk tar həɣdəɣi haman nʼan akinir kartidʼariwə.
Digin dʼan kolod kartiwə ətitčow — bajə wiški dundaji əšaw əwilčow.
Taduk akinir həɣdigi hamandu hilbočow dukuji.
Həɣdəɣi haman tančaw tar dukuji tuɣə bičow dukun: "Hərgiči haman həɣdiɣiči!
Gʼaladʼam, hini, həɣdəɣiči haman!
Dʼawkal aminiji nʼan nakuji mini ədiji!"
Həɣdəgi haman gučo: "Ajal!
Dʼawakaldu baɣdama muriji!
Hokaldu nuɣan muriji čoli!
Tawiwkaldu hələči čoli.
Ər hələči čoli nokaldu amɣadu tar muriji!"
Hərɣun bajəlwor tuɣə odʼariwə.
Dʼawačaw baɣdoma muriji.
Hokačo tar murin čoli.
Taduk tawiwči hələči čoli.
Tar hələči čoli nočo amɣadu muriji.
Tar murindulaji həɣdəɣi haman nʼan bajə wiški dundaji huruwčo wiški dundadu.
Hurudʼawki, hurudʼawki haŋar bakača.
Həɣdəɣi haman təpkəčo: "Gək!"
Taduk hiriundʼačo.
Hiriunmətəmi irʼučaw bajəwi wiški dundaji.
Taduk aminin dʼuduwər huruwčo.
Ista.
Tar aminiji nʼan nakuji həɣdəɣi haman huruwdʼačo hərgiški dundadu.
Haŋar homčaw baɣdama murin.