|
|
UA |
Amaski gorolo inčəl dʼur bəjəl kərgələhəl.
|
|
|
|
Ge bəjə hagditmar bisə girkidukpi, hutəlin kətə.
|
|
|
|
Dʼulgaktun hutən bisə əmkə.
|
|
|
|
Tar bəjəl umnə bəjuhilčəl bisəl.
|
|
|
|
Dʼudutin əmənmurə kərgəntin.
|
|
|
|
Hagditmar ahi hutəlnunmi dolboltononʼiwa siwipkandʼəpki bisə.
|
|
|
|
Dʼulgakin nupčapki: “Eda kuŋakarwə siwipkanʼiŋnandʼə?
|
|
|
|
Ekur-wəl əməŋnədʼərə”.
|
|
|
|
Ilidutin tirganʼidu atirkami imək odan.
|
|
|
|
Imi-nun dʼula, urkədutin təgərən.
|
|
|
|
Təgəmi-nun hot isəsildən dʼulgaktulan.
|
|
|
|
Ilmaktatmar ahi hutəji sakilildan, ətəktədun isətčəmi.
|
|
|
|
Sakilmi-nun hutəji ahi gunən: “Kə, əbəkətin, halganmi saskikan kakal”.
|
|
|
|
Atirkami ostan tar ahiwa.
|
|
|
|
Huksildalwi tətmi-nun, dʼalwi udʼalitin hururən.
|
|
|
|
Amardun təpkər seŋarilda.
|
|
|
|
Ekumal-wal dundəldu ahi dʼalwi bokonon.
|
|
|
|
Ətirkənʼin gunən: “Emadʼəndʼə ərbəldulə dundəldulə?”
|
|
|
|
Ahi gunən: “Dʼulat ekun-mal hargin əmərən.
|
|
|
|
Taduk bi tuksanʼim.
|
|
|
|
Amarduw təpkər ilčətin”.
|
|
|
|
Tar bəjəl huski musuhina dʼulawər.
|
|
|
|
Əməmi-nun ira.
|
|
|
|
Dʼudutin ekun-da asin.
|
|
|
|
Bəjə hot mərgəldən: “Ekundula dʼalwi ora?”
|
|
|
|
Girkin gunən: “Kə, bəjə!
|
|
|
|
Dʼudukpar udʼa isətkəl”.
|
|
|
|
Isətmi-nun girkin ekun-da udʼajan əsə isərə.
|
|
|
|
Nuŋan gunən: “Hiŋərəkən udʼawan isəm”.
|
|
|
|
Ge gunən: “Kə, bəjə!
|
|
|
|
Isənəliji udʼali hurukəl”.
|
|
|
|
Hururən udʼali.
|
|
|
|
Tariŋin dʼələki udʼan odan.
|
|
|
|
Tar nʼan udʼawa udʼahinan.
|
|
|
|
Dʼələkiŋin udʼadʼanan haŋarduli ugduhisa.
|
|
|
|
Nuŋan nʼan tar ugduhinnalin ugduhinan.
|
|
|
|
Tar haŋardu dogidadun atirkamiwa bakaran.
|
|
|
|
Imi-nun, gunən: “Kə, əbəkə, mojawar molakta”.
|
|
|
|
Ətəmi moladʼami iwuttən.
|
|
|
|
Əbəkən ewa-da əwki gunə.
|
|
|
|
Tar bəjə əbəkəji gidalarən.
|
|
|
|
Wami-nun atirkamiwa, dʼulaji hururən.
|
|
|
|
Əmərəkin-nun, girkin hanŋuktaran: “On nʼəkəndʼə: bakandʼə-gu, əndʼə-gu?”
|
|
|
|
Girkin gunən: “Bakam atirkamiwa, dʼuduji hukulədʼəriwə.
|
|
|
|
Nuŋan mintiki ewa-da əsə gunə.
|
|
|
|
Bi nuŋanman wami”.
|
|
|
|
Taduk tar bəjəl dʼukčadukpar biwuk nulgihinə.
|
|
|
|
Ərdələn-də əhi tar bəjəl nulgidʼənərə.
|