|
|
YM |
Nonon Nurgowul bihin, geː Ụrən bihin.
|
|
|
|
Ụrən bihin kətəkəːkụn ụriliːn.
|
|
|
|
Taːlaːwạr əmərən Nurgowul.
|
|
|
|
Taːduk ụmụkəːniːn gụːnən: “Ganaːtmaːt!”
|
|
|
|
Nurgowul manaran bəjəŋilwəːn Ụrənŋilwə.
|
|
|
|
Ụrən tuksahịnan; bịrawa mịkčaːndʼạrịːwa garparan, halganmaːn kaputtan.
|
|
|
|
Kaputkaːnịm, ahịːwan hụrụwrən.
|
|
|
|
Nurgowul hụtəwəːn amaːkaːn dʼajaran, hoːmama hụjụkụkəːnmə.
|
|
|
|
Taraːwạ irgittạn dʼapkun anŋanịːwa.
|
|
|
|
Dʼapkun anŋanịːn irgitkəːjim, ajaɣuːldan, lukịːwa oːran mukutịwa, taːduk, guluwun bargịdaːlaːn ịlịwkaːkaːnịm, tatịgaːttạn.
|
|
|
|
Taːdu əčəː nawkaːnä čaːgị amandʼịː gorokondʼịː nʼaːn tatịgaːttạn.
|
|
|
|
Taːduk, gorotmordulaː ịlịwkaːnịm, hələmət lukịːt tatịgaːttạn.
|
|
|
|
Tar kuŋaːkaːn lukịːdu əčəː naːwrə, nuŋan mịkčaːnạn.
|
|
|
|
Jəgitin anŋanịː oːdan.
|
|
|
|
Jəgitin anŋanịː oːdakịn, tar kuŋaːkan moːwa ilkənmə bakaran, amaːkaːduk hanŋuːktaran: “Eːkun ilkəːnčạːn?”
|
|
|
|
— “Əčəːw haːrə”.
|
|
|
|
— “Amaːkaː ələdəːkəl, hịlbakal, ụlgụčəːkəl mindụ”.
|
|
|
|
Ịlaran hanŋuːktaran amaːkaːjị.
|
|
|
|
Amaːkaːn gụːnən: “Bultakəl dʼəwgə bəjụnə, təːli gụːnim”.
|
|
|
|
Taːdu bultaran kuŋaːkaːn kətəwə hoːma bəjụnmə.
|
|
|
|
Bultarakịn, gụːnən: “Nurgowul waːčaːn amịːnmaːs”.
|
|
|
|
— “Eːkụma hoː bəjə, moːɣat baldịdʼịŋaːw, hi, ətirkəːn, ụlgụčəːkəl, ụlgụčəːndəːwi baldịrakịw”.
|
|
|
|
Taːduk tar kuŋaːkaːn hụrụrən.
|
|
|
|
Bakaran taːlaː jəgin dʼuːwa.
|
|
|
|
Bakakaːnịm, kalịlaː dʼuːla iːrən.
|
|
|
|
Iːrəkin, əniːniːn taːgəčịldạn.
|
|
|
|
“Hi eːkuma kuŋaːkaːn bihindaː” əniːn gụːnən.
|
|
|
|
— “Eːkuma binəːn, əčəːw haːrə”.
|
|
|
|
— “Oːn minŋi hụtəw ụrəːriː!”
|
|
|
|
Hụtən taːdu gụːnən: “Tar-tị bihim”.
|
|
|
|
— “Ətirkəːnmi əmərəkin, ənə ụlgụčəːnə”, gụːnən əniːniːn.
|
|
|
|
Kuŋaːkaːn gụːnən: “Ətirkəːn okịn əmədʼiŋəːn?”
|
|
|
|
— “Dolboltono əmədʼiŋəːn”.
|
|
|
|
— “Ụldəjə mindụ bụːkəl!
|
|
|
|
Hoːt dʼəmmụlim, gorojo əmədʼəm”.
|
|
|
|
— “Ụldəŋilbi taŋdʼaŋaːn, mədədʼən, bụdʼạm, ədʼạm-ŋụ?”
|
|
|
|
Hụjụkụkəːnmə bụːrən halganịːn ụldəwəːn.
|
|
|
|
Adịraːkaːn mukukaːnịm, ətərən.
|
|
|
|
Taːdu əmərən ətirkəːniːn dolboltono.
|
|
|
|
Loːwanmị taŋdan, dʼuːlaːjị ənə iːrə.
|
|
|
|
Taŋkanịm, gụːnən: “Halgan ụldən aːčịn”.
|
|
|
|
Taŋdaːkịn, iːkəːnim dʼuːlaːji, gụːnən: “Eːkun kuŋaːkaːmịn əməčəːn?
|
|
|
|
Ụldəmiː iːdụ bụːndä?
|
|
|
|
Hụŋtụ-ɣụ, tawardu-ɣu bụːndä?”
|
|
|
|
Ahịːn gụːnən: “Tawardu bụːmi, dʼəpčəːn”.
|
|
|
|
— “Eːkun kuŋaːkaːmịn əməčəːn?
|
|
|
|
Hoːt ulịkal, aŋadʼakaːn binəːn.
|
|
|
|
Həːksəjə urkukal kalandu hụjụwdəːn”.
|
|
|
|
Tarịːŋịn aksaran, aksakaːnịm gụːnən: “Hi amịːmaːw waːdʼəwki bihindi?”
|
|
|
|
— “Ni amịndị gərbin bičəːn?
|
|
|
|
Hi minŋiwə gərbiwəːw haːndị?
|
|
|
|
Ni amịːndị gərbin?
|
|
|
|
Hi minŋiwə gərbiwəːw haːndị-ɣu?”
|
|
|
|
— “Haːmị”.
|
|
|
|
— “Gərbiwəːw ŋụː haːrəkịs?”
|
|
|
|
— “Hinŋi gərbis Nurgowul”.
|
|
|
|
Mịkčaːnən hoːnalịn əldụnmə časkịː.
|
|
|
|
Mịkčaːndʼạrịːwa purtatpị amandịwkaːnịn.
|
|
|
|
Taːduk tuksahịnaːkịn, hokordon; əmərən, hụŋtụlwə tətkənən tətigəlwə.
|
|
|
|
Əmərəkin jəgin dʼuːdu: “Okị bihis jəgin dʼuː waːkạldu”.
|
|
|
|
Hụwụlitin ụrụttə, əčəːl nawkaːnə.
|
|
|
|
“Kə, hilə, bi-wə-li ganaːčịːktə”, gụːnən, “Adaɣukaldu mịkčaːkạldu!”
|
|
|
|
Lukịːtịkịːndʼịː waːrən.
|
|
|
|
Ụmụkəːn hulaptan, hoːŋịtịn hulaptan.
|
|
|
|
“Amịːwaw oːn waːčaːs, tụgi waːdʼam”.
|
|
|
|
Garparan ụmụkəːlin waːrən.
|
|
|
|
Waːkaːnịm, əniːnmi hụrụwrən.
|
|
|
|
Amaːkaːn gụːnən: “Ələ-dəː hoːmaja bihindi”.
|