|
|
AGS |
tʼaratej tʼapte.
|
|
|
|
ilikumbadi ira paja.
|
|
|
|
na ira da i pajanʼan ɛsan okɨr idɨ.
|
|
|
|
kundɨ tepla ilakumbadi, nagurtatɨ tepɨla son ilambatɨ.
|
|
|
|
ondɨ ira paldʼukus nʼajale i kwelajgus.
|
|
|
|
a paja matkɨn ɛkukus indopti.
|
|
|
|
okɨrɨn tuanʼ ira kwelolewle matɨ i kʼutɛnɨ.
|
|
|
|
kundɨ ira kʼudakus.
|
|
|
|
okɨrɨn i kuan.
|
|
|
|
paja tidam kaliadi indopti šiteki.
|
|
|
|
na paja indoni tʼaramba kuldin imat tidam me tasse ilakunʒo.
|
|
|
|
tidam man lakale kwenba kajda ilokus na ɛtogɨn sakum wɛrgaldi.
|
|
|
|
i paja lagakus nitʼan.
|
|
|
|
a indɨni čadɨš nʼodamdelʒi potɨ.
|
|
|
|
nendɨ na manʒigan čadɨš küdɨ xolera.
|
|
|
|
i okɨrɨn kütesɨ na učenan ɛwot na küdɨze.
|
|
|
|
i nagur pogandɨ küdalewle kumbis.
|
|
|
|
tidam na uče ondɨ kalis.
|
|
|
|
tidam tep nok matkanɨ kwesɨ kun emɨ ondɨ simdɨ ɛrambile kundeka pegu so ilatewmɨm.
|
|
|
|
okarɨn čadimba wɛtowon.
|
|
|
|
kajda timbatɨ kwɛrela.
|
|
|
|
tabɨnan tʼulset sabow.
|
|
|
|
kwɛrela wɛseluatɨ.
|
|
|
|
okɨr kwɛre tʼaran: tan mezanɨt ɨkɨ kwɛtkwe.
|
|
|
|
mie tendani kutəjan tünʒot.
|
|
|
|
na kum asɨ kwetnɨt okɨrɨmnasɨ.
|
|
|
|
kwesɨ nʼarne.
|
|
|
|
kundɨ čačakus ondɨ.
|
|
|
|
okɨrɨn midan kɨndɨ.
|
|
|
|
purɨla kwɛl paldʼuatɨ konan.
|
|
|
|
kɨkɨmba okɨ puram tümen tʼačagu.
|
|
|
|
a na purɨ tʼaron: tan mezanod ɨkɨ kwetkwe.
|
|
|
|
me tegandi nak tündet.
|
|
|
|
tep na kum nildin kwɛzis i okɨ puram nasɨ tʼačat.
|
|
|
|
ondɨ nildin ɛčanɨ tʼa manget kwendʼan nʼarne.
|
|
|
|
da kaki terbeldenʒan dak te menga tükualat.
|
|
|
|
purala tʼaratɨ: tünšot, tünšot obʼazatelʼno.
|
|
|
|
i na kum kwenɨ opʼatʼ nʼarne.
|
|
|
|
kos kundɨ čačakumba ili asɨ.
|
|
|
|
tʼapte tʼak tʼarakukun.
|
|
|
|
iret ɛrukan čačɨn.
|
|
|
|
a na kum tar čačɨn wɛtolagan.
|
|
|
|
kajda ɛdɨla na asɨ kwedɨlɨkuwatɨ.
|
|
|
|
kajda wotɨ tʼumbɨ.
|
|
|
|
i kajmnasɨ kodurguk.
|
|
|
|
kutʼa kula katolumbatɨ.
|
|
|
|
ondɨ nasi tiniwɨt.
|
|
|
|
okɨrɨn wɛtogan kajda zaldi tembidi koldit sain.
|
|
|
|
a na saldogɨn kɨola wargɨ nildi tʼaram.
|
|
|
|
na kum kɨgɨmba tüm tʼadali poračugu.
|
|
|
|
kɨola tʼaratɨ: mezanɨt ɨkɨ tʼadakwe.
|
|
|
|
me tendani opod kutʼan tünʒot.
|
|
|
|
na kum tüwule teb asa poračɨt salčɨm.
|
|
|
|
nenɨ kuldinta kwɛtʼat.
|
|
|
|
tʼa tʼaron: ilalat, kaki emɨ menga tündʼalɨt.
|
|
|
|
kakie man terbandet tündot.
|
|
|
|
tünʒot tʼaratɨ kɨola.
|
|
|
|
tidam tar čačakun.
|
|
|
|
kos mija kundota kwenba ili kutʼan ɛkukun.
|
|
|
|
tʼapte tʼak kɛtle kwendakut.
|
|
|
|
nʼarne kwelewle nawda ɛtondɨ tüan.
|
|
|
|
sernɨ kawda kwendɨgaw pajani.
|
|
|
|
tebɨnan tiwɨt tʼumbɨ.
|
|
|
|
tüjat nak tʼumbɨ.
|
|
|
|
anakon abastɨt pergannaʒi tir.
|
|
|
|
nena sogandinʼ kutʼa na kum čačandɨ.
|
|
|
|
tep tʼaran: ɛsem ɛwem mine kumbadi.
|
|
|
|
man tidam čačan kutʼa saem mandimba.
|
|
|
|
so ilatejmɨ pendan.
|
|
|
|
nenɨ na kwɛndɨgaw paja na kuni tʼaran: mennan ɛan kundɨlam.
|
|
|
|
man tendani menʒam.
|
|
|
|
tolʼko tan menga medɨ okɨr man ʒelaniem.
|
|
|
|
nenɨ tan ičal meŋnan so kündɨ korɨ.
|
|
|
|
a na kum tʼaran: kulʼdi delam megu tendani?
|
|
|
|
na kwendakaw paja tʼaran: meŋnan ɛatɨ somble sarɨ korɨla.
|
|
|
|
tepɨla asɨ ogaldimbidi.
|
|
|
|
wesʼ nɨŋatɨ konʼušnʼagɨn.
|
|
|
|
man teplam utenʒam ponne.
|
|
|
|
jesliw tan tepɨlam kote konʼušnʼandɨ mitarenčal to kundel tan.
|
|
|
|
a tidam kwele kondagak nigak.
|
|
|
|
karimogon mečal.
|
|
|
|
na kum wesʼ pin terbimba kulʼdiŋa man mečam.
|
|
|
|
a nenɨ tejgindɨ potkalba.
|
|
|
|
karimogon paja utelganɨt wesʼ kundɨlamdɨ ponne.
|
|
|
|
kum čančɨn ponne matkanɨ.
|
|
|
|
končurnɨt korɨla koptɨratɨ.
|
|
|
|
kundɨla kuronatɨ üttɨ uleatɨ.
|
|
|
|
a na kum terbilʼdemba kundaka ɛatɨ purɨla.
|
|
|
|
kündɨlam otalgwalat.
|
|
|
|
kunɨ miteluatɨ purɨla.
|
|
|
|
kundɨla sapelule kuronatɨ.
|
|
|
|
a na kum terbilʼdemba kundaka ɛatɨ kɨola.
|
|
|
|
kunnɨ miteluatɨ kɨola.
|
|
|
|
kundɨlam ʒaličule tɛpɨla wesʼ kuronatɨ konʼušnʼandɨ wesʼ okɨrɨndʼarɨ.
|
|
|
|
a na paja sailamdɨ pɨlgaldule mandimba: tepɨla kulʼdiŋa ondɨt sernatɨ konʼušnʼandɨ.
|
|
|
|
i kwerɨt, na paja kuwam i tʼaran: tidam idɨ so kündɨ.
|
|
|
|
sernadi šinne, sarajgɨn nɨda so korrɨ.
|
|
|
|
a ilenn ippa kajda asɨ so kunndɨ.
|
|
|
|
tep na kum tʼaran: man tawam ičam.
|
|
|
|
i izɨt na asɨ so kundɨm.
|
|
|
|
pone kwendɨt kɨrsanbarandɨ mitɨrɨt.
|
|
|
|
a tep nilʼdi so kündɨ ɛsuzan.
|
|
|
|
na paja tʼaran: kak so kundɨm asɨ isal.
|
|
|
|
i nendɨ ʒe mezɨt dospexilam bogatɨrskie.
|
|
|
|
tidan na kum kwenɨ nʼarne.
|
|
|
|
tidam asɨ toban a kundan pargan.
|
|
|
|
i wse dospexi ondɨnan ɛatɨ.
|
|
|
|
čačan wɛtowɨn sablʼa i dospexila.
|
|
|
|
tüan okɨr ɛtondɨ.
|
|
|
|
i serba kajda mokogi matɨ.
|
|
|
|
a nitʼan ilamba asɨ kwendɨgaj paja.
|
|
|
|
tʼaran temdɨ tambin megɨnɨtnan okɨr carɨnan ambat sü nemdɨ.
|
|
|
|
neit kum nai na süm kwečit to man mendʼam naŋo oneg nɛwɨ tebaŋo.
|
|
|
|
tolʼko čtoba kwetku na süm.
|
|
|
|
a na paja mimbat kajda flakonukam.
|
|
|
|
tan tawam utčal, sindɨ sü asɨ amdɨn.
|
|
|
|
a na kum kwennɨ.
|
|
|
|
končurnɨt amda so uče.
|
|
|
|
tep čačektɨ midɨn, sogandin.
|
|
|
|
a nad tʼaramba: tam bin man opom sü ambat.
|
|
|
|
tidam tam bin amdɨn mazin.
|
|
|
|
i omdadi okɨmɨgan ɛdaldɨle na süm.
|
|
|
|
pin tʼonʒegan na sü tüsan tepkini šitɨ olandɨse.
|
|
|
|
i tep na kum süm kwetpizɨt.
|
|
|
|
a na sün wɛdʼamdɨ kundaka ɛatɨ tʼaran kwɛrela.
|
|
|
|
i kunɨ miteluatɨ.
|
|
|
|
a na sün wɛdim kwɛrela absatɨ.
|
|
|
|
a na šitek kwɛsadi carini i tʼarambadi čto me kwɛtno na süm.
|
|
|
|
temdɨ carʼ omdalʒɨt stoldɨ na kuwam i ondɨ nemdɨ.
|
|
|
|
i eše okɨr nedɨ ɛs.
|
|
|
|
nak omdalʒɨt i nedamba.
|
|
|
|
wɛrgɨjudam ütkuatɨ.
|
|
|
|
ilausadi i tidam ilakwadi.
|
|
|
|
man nin ɛsan, wɛrgɨjudam üsan.
|
|
|
|
a aŋenen tʼangumba.
|