|
|
KAI |
Sɨlʼčʼa-Pɨlʼčʼa.
|
|
|
|
Sɨlʼčʼa-Pɨlʼčʼa Qəš ilɨmpa.
|
|
|
|
Əmɨtɨj ɛːppɨntɨ.
|
|
|
|
Äsɨtɨ čʼaŋkɨmpa.
|
|
|
|
Ila, ila.
|
|
|
|
Okkɨr čʼontot əmɨntɨ nı kotot (/kətɨt), əmtɨ tɨ nılʼčʼik ɛsa: Mat qumɨlʼ peːrla qənnak.
|
|
|
|
Tılʼčʼa kuttar ilantɨmɨt?
|
|
|
|
Ama, tan montɨ qaj tap təttɨt pontarqɨt qumɨp aš tɛnima?
|
|
|
|
Əmɨt tomnɨtɨ: Man nʼi qajlʼ qum aš tɛnɨma.
|
|
|
|
Tap təttɨt pontarqɨt tätčʼaqɨt qup čʼäŋka.
|
|
|
|
Ijatɨ əmɨntɨn nılʼ kətɨtä: Tan mompa onät ilašik.
|
|
|
|
Man ompa qumɨlʼ peːrila qəlʼlʼak.
|
|
|
|
Tap tätɨt pontarqɨt Sɨlša-Pɨlša Qəš nɨːnɨ qənna.
|
|
|
|
Sɨlša-Pɨlša Qəš našak qəntɨna.
|
|
|
|
Kəŋka aj taŋɨmka.
|
|
|
|
Qoltɨp ka tulʼtɨmpɨka, kɨp kä tulʼtɨmpɨka.
|
|
|
|
Nʼikakoj ni qailʼ qup čʼäŋka.
|
|
|
|
To toːlʼ mɨqɨt, ket qənka.
|
|
|
|
Ükontuqo qɔːtqet sɨrɨčʼčʼika aj čʼüːqo.
|
|
|
|
Ukkur čʼontoːqɨn tulunʼnʼa mačʼonta, marqɨl mačʼe.
|
|
|
|
Na mačʼoːmɨt kɨ tannɨmmɨnta.
|
|
|
|
Na kɨt qanɨŋmɨt qälʼimpak.
|
|
|
|
Ukkur čʼontoːqɨt qos qaj ünnänta: A buh, a buh!
|
|
|
|
Qälʼimpa, nılʼtij čʼarɨ üntɨnit.
|
|
|
|
Nʼi qaj suːrɨm, nʼi qaj čʼäŋka.
|
|
|
|
Na tättɨp pontar kolʼaltɨptäːqak kusa qaj orɨčʼčʼe?
|
|
|
|
Mat hot mannɨmpɨsan ɛna.
|
|
|
|
Na tünnent, na tünnenta.
|
|
|
|
Ɨːrɨk mit olʼa kɨ šinčʼoːqɨt takkɨt ünta aj kɛn na laŋkɨčʼčʼenta: A buh, a buh!
|
|
|
|
Nılʼti čʼarɨtɨ qalʼ montɨ tɛːŋŋɨrna.
|
|
|
|
Na tüntanɨɨɨ.
|
|
|
|
Takkɨt kɨt kɨːqat qos qaj säːqiɨmɨt.
|
|
|
|
Na majnilʼ laŋkɨnʼä: Aaa buh, aaa buh!
|
|
|
|
Aša ni qumɨt čʼarɨ ola nı laŋkɨnʼnʼä.
|
|
|
|
Nɨː na tünta.
|
|
|
|
Montə nılʼčʼik qum laŋkɨs.
|
|
|
|
Nɨː čʼap tünta montɨla qup, montɨ qup tam äsantɨ ämantɨ mäčʼisä nʼäŋɨčʼa qup.
|
|
|
|
Tap əsɨntɨ əmɨntɨ wäčʼisä nʼäŋɨčʼa ɔːmta na qäqɨn ɔːqqɨt.
|
|
|
|
Na qaj, na qup laŋkɨšmɨnta?
|
|
|
|
Tat qaː nıj ɔːmnant?
|
|
|
|
–Aša, mumpa mat loːsa šım amqo ɔːmtak.
|
|
|
|
Konnäqɨt qumiːmɨ ɛːŋɔːtɨt.
|
|
|
|
Nammɨt šıp ontalimpɔːtät loːš šim amqo.
|
|
|
|
Olqa mat konna tannɛntak, loːs muntɨk šımɨt amta, ne qaim naš qaläta.
|
|
|
|
Na qaː šım omtɨlʼimpɔːtet?
|
|
|
|
–Tat konnä tantɨš.
|
|
|
|
–Tan nej konna tantaš.
|
|
|
|
Mat kutar tannɛntak?
|
|
|
|
Qumɨt šıp qolʼčʼantɔːtɨt.
|
|
|
|
–Mat tomnap, tat kon tantaš.
|
|
|
|
Konna na tannɨntɔːqaj.
|
|
|
|
Sɨlʼše-Pɨlʼšet Qəš pɔːrkä na meːlʼčʼintɨtɨ täːqantɨsa.
|
|
|
|
Tan napa mašıp kušan ɨk šıp kətašik!
|
|
|
|
Loːs taštɨ na soqɨčʼɛnnɨnta, Sɨlʼčʼa-Pɨlʼčʼat Qəš kučʼa qatɨsä.
|
|
|
|
Mašıp kušenna šıp kətašik.
|
|
|
|
Nılʼ äːkɨlʼčʼimpata täːqasä.
|
|
|
|
Konna na qənta, nɨː mont čʼulʼ mɔːt.
|
|
|
|
Naqät mɔːtan ɔːqqɨt aj pɔːrkä na meːntɨtɨ.
|
|
|
|
Mɔːt šeːräšik.
|
|
|
|
Qaː nɨŋantɨ, qantenint?
|
|
|
|
–Mat qäntɨk šeːrtak, qumiːmɨ šıp qolʼčʼantɔːtɨt.
|
|
|
|
Tan ola mɔːt šeːräšek.
|
|
|
|
Na mɔːtan ɔːqqɨt aj pɔːrkä meːntɨt.
|
|
|
|
Tan napa mašıp ɨkɨ šıp kətäšik!
|
|
|
|
Taːqasä äːkɨlʼčʼiŋɨtɨ.
|
|
|
|
Mɔːt na šeːra tɨna qup əːtɨmɨntɨ.
|
|
|
|
Munta na qolʼčʼintɔːtɨt na.
|
|
|
|
Mumpa qaː šeːrna?
|
|
|
|
–Aša, mumpa qupti mɔːttɨ šıp üːtɨsa.
|
|
|
|
Qos qajelʼ qup tüsa, mašıp mɔːt šım üːtäsa.
|
|
|
|
Konnɨ šep tattɨraltes.
|
|
|
|
Täp čʼap qoŋɨtɨ mɔːtat nʼennalʼ pɛläqqɨt aj ukkɨr nʼäŋɨčʼa qup qomta.
|
|
|
|
Nɨːno qa nılʼčʼik ɛsa: Qumɨp ınnä taqtaltɔːtet.
|
|
|
|
Nɨːnɨ pona tantɨlʼä üŋkɨltɨkkolʼčʼimpatɨ loːsɨ kutɨlʼ mɔːntoːqɨt qompɨška.
|
|
|
|
Loːsa qata qompɨšnä mɔːt šeːrnɨlɨt.
|
|
|
|
Ukkɨr qup üŋkɨltɨmpɨŋɨjä.
|
|
|
|
Mompa üːtɨlʼ kəntɨtɨ tokkɨčʼčʼenta, našat tantɨkkolʼčʼimpa (/qompačʼčʼentɨ).
|
|
|
|
Seːpɨlak ɛːnta, ukkɨr tät čʼontoːqɨt qup na tannɨnta.
|
|
|
|
Mompa qaret na qompɨčʼčʼa.
|
|
|
|
Mɔːttɨ patqɨlna.
|
|
|
|
Loːsɨ na qompɨčʼčʼa!
|
|
|
|
A mompa nɔːtə taŋɨŋ ɔːmtɨŋɨlɨt, nʼi kušat ɨkɨ tantɨŋɨlit.
|
|
|
|
Sɨlʼčʼi-Pɨlʼčʼit Qəš üŋkultimpetɨ, qaj?
|
|
|
|
Konnä na tannɨntɨŋa (/tannɨnta).
|
|
|
|
Peːkap qolʼčʼitɨ.
|
|
|
|
Peːkä: čʼuk, čʼuk.
|
|
|
|
Qaj Sɨlša-Pɨlʼša Qəš qattüsa?
|
|
|
|
– Sɨlša-Pɨlʼša Qəš tɨntä qəssa.
|
|
|
|
Konna na tünta, pɔːrkäp qoŋot.
|
|
|
|
Pɔːrkä kətätɨ: Sɨlʼša-Pɨlʼša Qəš mɔːtqɨn ɔːmta.
|
|
|
|
Loːsɨ karra kolʼimɔːlʼlʼä kurolʼna (/qənna), üttɨ alʼčʼa.
|
|
|
|
Mɨta qur qäːš.
|
|
|
|
Pona paktɨlʼä tıntena Sɨlʼčʼa-Pɨlʼčʼa Qəš pɔːrkämtɨ pačʼallä sılʼlʼaltätɨ, mačʼa qattɔːlnit.
|
|
|
|
Jarɨk pɔːrkäp meːŋetɨ.
|
|
|
|
Čʼarrä äkulʼčʼimpɨŋɨtɨ: Tat napa mašıp nʼi kušat (/kušannɨ) ɨkɨ kətašik!
|
|
|
|
Tiː tantɨkkolʼčʼimpa qarɨnɨlʼ pit.
|
|
|
|
Nɨːnɨ pintɨ kuntɨ na ɔːmnentɔːtɨt.
|
|
|
|
Qarnɨlʼ pit qumɨp kuralʼtɔːtɨt ponä, mannɨmpɔːtät, čʼɔːlsä aša tanta.
|
|
|
|
Sɨlʼčʼa-Pɨlʼčʼa Qəš kuralʼtɔːtɨt: Üŋkɨltɨmpätɨ.
|
|
|
|
Seːpɨlak qup na lʼämɨk ɛinta, mɔːttə na alʼčʼinta.
|
|
|
|
Mɨtta ukkɨr loːsɨ qompɨšpa.
|
|
|
|
Loːsɨ na qompɨšpa.
|
|
|
|
Qapija Šilʼša-Palʼša ontə üŋkɨltimpatɨ.
|
|
|
|
Na tannɨnta konnä.
|
|
|
|
Kurɨlʼä tap tükkɨnä, kurɨlʼä tap tükkɨnä.
|
|
|
|
Na qət pɔːrɨntɨ na tannɨnta.
|
|
|
|
Tɨntäna pɔːrkäntɨ kurɨlʼä na tünta.
|
|
|
|
Mɨta čʼuk, čʼuk, čʼuk.
|
|
|
|
Qaj Sɨlʼčʼa-Pɨlʼčʼa Qəš qattüje, qaj mɔːtqɨn ɛːŋa?
|
|
|
|
– Sɨlʼčʼa-Pɨlʼčʼa Qəš našat qəssa.
|
|
|
|
Tat konna qəlla apsolʼ amtɨ.
|
|
|
|
Toːnna kurɨlʼä na qəntanəəə, mɔːtan ɔːkɨlʼ tüntanəəə, pɔːrkäntɨ tüːŋa.
|
|
|
|
Qattüsa?
|
|
|
|
– Sɨlʼčʼa-Pɨlʼčʼa Qəš tep aša täːlʼa našak qəssa (/qəssɨŋa).
|
|
|
|
Mɔːttɨ šeːrlʼa apsolʼ amtɨ.
|
|
|
|
Ukkɨr čʼontoːqɨt loːsɨ mɔːttɨ na noqɔːlta, mɔːttɨ na noqqɔːlʼta.
|
|
|
|
Mɔːttɨ čʼep šeːrna loːsɨ, Sɨlʼčʼa-Pɨlʼčʼa Qəš počʼčʼalʼnɨtɨ olantɨ laka.
|
|
|
|
Mɔːttɨ šuː nʼanna püŋkolʼna.
|
|
|
|
Kəpɨntɨ laka qottä ponä alʼčʼa.
|
|
|
|
Qəttentit.
|
|
|
|
Ponä tattɨŋɨt tä Sɨlʼčʼa-Pɨlʼčʼa Qəš kəpɨntɨ laka.
|
|
|
|
Ponä tanta, monte čʼeːlɨŋɛlʼčʼa.
|
|
|
|
Karrə tulʼtɨŋɨt Sɨlʼčʼa-Pɨlʼčʼa Qəš kəpɨntɨ lakap, ütɨlʼ qəqontə pinnete.
|
|
|
|
Ulqosä nʼentɨ qantäptitɨ, nılʼčʼik pinnete.
|
|
|
|
Ütɨlʼ qəqɨntɨ qanɨktɨ nılʼčʼik pinnɨt.
|
|
|
|
Mit ola ilɨlʼä ippa.
|
|
|
|
Olɨntäsä nʼentɨ loːqaltɨŋɨtɨ.
|
|
|
|
Na čʼeːlatɨŋɔːmɨt.
|
|
|
|
Lɨpkomɔːta.
|
|
|
|
Mompa kekkɨsä šittäqıj, jarɨk mɨ ičʼeqa, aše tɛnɨmɔːmɨt.
|
|
|
|
Üːtɨt na lʼipkɨmɔːnna.
|
|
|
|
Üːtɨt seːpɨlak ɔːmta.
|
|
|
|
Na rɛmkɨmɔːtqolamna.
|
|
|
|
Qumɨp ponä kuralʼtɨtä: Üŋkɨlʼtɨmpätɨ.
|
|
|
|
Qup poːqɨt nɨŋa.
|
|
|
|
Qəː!
|
|
|
|
Qum na qompɨšqolamna!
|
|
|
|
Mɔːttɨ patqɨlna.
|
|
|
|
Mɔːttɨ šeːrlʼä nılʼčʼik kätɨmpat: Loːsɨ karrät qompɨnʼnʼä.
|
|
|
|
Konna kurɨlʼlʼä na tannɨnta.
|
|
|
|
– Konnä qaj qompɨčʼčʼe?
|
|
|
|
Aaa!
|
|
|
|
Tat qaj kočʼkɨmɔːnantɨ, amɨrɛlʼčʼinantɨ, narkɨmɔːtijantɨ?
|
|
|
|
Ukkur nʼeːmtɨ nɨlʼčʼik qoŋɨtɨ.
|
|
|
|
Man okoːt amɨrrɛːlʼä nılʼčʼik ippɨkkolʼčʼimpɨkkak.
|
|
|
|
Nɨːnɨ konna kurɨlʼä na tünta.
|
|
|
|
Konna kürɨlʼä na tünta.
|
|
|
|
Čʼuk, čʼuk.
|
|
|
|
Qaj Sɨlʼčʼa-Pɨlʼčʼa Qəš qattülʼčʼa (/tüŋa)?
|
|
|
|
Qaj qəssa, qaj qattüssa?
|
|
|
|
– Sɨlʼčʼa-Pɨlʼčʼa Qəš okoːn naša qəssa, tıntɨ naša qəssa.
|
|
|
|
Tat konna qəlla apsolʼ amtɨ.
|
|
|
|
Nɨːna konna qəllä (/kurlʼä) tıntena pɔːrkəntɨ tüːŋa.
|
|
|
|
Kättɨtɨ: Qaj Sɨlʼčʼa-Pɨlʼčʼa Qəš mɔːtqɨn ɛːiŋa?
|
|
|
|
–Täm aša našat tɨntä qəssa.
|
|
|
|
Mɔːt šeːrlʼa apsolʼ amtɨ.
|
|
|
|
Ɔːm aj nɨlʼčʼik ɛssa: Mɔːttɨ qaj šeːrtak, qaj aša šeːrtak,– ɔːm aj mɨ.
|
|
|
|
Pɔːrkä qaj mompa mašıp kurɨmmanta?
|
|
|
|
Qapı kulʼtɨmpa (/kulʼtɨmpɨŋa): Ɔːmij qaj šeːrta, qaj aša šeːrta.
|
|
|
|
Okkɨr čʼontoːqɨt na šeːrqolamta.
|
|
|
|
Olɨmtɨ mɔːttɨ čʼap noqqɔːlnɨt, Sɨlʼčʼa-Pɨlʼčʼa Qəš pačʼalnɨt olantɨ lako.
|
|
|
|
Mɔːttɨ nʼannä alʼčʼa, püŋkolʼna.
|
|
|
|
Kopɨntɨ laka qottä ponä alʼčʼa.
|
|
|
|
Qəttɛːŋɨtɨ.
|
|
|
|
Nɨːnɨ nɔːtɨ čʼap ɔːmtɔːtɨt, ɔːmtɔːtɨt, nʼi qaj čʼäŋka.
|
|
|
|
Mumpa qaj šite ičʼa.
|
|
|
|
Tɔːptɨlʼ qarɨt ınna čʼeːlɨŋna.
|
|
|
|
Mompa poː pačʼčʼalʼnɨlɨt.
|
|
|
|
Poː pačʼčʼalnɔːtɨt.
|
|
|
|
Tü čʼɔːtɨŋɨlɨt.
|
|
|
|
Əːtɨmɨntɨ poːp pačʼčʼalʼnɔːtɨt.
|
|
|
|
Šittäqıp karrä tultoktät, tüsä čʼɔːtɔːtɨt, koptɨkɔːlɨk tüsä čʼɔːtɔːtɨt.
|
|
|
|
Iralʼ äsäsɨt, na ira nälʼätɨ ɛːppa.
|
|
|
|
Na nälʼamtɨ Sɨlʼčʼa-Pɨlʼčʼa Qəštɨ miŋatɨ.
|
|
|
|
Na təttɨt moːrɨ kolʼalʼtɨntäkkɨt, šölʼqumɨtɨtkine tüŋa.
|
|
|
|
Moːrɨt na ɛːnta.
|