|
|
KNI |
Iːtʼe iːllakuŋ nʼei aːtergu (soːqqaːl) soːqqaːn.
|
|
|
|
Qaŋund assə seŋgalʼe, qaŋund assə tʼeːlatɨlʼlʼe illakuŋ.
|
|
|
|
Quːla ärran matʼtʼöndə čaǯakuɣat, porsi oːrran qəndasquɣattə.
|
|
|
|
Iːtʼe qondikuŋ.
|
|
|
|
Quːlat nara matʼtʼöndə meːndəlʼe qöːdʼat.
|
|
|
|
Qaimnasse qwatkuat, sündʼebɨm qottä maːtqandɨt tükuat.
|
|
|
|
Okkɨrɨŋ Iːtʼe poːnä čanǯande.
|
|
|
|
Qaila čaːǯandat.
|
|
|
|
Mančambinde: seːbaqaj küːndi quːla, qwärɣɨ küːndi, taːwaj küːndi.
|
|
|
|
Moqqoɣonnä iːrra čaːǯaŋ.
|
|
|
|
Iːtʼe iːrran qanǯajtibantə paːraldiŋ.
|
|
|
|
Irra čaǯakuŋ warɣə ütaj tʼäːzində (tʼäːzi).
|
|
|
|
Saːtʼiŋa tʼöːtʼämba: onnä üːti tʼäːzʼim assä miːnǯam.
|
|
|
|
Seːlʼdʼuŋ säːŋgɨlʼe, selʼdʼuŋ tʼeːladɨlʼe nändə äɣat.
|
|
|
|
Saːtʼiŋat oːlan quraŋ nʼändu qaːndeŋ.
|
|
|
|
Niwan taj puːle qwännattə.
|
|
|
|
Nännɨ čaːǯaɣ quɣat.
|
|
|
|
Okkɨrɨŋ qajgan argu suɣan pari, moqqarɨn paːri miːttat, amdiqowan pari.
|
|
|
|
Tʼäjmaːt maːttat omdalpikuwat, tʼeːlne omdalpikuwat.
|
|
|
|
Okkɨrɨŋ qajgan maːtta qoːwanoːllan čaːnǯi nüːgu niːwan.
|
|
|
|
Taŋle qöːdʼät massun maːta sinde taŋəle miːttat.
|
|
|
|
Iːrra qwändəgaj miːrsečille aːmda.
|
|
|
|
qaːbəret qwälle čaːčaŋ nʼäːjawulle seːbakawlʼe.
|
|
|
|
Iːrran soːwwal tʼüːtə porumba.
|
|
|
|
Naːgur qwärgan oːli tʼü saːtču ondə nʼämdə saːlǯelʼbat.
|
|
|
|
Irra säːldʼu tärrin piːri qwäldʼim tüːl paːri innä pɨŋalǯit.
|
|
|
|
Qwaldi müːssaŋ, qonnä iːɣət.
|
|
|
|
Nʼüssʼüsüːqaːlɨk qoːzi qaji soːqalʼe četčit.
|
|
|
|
Iːrra tʼäraŋ: tümbədi quːlam apsitit ɨrapčit.
|
|
|
|
Qozi täpat awurnat, ɨːrat.
|
|
|
|
Nannä qoːzi qoːttä maːtqandɨt qwangu äːsuɣat.
|
|
|
|
Iːrra šɨtaŋze suːrun taːram täpatni miːɣat.
|
|
|
|
Iːtʼe maːtan aːlgan paːramba.
|
|
|
|
Iːrra tʼärraŋ: Iːtʼe, tʼitʼtʼä tüːɣak.
|
|
|
|
Man minǯam säːĝi maŋo.
|
|
|
|
Orandiri suːrun taram minǯam.
|
|
|
|
Tiːta maːtqɨndə qunnɨ miːttandə, quːlal maːtʼtʼöndə čaːčat.
|
|
|
|
Nändə poːnä čandɨlʼe manǯambikut.
|
|
|
|
Nom taumǯenǯaŋ.
|
|
|
|
Suːrul taːraw nʼünʼükaŋ qɨn ollondə tʼäǯakut.
|
|
|
|
Quːlal nännä moʒət suːrum qwatkunǯattə.
|
|
|
|
Nännɨ čanǯilʼe qwännat.
|
|
|
|
Iːtʼe iːrra qaːnǯan tiːpen paːralʼdʼiŋ.
|
|
|
|
Qoːzi nännə čaːǯaquːɣat.
|
|
|
|
Qangundä säːŋglʼe tʼeːlatɨlʼlʼe miːttat.
|
|
|
|
Iːtʼe qoːzi ilʼlʼe (paqtaŋ) paqtɨgəzʼaŋ.
|
|
|
|
Maːtqandə muːri paːri sätar ilʼlʼe qučolle qoːndaŋ.
|
|
|
|
Okkɨrɨŋ qaːɣi nɨŋa siːtʼiŋ qaji täpɨm siːtkut.
|
|
|
|
Saim nʼündat.
|
|
|
|
Näjqum sitkuɨt.
|
|
|
|
Iːtʼe, qoːza säːp qondandə.
|
|
|
|
Manǯe, quːlal maːtʼtʼöndə čaːčat, porsi orran qəndat.
|
|
|
|
Taːn ponä čänǯile, äːsäm qaim kətsan naːdi suːrul taram qɨn ollotdə nʼüːnʼük tʼätčɨgu.
|
|
|
|
Iːtʼe wäzaŋ (qwäzäŋ) orran tiːre tʼätčit qɨːnä oːlloldə.
|
|
|
|
Onda qoːttä seːrnä qučalle qondaŋ.
|
|
|
|
Nennə okkɨrɨŋ qaːqi quːla maːtʼtʼöqɨnnä qottä čačat, näjqum sitkuwɨt.
|
|
|
|
Iːtʼe innä wäsak.
|
|
|
|
Manǯe, quːlal kuːldʼiŋ suːrum qwätpattə.
|
|
|
|
Nännə Iːtʼe poːnä tčanǯilʼe manǯamba quːla suːrun qopi qanǯan čačat.
|
|
|
|
Nännä nom taumnə, qɨn olle küŋgannä.
|
|
|
|
Qɨn olle na quːla suːrum qwatlewlʼe wätʼamdə toːj tʼäčamba.
|
|
|
|
Na suːrum wätʼtʼe čukarlʼe tämba, čukam ütman taːdərɨt.
|
|
|
|
Näjgum Iːtʼem siːtɨt: Iːtʼe, wäsak, qwalle manǯelǯet, qaiŋo nildʼiŋ meːɣal.
|
|
|
|
Tinna qaji kün ollotdə suːrowlʼe tʼäŋu.
|