|
|
KPM |
Qolʼsaqo ira.
|
|
|
|
İlʼimpa İčʼakäčʼika imlʼantɨsä.
|
|
|
|
Qolʼsaq iralʼ qəːttɨ– asa kuntaːqɨn ɛːsa.
|
|
|
|
Okkɨr čʼontoːqɨt Qolʼsaqo iralʼ sɨːrɨtɨ üra (ürɨsa) telʼde ürɨkka.
|
|
|
|
Täp tɛnɨmɨtɨ što İčʼakäčʼikat tälʼɨsɨt.
|
|
|
|
Üːtɔːtɨ täpɨnɨk kazatɨp sitatɨp männɨmpɨqo qoip meːtɨt İčʼakäčʼika.
|
|
|
|
Täp tɛnɨmɨtɨ tüntɔːtɨt rusʼaksä (puškatsä) täpɨp orqəlʼtɛntɔːtɨt omtɨltɛntɔːtɨt tʼurmantɨ.
|
|
|
|
Na vremʼaqɨt (na čʼeːlʼe) sɨːrɨp qəssɨtɨ, ketɨmtɨ kɨmsa qamtɨsɨtɨ.
|
|
|
|
Merɨsɨtɨ marqɨ paŋɨp mɔːta pɔːrɔːqot.
|
|
|
|
İmlʼamtɨ tamtɨlsɨtɨ kämɨlʼ sɨːrɨt ketɨsa.
|
|
|
|
İmlʼat tokkaltistɨ porqat.
|
|
|
|
Kazat (kazaqɨt) tüsɔːtɨt İčʼakäčʼikanɨk.
|
|
|
|
Marqa qup kätsɨtɨ İčʼakäčʼikanɨ.
|
|
|
|
“Tasɨntɨ omtɨlʼtɨqo nɔːtna türʼmantɨ.
|
|
|
|
Tat sɨːrɨtɨp qättal amnal”.
|
|
|
|
Täp nʼenʼnʼamɔːssa imlʼantɨkinı kätsɨtɨ.
|
|
|
|
“Massɨp omtalʼtɨntɔːtɨt tʼürmantɨ.
|
|
|
|
Čʼajnik mušerät känpɨlʼa”.
|
|
|
|
İmlʼatɨ toːtälʼna:“ Topop utop čʼüssa”.
|
|
|
|
Kazat nɨŋnɔːtɨt mɔːtan ɔːqqɨt.
|
|
|
|
İčakäčika imlʼantɨkinı: “Ta lʼentʼajŋɔːnt, čʼajnik asa kɨkantɨ musɨrɨqo”.
|
|
|
|
Nʼenʼnʼimɔːssa İčʼäkäčʼika, paŋɨmtɨ ılla iːsɨtɨ, imlʼamtɨ mattɨrsɨtɨ, imlʼatɨ qulʼčʼisa.
|
|
|
|
Nɨnɨ İčʼäkäčʼika kätsɨtɨ kazatkinı:“ İmlʼam melʼte nılʼčʼik orɨnʼnʼa”.
|
|
|
|
Paŋɨtɨ topɔːqɨntɨ loːqɨrɨsɨtɨ.
|
|
|
|
“İmlʼa ınnä paktäš, paŋɨp ilʼaptɛnta”.
|
|
|
|
Nɨnɨ imlʼatɨ nɨlleisa, känpɨlä orqɨlsɨtɨ čʼajniktɨ musɨrɨqo.
|
|
|
|
Kansap naqqɨlʼčʼat kuntɨ čʼajnik musejsa.
|
|
|
|
Nʼanʼɨm apsɨp tottɨsɨtɨ lʼemtɨ känpɨlä.
|
|
|
|
Kazat amɨrqolapsɔːtɨt.
|
|
|
|
Täpɨt nılʼčʼik kätɨsɔːtɨt:“ Me tat paŋɨp täːmɛntɔːmɨt.
|
|
|
|
Me iːmaiːmat lʼentʼajtɔːtɨt i quntɔːtɨt”.
|
|
|
|
Kazat asä laqɨrqolapsɔːtɨt İčʼakäčʼikap, kätɛntɔːtɨt (/kätɨsɔːtɨt) Qolʼsak iːranɨk qɨssɔːtɨt.
|
|
|
|
No kätɨmpɔːtɨt.
|
|
|
|
Načʼalʼnik kuralʼtɨstɨ tämɨqo paŋɨp.
|
|
|
|
Sintelɨl čʼeːlʼ täːmɔːtɨt.
|
|
|
|
Qolʼsaq ira kättɨsɨtɨ:“ Paŋɨp makke miŋelɨt, mat sʼaqɨlʼtɛntap.
|
|
|
|
Ma imam i rapotnikit lʼentʼajtɔːtɨt.
|
|
|
|
Čʼeːlʼit i piːt qontɔːtɨt”.
|
|
|
|
İčʼakäčʼika kätɨmpatɨ (katɨsɨt):“ Paŋɨp čʼistaŋ märɨŋɨlʼɨt.
|
|
|
|
Soma qumɨp matɨrqo”.
|
|
|
|
Qolʼsaq ira qontɨsa qarɨt čʼeŋ omtɨsa (/mäsɨsa).
|
|
|
|
“İma omtäšik, i rapotnikit omtäŋɨlʼɨt!”
|
|
|
|
Täpɨt čʼek assa omnäntɔːtɨt.
|
|
|
|
Nʼenʼnʼimɔːssa.
|
|
|
|
Illa iːsɨtɨ paŋamt moːtälsɨtɨ muntɨk.
|
|
|
|
Paŋɨp loːqɨrsɨtɨ topɔːqɨntɨ muntɨk mattɨrpɨlʼ qumiːqantɨ.
|
|
|
|
Čʼap kättɨqɨtɨ.
|
|
|
|
Melʼte qulʼčʼɔːtɨt.
|
|
|
|
İra nʼenʼnʼmɔːssa kazatɨp qärɨsɨt.
|
|
|
|
“Kun iːsaqɨt paŋɨp?”
|
|
|
|
“Täp (İčʼäk) mekɨnı paŋɨp misɨtɨ.
|
|
|
|
Täp İčʼäkäːčʼika ɔːläksa”.
|
|
|
|
“Qälʼlʼa orqɨlʼqo sudʼinqo.
|
|
|
|
İmaiːmɨt (imam, iːmat) muntɨk qusɔːtɨt paŋɨn nɔːn”.
|
|
|
|
“Tat onnäka asa tɔːtɨk mattɨrsa.
|
|
|
|
Täpɨp qäːčʼiqo okkur čʼeːl, meː aj saŋartɔːmɨt.
|
|
|
|
Me iːmaiːmɨt aj lʼentʼajtɔːtɨt”.
|
|
|
|
Qolʼsaq ira aj kätɨsɨtɨ:“ Lanno, saŋarŋɨlɨt paŋɨp!”
|
|
|
|
Kazat šität nılʼčʼik mattälsɨtɨ onti imaiːt.
|
|
|
|
İːmaiːt qusɔːtɨt kämɨt čʼɔːrɨk.
|
|
|
|
Qarɨt kätɨsɔːtɨt Qolʼsaq iranɨk:“ Meː imaiːmɨt melʼte qusɔːtɨt”.
|
|
|
|
İra nʼenʼnʼamɔːssa.
|
|
|
|
“İčʼakäčʼikap orqɨlʼqo nɔːtna”.
|
|
|
|
Kazat qässɔːtɨt.
|
|
|
|
İčʼakäčʼika na vremʼaqɨt mɔːtqɨntɨ.
|
|
|
|
İčʼakäčʼikap orqɨlʼsɔːtɨt.
|
|
|
|
“Seːp moːlmɨttɨsantɨ.
|
|
|
|
Me muntɨk iːmaiːmɨt i rapotnikit mattälsimɨt, täpɨt qusɔːtɨt kämɨt čʼɔːrɨk”.
|
|
|
|
İčʼakäčʼikap qäntɨsɔːtɨt türmantɨ.
|
|
|
|
Kolʼsaq ira kuraltistɨ ıllä qottɨrɨqo üttɨ.
|
|
|
|
Kätɨsɨtɨ sɨːrɨt qopoːntɨ šünʼnʼontɨ šütqo ilʼelä.
|
|
|
|
Kazat täpɨp qäntɨsɔːtɨt čʼuntɨlʼ qaqlɨsä üt toːptɨ, moret qanɨktɨ.
|
|
|
|
Täp kota čʼuntoːqɨt ilɨla ippa.
|
|
|
|
Kätɨsɨtɨ:“ Masɨp qoptɨrantɨlʼɨt marqɨ püsa, marqɨ pü peːqɨlʼnɨkɨt”.
|
|
|
|
Täpɨt qässɔːtɨt peːqo marqɨ püp.
|
|
|
|
Kuntɨ lʼi qɔːmɨčʼa ippɨmpa, üŋkeltɨmpat čʼuntɨlʼ qaqlɨ tünta.
|
|
|
|
Tɛːttɨ lʼi sompɨlʼa qaqlɨt tüːnta.
|
|
|
|
Utɨrɨsɔːtɨt.
|
|
|
|
Tämqup tɔːqsä (tawarsä, lɨptɨksä) qänta moqɨnä.
|
|
|
|
Tämqup topɔːlsɨtɨ sɨːrɨt qopɨlʼ kotap.
|
|
|
|
Qoi tɨmtɨ ippa?
|
|
|
|
İčʼikäčʼika laŋkalʼsa:“ İjoː!”
|
|
|
|
Tämqup:“ Qoitqo ippant?”
|
|
|
|
İčʼakäčʼika kätɨsɨtɨ:“ Innä sım üːtas, toː maːtaltɨ!”
|
|
|
|
Täp toː maːtalʼolʼsɨt.
|
|
|
|
Täp ınnä putalʼmɔːssa (tantɨsa).
|
|
|
|
Täpɨn mɨqɨt sıːt qopɨlʼ mɨ ɛppa muŋkɨntɨ.
|
|
|
|
Tämqup soqonʼnʼet:“ Qojtqo ippantɨ?”
|
|
|
|
“Mat ippap, üttɨ pattɨrsak sıːt qopɨp iːsap.
|
|
|
|
Ormɨ čʼäːŋkɨsa, tɔːq (lɨptɨk) kočʼčʼɨ ütqɨt ınnä”.
|
|
|
|
Atɨlʼsitɨ sıːt qopɨtɨp tämqumnɨk.
|
|
|
|
Tämqum ɔːntalʼsa: “Ma aj pattɨrläk ütt”.
|
|
|
|
Täpɨp süttɛːsitɨ sɨːrɨt kotantɨ.
|
|
|
|
Tämqup ippa üt totqɨp kotaqɨt.
|
|
|
|
İčʼakäčʼika qənnajsa, čʼuntɨlʼ qaqlɨntɨsa i tɔːqsa.
|
|
|
|
Kazat taːtɨsɔːtɨt marqɨ püp sɔːrɨqolapsɔːtɨt.
|
|
|
|
Täntɔːtɨt ontɨ nʼantɨ: “Seːp İčʼakäčʼika olɨŋɨrsal.
|
|
|
|
Ütqɨt qunnant”.
|
|
|
|
Tämqup üŋkeltɨmpat sɔːrɨqantaltɨmpɔːtɨt püp, marqɨ püp.
|
|
|
|
“Asa mat İčʼikäčʼika.
|
|
|
|
İčʼäkäčʼika qəssa.
|
|
|
|
Tap masım oːlʼɨksa.
|
|
|
|
Mat tämqumoŋok.
|
|
|
|
Olʼɨklä masɨp süssa qopɨlʼ kotantɨ”.
|
|
|
|
Kasat tomnat:“ Tat İčʼäkäčʼikantɨ seːp moːlmɨtɨsantɨ”.
|
|
|
|
Toːnna čʼuːrɨla laŋkɨnʼnʼa kotaqɨt:“ Mat tämqumoŋok.
|
|
|
|
Tüntɨsak čʼuntɨsa, qaqlɨsa”.
|
|
|
|
Üttɨ tulʼtɨlʼa čʼattɨsɔːtɨt qoptɨlʼsɔːtɨt püːsa.
|
|
|
|
Moqɨnä qässɔːtɨt.
|
|
|
|
“Meː qoptɨrsɨmɨt üttɨ”.
|
|
|
|
İčʼikäčʼika tüsa moqɨna čʼuntɨsa, čʼuntɨlʼ qaqlɨsa.
|
|
|
|
Tɔːqtɨ üssä čʼontaptɨstɨ tɛːmnoːntɨ ınnä ɨːtälsitɨ täkɨqo.
|
|
|
|
Na vremʼaqɨt načʼalʼnik Qolʼsak ira mennɨmpa İčʼakäčʼikat mɔːtɨlʼ pɛlʼaktɨ šoːqɨr čʼɔːtɨmpɨt, purqɨ qatqa šoːqɨr nɔːnɨ.
|
|
|
|
Tɨmtɨsä (nɨmtɨsä) kättɨsɨtɨ kazatɨqınik qälʼlʼa mennɨmpɨqo imaqotap.
|
|
|
|
Täpɨt qäːssɔːtɨt.
|
|
|
|
Mɔːttɨ seːrsɔːtɨt, imaqotat koptɨ čʼɔːt omta stolɨn iːqɨt İčʼäkäčʼika nʼenʼnʼamɔːtpa.
|
|
|
|
Muntɨk mäntɨtɨ qatolʼpat kämčʼa, porqɨmtɨ nɨtɨmpɨlʼa.
|
|
|
|
Täpɨt kätɨsɔːt (seːrsɔːtɨt)–“ Dorova, lʼaqa”.
|
|
|
|
A İčʼekäčʼika nenʼnʼimɔːlla omta:“ Tɛː masɨp ütɨsɨp qoptɨrɨsɨlɨt, mat morʼan ılqɨt kotčʼik tɔːq (lɨptɨk) qosap.
|
|
|
|
Näsaŋ eŋa kusak orɨm ɛːsa iːsap (ma orɨmɨ asa iːsɨtɨ).
|
|
|
|
Bɨtta ütenɨlʼ nomqɨn ɛːsak”.
|
|
|
|
Täpɨt qässɔːtɨt nɨrkɨmɔːllä:“ Qoilʼ jabol ɛːsa”.
|
|
|
|
Qolʼsak iranɨk kätɨqo:“ İčʼakäčʼikap üttɨ qoptɨrsɨmɨt ikolʼ čʼeːlʼe (okot) täp nassa qompatɨ tɔːq (lɨptɨk) kušalʼ tätaqoj muntɨk qompatɨ i sıːt qopɨlʼ mɨt”.
|
|
|
|
Qolʼsak ira tɛnɨtɨ ürɨsa.
|
|
|
|
“Qäntɨk nılʼčʼik ɛsɨsa?
|
|
|
|
İčʼekäčʼika jabəlʼ, mannon (menon)”.
|
|
|
|
Šintelʼ čʼeːlʼ ontɨ šität kasat tüŋčʼɔːtɨt, İčʼekäčʼikantɨ üːtɨtɨ kasak ira soqɨšqo İčʼakäčʼikap kuttar qosɨtɨ na to lɨptɨtɨp.
|
|
|
|
Meː aj üttɨ pattɨrtɛntɨmɨt tɔːqɨtqo.
|
|
|
|
İčʼakäčʼika kätɨsɨtɨ: Sütqonɨŋɨlʼɨt (sütqolʼnɔːtɨt, sütqɨlʼnɔːlʼit) sɨːrɨt qopɨ nɔːnɨ kotatɨp (sünnelʼɨt kotatɨp sɨːrɨt qopɨlʼ), ɔːlʼčʼiŋɨlʼɨt morʼat qanɨqtɨ, mat tɛːsintɨ süttap kotantɨ, käntap üttɨ püsa, marqɨ püsa.
|
|
|
|
Tɛː qontelʼit muntɨk tɔːq”.
|
|
|
|
Ukoːt Qolʼsak ira (načʼalʼnik):“ Kutə kɨka qättoːqonɨ?”
|
|
|
|
Täp sütkolʼsitɨ ukoːt Qolʼsak irap, nɨnɨ mänɨlʼ qumiːmtɨ (kasatɨp).
|
|
|
|
Nɨnɨ İčʼakäčʼika ontɨ käqolapsɨtɨ sütɨpɨlʼ kotatɨp qumɨtsä üttɨ.
|
|
|
|
Kätɨsɨtɨ Qolʼsak iranɨk:“ Peːtɨ tɔːq morʼan ılqɨt.
|
|
|
|
Nʼi kun asa qontal tɔːqɨtɨ i tovarɨt.
|
|
|
|
Meːltɨ qunnantɨ.
|
|
|
|
Tɛː na masɨp käkkɨsɨlɨt, üttɨ sɨp käːsɨlɨt.
|