|
|
NEP |
Na qäl ira ija nılʼčʼik kəttɨŋɨtɨ: Mat tap moraqɨt särɨ qorqɨt qəttat.
|
|
|
|
Qal ira nılʼčʼik kəttɨŋɨt: Na aša qumɨt qəssa suːrup.
|
|
|
|
Tat kutar qənnantɨ morat tɔː.
|
|
|
|
Qapija poːkɨtɨlʼ tətaqɨt ilʼitɨ qälʼi ira.
|
|
|
|
Täpɨt nɔːkɨr timnʼäsik morat təː na särɨ qorqɨp qätqa qənnɔːtɨt.
|
|
|
|
Täpɨt qännɔːtɨt.
|
|
|
|
Na särɨ qorqɨp, əmɨntɨ čʼatɨŋɨtɨ.
|
|
|
|
Nɨnɨ sərɨ qorqɨp ((…)), na särɨ qorqɨ mompa märqɨ ɛːŋa.
|
|
|
|
Nɨːnɨ təpɨt qəlla nɔːnnɨntɨ kɨmɨt sitɨ korɔːtɨt.
|
|
|
|
Aj moqalmɨntɨ sitɨ korɔːt.
|
|
|
|
Nɨːnɨ na šitɨ tɨmnʼat ınna qaqlaqɨntɨ tɛltɔːtɨn.
|
|
|
|
Na timnʼäsɨt moqonä laqaltɔːtɨt.
|
|
|
|
Tına čʼontaqɨlʼ sərɨ qorqɨ qätpilʼ timnʼatɨt čʼontaqɨt moqɨnɨ iːppa.
|
|
|
|
Nɨːnɨ na qup ürukkumpa, ompa čʼupsa montaqɨt ɛːppa.
|
|
|
|
Pusqatɔːlpa.
|
|
|
|
Təp nɨːnɨ sä orɨmkɨlɨmpa.
|
|
|
|
Təp na morat qanäqqɨt nɨːntɨ na ippɨmmɨntɨ.
|
|
|
|
Təp nɨmtɨ ippɨmpa.
|
|
|
|
Nɔːtɨ säːt orɨmkɨlɨmpa.
|
|
|
|
Nɔːt čʼumpa soqɨtɨ, peːmɨtɨ.
|
|
|
|
Ola sičʼi.
|
|
|
|
Nɨːnɨ nʼennä qɨntalta, üːnɨmtɨ paŋɨsa matɨŋɨtɨ.
|
|
|
|
Na nɔːkɨr quptɨtɨ nɨːnɨ pakta.
|
|
|
|
Təp ontɨ nɨmtɨ ippɨmpa, ɔːmäj qontɨkkä.
|
|
|
|
Nɨːnɨ taŋɨmpa namɨšak apsɨtqa.
|
|
|
|
Qumpa, nop taŋɨmpa, qaqlɨntɨ šünčʼaqɨt qontɨkka.
|
|
|
|
Namɨšalʼ ulqantɨ laka qalɨntɨ ɨlqɨt qalʼimmɨntɨ.
|
|
|
|
Mora muntɨk čʼumpa.
|
|
|
|
Kur, ukkur čʼontaqɨt täp qos qaj nılʼčʼik kətɨŋɨtɨ qaj nop lʼi qaj qup tämajsä kurulʼä alʼ nılʼčʼik kuka.
|
|
|
|
Təp ınna sʼäp antalumpa, nılʼčʼik kuka.
|
|
|
|
Kekkɨsa muːt tınolʼa atalimmɨntɔːtɨt.
|
|
|
|
Na qaqlʼintɨ ilqɨlʼ ulqalʼ lakasä qompɨrlʼä.
|
|
|
|
Nɨːnä aj ılla qonta.
|
|
|
|
Aj täp qos qaj nılʼčʼik šıp soqočʼčʼi: Qup nılʼčʼik ıla kurola kuka.
|
|
|
|
Nɨːnɨ qanɨqtɨ konna tanta (/tannɨmpa).
|
|
|
|
Sajitɨ namɨšak awsɨtqa qumpa.
|
|
|
|
Qɨlʼat šünʼantɨ tokɨmɔːtpa.
|
|
|
|
Ukkur čʼontaqɨt nılʼčʼik ɛːsa.
|
|
|
|
Mitä tətɨ atäntɨ (/mittɨ təttɨ čʼurɨntɨ) morat qanɨqqɨt.
|
|
|
|
Tep namɨsʼak apsɨtqa qumpa.
|
|
|
|
Nɨːnɨ nılʼčʼik sʼäp qäŋŋa: qaqlʼap tətɨn mənatɨ, tulispa.
|
|
|
|
Nɨːnɨ qaqlɨntɨ moqalit iːmɨt soqolʼä kunna tanta.
|
|
|
|
Nɨːnɨ konna qanɨqtɨ alʼčʼe.
|
|
|
|
Nɨːnɨ nɨmtɨ ippa.
|
|
|
|
Aj qos qaj nılʼčʼik kətɨŋɨtɨ: Qup təmasä kurɨla qupna.
|
|
|
|
Konnat nʼärqɨlʼ markɨt toːpɨntɨ soqɨlʼa konna tanta.
|
|
|
|
Nɨːna konna soqqolʼa tanta.
|
|
|
|
Mat qotä ınna nɨlaıːsäŋ ɛna.
|
|
|
|
Konna soqqolʼa tanta.
|
|
|
|
Ortɨ meːltɨ čʼäːŋka.
|
|
|
|
Aj qos qaj nılʼčʼik soqalʼlʼitɨ: Qup aša nılʼčʼik kuka kurolʼa.
|
|
|
|
Na morat qanɨqqät pirqə təttɨ.
|
|
|
|
İnna sɨqolʼna.
|
|
|
|
Nɨːnɨ konna sɨqɨlʼä nılʼčʼik mannɨmpa.
|
|
|
|
Konnat nılʼčʼik qoŋɨtɨ: kotɨlʼ mɔːt ɔːmnɨntɨ.
|
|
|
|
Nɨːnɨ aj ılla olʼčʼeja.
|
|
|
|
Kutar nɨčʼa tuličʼčʼantɨk?
|
|
|
|
Nɨːnɨ na mɔːttɨ konna nɨlʼlʼa ılla tüŋa.
|
|
|
|
Qälʼi mɔːt ɔːmnɨntɨ.
|
|
|
|
Ɔːtatɨ etɨmantoːqɨt kuralimmɨntɔːtɨt.
|
|
|
|
Nɨːnɨ mɔːttɨ šerna.
|
|
|
|
Ira ukkur nälʼatɨ.
|
|
|
|
Ukkur čʼontoːqɨt qäl ira nılʼčʼik ɛsa: Tat na qup awstäti.
|
|
|
|
Täp na iran mɨqɨt šitɨ toːt ɔːtat.
|
|
|
|
Mat ukkur toːt ɔːtamɨ suːrup muntɨk amnɨtɨ,– ira nılʼčʼik kətɨŋɨt.
|
|
|
|
Tat pona tantɨlʼä mat ɔːtamɨ ɔːtätɨ.
|
|
|
|
Lʼupkɨmɔːnnä.
|
|
|
|
Täp pona tanta.
|
|
|
|
Täp pona tanta, namɨšak seqelʼimpɨ qup, qajtɨ mannɨmmɛntɨt?
|
|
|
|
Nɨːnɨ täp aj ılla alʼčʼimpa.
|
|
|
|
Nɨmtɨ na ippɨmmɨntɨ.
|
|
|
|
Na täpɨt tülʼä puːla suːrup na qənmɨntɨ.
|
|
|
|
Nɨː ukoːt äsäsɨqäːqi ɔːtantij ɔːtɨlä poːqot ilimpɔːqij.
|
|
|
|
Nɨːnɨ na qumup awstɨmpɨlʼä nɨmtɨ na illemmɨntɨ.
|
|
|
|
Nɨːnä na ire aj nılʼčʼik kətɨŋɨtɨ: Aj qəlasik ɔːtamtɨ ɔːtɨlʼä.
|
|
|
|
Ɔːtatɨ qapije mačʼantɨ asʼa qənta.
|
|
|
|
Mɔːtɨt qanɨqqɨt qontɔːtɨt.
|
|
|
|
Nɨːnä täp pona tanta, seːpɨlʼalʼ mɨntɨ qəlla aj ılla olʼčʼi.
|
|
|
|
Nɨːnɨ təp ukur čʼontoːqɨt nılʼčʼik šitɨje.
|
|
|
|
Qaj qəntɨtɨ?
|
|
|
|
Montɨ ilɛčʼa.
|
|
|
|
Nɨːnɨ moqona tüŋa.
|
|
|
|
Mɔːttɨ qäli ira qonta.
|
|
|
|
Nɨːnɨ təpɨtɨt ɔːta meːltɨ etimontoːqɨt qontɔːtɨt.
|
|
|
|
Təp na tüpilʼ porqɨlʼ peːmɨtɨsa ila.
|
|
|
|
Nɨːnɨ nɔːkɨrɨmtälʼi pit nılʼčʼik ɛsa.
|
|
|
|
Mitɨ mol somak ɛsak.
|
|
|
|
Qäli ira ɔːtatɨ šöttɨ asʼa qənta.
|
|
|
|
Mɔːtɨt qanaqqɨt nɨmtɨ qəntɔːtɨt.
|
|
|
|
Täp tüla aj ılla qontaje.
|
|
|
|
Tɔːptɨlʼ qarɨt montɨ sɨrɨ pinnaıːntɨtɨ.
|
|
|
|
Mat, täp kuttar tüsa, ɔːtamɨ šöttɨ aša qənta.
|
|
|
|
Kəraltättɨ, sɨrɨp pilʼlʼa qəŋaje.
|
|
|
|
Somak ılla na qəŋtɨ.
|
|
|
|
Täp nɔːtɨ somak ɛsa.
|