This visualization was generated on 15.11.2021 with Corpus Services.

► NEP ((NN:)) Kɨsa.
► ((KuAI:)) Kɨsa.
► NEP ((NEP:)) Nɨnɨ šittäl na qälɨ ira nɔːkɨr ijatɨ ɛːppɨnt.
► NEP Čʼontolʼ ijatɨ nık kətɨŋɨtɨ mɨta.
► NEP Man mɨta kun mɔːntɨlʼ surɨp mɨta muntɨk qəttaŋ mɨta.
► NEP Mɨta tam moqonän mɨta takkɨn mɨta mɨ ɛːnta ((…)).
► NEP Särɨ qorqɨ ɛːnta mɨta man mɨta namɨp qətqɨno qonıčʼɛntak mɨta.
► NEP Əsɨ irantɨ nık kəttɨŋɨtɨ na čʼontolʼ ijatɨ, qälɨ irat čʼontolʼ ijatɨ.
► NEP (Na pa təpɨnʼi) nılʼ na olampɔːt tap kanat.
► NEP Pija tal.
► NEP Nɨnɨ šittäl…
► NEP Man mɨta, toːnna qälɨ iran əsɨtɨ nık kətɨŋɨtɨ.
► NEP Ija mɨta toːnna mɨta na ašša mɨta qumɨt qətsa suːrɨp.
► NEP Tan mɨta ija kuttar qənnantɨ mɨta?
► NEP Tam mɔːtat tolʼ pɛlaqɨt.
► NEP Qapi poːkɨtɨlʼ təttot ((…)) ilɨntɨj qälɨlʼ əsäsɨt.
► NEP Nɨnɨ šittäl kɨpa tɨmnʼatɨ aj čʼontolʼ tɨmnʼatɨ laqaltɛlʼčʼɔːt.
► NEP Nɔːr qoptɨp čʼaŋalʼ sɔːrɨmpɔːt.
► NEP Na sərɨ qorqɨp qətqɨnto na čʼontolʼ tɨmnʼatɨ.
► NEP Qajip mintɨl, təp aš ((…)) ɛŋa.
► NEP Qajilʼ qap ira, man ɛj nimtɨ tam əmɨltɨmmɨntak, kətsan əsɨ.
► NEP Tal.
► NEP Nɨnɨ šittɨmtäl tına qənnɔːt.
► NEP Əːtɨmɨntɨ morʼat tıːčʼit toː čʼap puːŋɔːt, nɔːkɨr qorqɨlʼa na šʼittɨ paktɨntɔːt, sərɨ qorqɨt.
► NEP Nɨnɨlʼ čʼattɔːtɨt ämɨmtɨt tına.
► NEP Ämɨmtɨ čʼattɨŋɨtɨ na qup.
► NEP Nɨnɨ kırɔːtɨt, kırɔːtɨt tına šittɨ tɨmnʼaqıtɨ ((…)).
► NEP Qapija sərɨ qorqɨ mompa mərqɨ ɛːppa mompa.
► NEP Moqal kɨl šit kırɔːt, nɨnɨ nɔːntɨkɨt šit kɨrɔːt, nılʼčʼik kɨrɔːt.
► NEP Na nɔːrsɨt tɨmnʼasɨt.
► NEP Tɨmnʼaqıtɨ təltɨŋɨtɨ qaqlontɨ.
► NEP Qapija poːrä ɛːppa tına.
► NEP Čʼanɨqɨlʼ nop ɛːppa.
► NEP Moqonä laqaltɔːtɨt.
► NEP Na tɨmnʼatɨ na sərɨ qorqɨp qətpɨlʼ, na čʼontolʼ tɨmnʼatɨ, namɨ tına təp moqɨnɨn ɛːppa.
► NEP Toːnna tɨmnʼaqıtɨ ukɨt laqaltɛːlʼpɔːj moqɨnela mɔːtqɨntɨ qənpa qəntɨla.
► NEP Nɨnɨ na qum naɛːntɨ na ürkɨmmɨntɨ, na ürkɨmmɨntɨ, na ürkɨmmɨntɨ na morʼan na qaqlɨtɨmmɨntɨ, na qaqlɨtɨmmɨntɨ, ((…)) čʼupsa mɔːntɨqɨn ɛːppa.
► NEP Tına ket kuttar čʼuŋa.
► NEP Pusqatɔːlna, tɔːt pusqatɔːlna na morʼan na kuššaŋ na korammɨntɨ, na korammɨntɨ na tɨmnʼatɨ.
► NEP Nɨnɨ nɔːt meːltɨ orɨmkɨlɨmpa.
► NEP Melʼtɨ orɨmkɨlɨmpa karrʼat tɨ morʼat qanɨqqɨt.
► NEP Tam nʼennalʼ pɛlalʼ morʼat, qantɨ karrʼat morʼat.
► NEP Qɔːt nılʼ ɛːsa, nɔːt quqa ɛːsa ((…)).
► NEP Ippɨkka, qontɨkka qaqlontɨ šunʼčʼotɨ.
► NEP Nop čʼumpa qapi.
► NEP Kutɨlʼ porqɨtɨ peːmɨtɨ nılʼčʼiŋ ɛsɨmpa tına tü sıːčʼɨ naɛntɨ tɔːntɨ wəčʼɨtɨ.
► NEP Ukkɨr tät čʼontot na nɔːkɨr qoptɨ nʼenna kɨrntaltɛnta, nɨːmɨn paŋɨs mattaɛːŋɨtɨ, ünɨmtɨ.
► NEP Na nɔːkɨr qoptɨiːtɨ nɨnɨ paktɔːt.
► NEP Təp qaj namantɨ qonnɨmpa, qaj təttontɨ qonnɨmpa ((…)).
► NEP Tal.
► NEP Na ippɨmmɨn na isa qontɨkka qaj mompa tına.
► NEP Taŋɨmpa.
► NEP İllä čʼumpa.
► NEP Nannɛrɨk ɛsɨmpa, tına apsqo namɨn mɔːntɨk qumpa, namɨn mɔːntɨk šınalɨmpa tına.
► NEP Qaqlɨntɨ šunʼčʼot kɛn ((…)) šittiıːkka nɨnɨ šittal, qaj ıllä to pɛlaktɨ, ıllä (qontalɛl).
► NEP Ippɨkka, ippɨkka.
► NEP Namɨššalʼ ulqantɨ laka qalɨmmɨntɨ, ((…)), ((…)),na mɔːtɨlʼ qaqlɨ čʼump tɨːlɔːqɨ.
► NEP Morʼa nɔːtɨ koptɨkol taŋɨmpa, qoŋqe.
► NEP Namɨ nɔːt nılʼčʼɨŋɨ…
► NEP Ukkɨr tot čʼontot nılʼčʼi qos qajɨn əːtɨp (nɨ) ((…)) (üŋkɨltɨmpat).
► NEP Nılʼ soqalʼŋɨtɨ qaj ınnä nɨːna qaj.
► NEP Na qaj loːsɨ qaj tına.
► NEP Nılʼ soqalʼŋɨt ((…)): ((…)):Qum aša mompa kuttar kurɨnnan ɛj kuttar qənta mompa nılʼčʼik olamna.
► NEP Toːnna mɨ näčʼčʼa manta, meːlʼ čʼäŋka.
► NEP Nut tınolɨ qəːtɨmmɨntɨ tıː.
► NEP Kučʼčʼätɨ qənta üt, (šorɨmpɨlʼ) üt.
► NEP Na qaqlɨntɨ ɨloːqɨt na ulqa laka nık qompɨrna.
► NEP Tap porqɨtɨ peːmɨtɨ nılʼčʼik nannɛrɨk šömalɨmpa, nannɛrɨk šömalɨmpa, ((…)) (ortɨ) čʼäŋka.
► NEP Nɨnɨ ((…)) ıllä qonta.
► NEP Qəəə, ukkɨr tät čʼontot nıŋ na orɨšpɨnta.
► NEP Aj kɛn mompa qos qaj na šıp soqalʼtɨ.
► NEP Qum aš kɛn mompa kuttar kurɨnna, na nɛj kuttar qənta, nan ɛj nılʼčʼik quŋantɨ.
► NEP Qaj ınna mantɛčʼɨ, qapi nut tınana qumɨt.
► NEP Na qanɨktɨ na tannɨmmɨntɨ tomorot qaj merqɨ tattɨmpatɨ, vsʼo.
► NEP İnnä čʼam manta ukkɨr tät čʼontot, na namɨt soqɨlʼlʼä puːlä.
► NEP Sajɨlʼ toktɨ najɛntɨ tap kɨrčʼɨmpɔːt ((…)), ((…)),qumɨt tap porqɨ peːmɨtɨ nılʼčʼiŋ ɛsɨmpa tına sıːčʼɨ najɛntɨ.
► NEP Tına loːsɨ ɔːlʼčʼɨntɨ.
► NEP Apsɨkɔːl namɨn mɔːntɨ qumpa, tap sajitɨ moqɨnä pokɨmɔːtpa.
► NEP Sajɨtɨ ɛj somak aš ata.
► NEP Ukkɨr tät čʼontot nılʼčʼik kəŋa: Qaj ɛsɨ?
► NEP Mitɨ təttɨ čʼuːrɨntɨ.
► NEP Na morʼat qanɨktɨ na qaj tomorot merqɨ tattɨmpat qaj kuttar ɛj.
► NEP Montɨ mɨta təttɨ, təttɨ kɨnɨmmɨntɨ.
► NEP Qaj ((…)) poːkɨtɨlʼ təttɨ ((…)) takkɨ.
► NEP “Təttɨmɨn kɨsa kučʼčʼa qattɛntak?”
► NEP Aj karrʼalɔː nɨn ɛj ılla ɔːlʼčʼa.
► NEP Kučʼčʼätɨ tannɛnta, orɨmkɨlɨmpa nɔːtɨ.
► NEP Qumpa najɛntɨ na ütqɨn tına.
► NEP Ulqantɨ laka na qaqlon ɛːŋa, qaqlɨntɨ ɨlqɨn ɛːja, tılʼčʼɨ čʼəːs čʼumpɨ.
► NEP Nasa qompɨrna.
► NEP Ukkɨr to čʼontot ıllä (ɔːlʼčʼa) aj nılʼčʼi qos qaj əːtɨ na üntalʼintɨ mɨta.
► NEP Qum aša mompa kuttar kurɨnna ((…)), ((…)),nılʼčʼik quŋa mompa tına.
► NEP Tat qaj mompa meːltɨ na qantaltantɨ.
► NEP Tɨː čʼam mannɨmpa ınnä nomɨlʼ pɛlat, nɨn omta toqallä.
► NEP Qapi nannɛr säːqalɨmpa, apsqo säːqalɨmpa, kut nʼenna sajɨlʼ toktɨ kutɨlʼ ((…)).
► NEP Təttɨ, koːra qaj lʼa kurgom, tına qaqlon nelʼčʼɨmmɨntɨ, təttɨn mənnontɨ mittɨji.
► NEP Nılʼčʼiŋ ɛsa, qɔːtɨ konnä tantɨsanɨ.
► NEP Konnä na qaqlɨntɨ moqal iːmɨt soqqalʼtɨla tına konnä tanta.
► NEP Konnä tanta, tɨːlɔːqɨ ontɨ (kuntɨ) ılla alʼčʼa.
► NEP Na morʼat qaqlɨtɨ kuttar totta, nılʼ totta.
► NEP Kučʼčʼa qattɛnta, nɨmtɨ na ippɨmmɨnt, na ippɨmmɨnt.
► NEP Nɨnɨ šittäl nılʼčʼi ɛsa tına, aj nılʼčʼik qos qajɨlʼ əːtɨ na qənta mɨta.
► NEP Qum ašša kuttar kurɨnna, na nɛj kuttar qənta mɨta, nılʼčʼik quŋa mɨta.
► NEP Innä čʼam mantalɛlʼčʼa ((…)).
► NEP “Tap təttɨ toː (tap) ippɨntak, qaqlap tap tottɨntɨ toː karrälʼ pɛlaqɨn”.
► NEP Ksa tɛntɨlʼ nık qənnatɨ.
► NEP “Qɔːtɨ mat konnä soqqɨltɨsak jennä”.
► NEP Qapi po čʼäːŋka na təttot qaj po ɛj kunɨ.
► NEP Konnä nɨmtɨ təttɨ tına nʼarqɨlʼ markɨt tıːrša ɛj ket kuttar ɛːkka.
► NEP Namɨt kontɨ ɛːppɨnta tına.
► NEP Qɔːtɨ na türɨlʼ posa nɨla ɛsaŋä.
► NEP Konnä ınna na sɨːqɨltɛɛɛ, na sɨːqɨltɨ na soqqɔːlla na tannɨntɨ tɛːttɨ utɨlʼ ((…)) topɨtɨ.
► NEP Aj orɨmkɨlɨmpa.
► NEP Ašša tulɨnʼnʼa na nʼarqɨlʼ markɨlʼantɨ.
► NEP Ašša tulɨnʼnʼa tına, aj nɨmtɨ ɔːlʼčʼa.
► NEP Aj nılʼčʼi əːtɨ tap qənkɨnɨ, ippa qapija.
► NEP Təp qaj qontɨkka qaj kuttar ɛsɨkka.
► NEP Mɨta qum ašša mɨta kuttar kurɨnna, nɛj kuttar qənta, na nılʼčʼik quŋantɨ.
► NEP İnnä čʼam mantɨja iše tına, nu šünʼčʼɨ ınnät qəːtɨmmɨntɨ, nʼi qaj čʼäŋka nʼi qaj sümɨ.
► NEP Nɨn ɛj ınnä na soqqɔːltɨ, na tulɨčʼčʼa na nʼarqolʼ markot, qonnɨmpa tılʼčʼɨk.
► NEP Tılʼčʼɨk na iːntɨt türɨŋɛntɨŋɨtɨ, toqalʼ ınnä nɨllaɛnta.
► NEP Nɔːtɨ moqɨnälʼ təttontɨ šuqɔːlna.
► NEP Na morʼat qanɨqɨt qapija qə, qə tına ınnät.
► NEP Na tına təttɨn moqoltɨ sɨːqɨlna.
► NEP İnnä na nɨllaɛntɨ.
► NEP İnnä na nɨllaɛla na ontɨ türɨlʼ poːmtɨ tılʼčʼɨk türɨŋtɨ.
► NEP Türɨŋtɨ nɨnɨ šittälʼ ((…)) tına.
► NEP İnnä na nɨllaɛntɨ, qəəə, konnalɔːq ɛj qottä kurɨnna, qottä kurɨnna, na nılʼčʼik tannɛntɨ.
► NEP Qaj ɛsa?
► NEP Konnät kotɨlʼ mɔːt toː ɔːmnɨntɨ.
► NEP Nılʼ na qontɨtɨ.
► (Ɔːk čʼɔːptɨ) tına aj orɨmkɨlɨŋa.
► Kučʼčʼa qattɛnt, kuttar tulɨčʼɛnta?
► NEP Aj ıllä ɔːlʼčʼačʼel.
► NEP Na ippɨmmɨntɨ, na ippɨmmɨntɨ, kuššak, qajqa na qaj qontalɛmpa, ((…)) kuttar ɛsɨmpa.
► NEP Nɨn ɛj nılʼčʼik qos qaj ((…)) tap (čʼıːtɨkun).
► NEP Qum ašša mompa kuttar kurɨnna, kuttar qənta, mompa nılʼčʼik qunta.
► NEP Tına ınnä mantaıːlʼčʼa, qapi sajitɨ ata.
► NEP Na mɔːttɨ na tannɨmmɨntɨ ınnä nɨlɛıːla na türɨlʼ poːntɨsa.
► NEP Qälɨlʼ mɔːt ɔːmnɨntɨ.
► NEP Ɔːtätɨ kuralɨmpɔːt ətɨmantot.
► NEP Pɛläkɨtɨlʼ qälɨlʼ mɔːt, nɨːna tüntɨ.
► NEP Mɔːttɨ na šera tal, na qälɨj mɔːttɨ.
► NEP Mɔːt na šera, točʼčʼo toː mɔːtat muŋkɨlʼ nɨː nɨlaɛntɨ.
► NEP Omä qəə qälɨ ira qapi!
► NEP Qälɨ ira montɨ pɛlɨkɨtɨj, ukkɨr nälʼatɨ.
► NEP Šittɨ ira qumɔːqı.
► NEP Soma irampɨtɨlɔːj ɛsa.
► NEP Qäl ira nılʼčʼik koŋɨmpa təpɨnɨk.
► NEP Ukkɨr tot čʼontot nılʼ na ɛsɨntɨ nälʼantɨn qälɨ ira mɨta.
► NEP Lʼa mɨta apstät mɨta qaj jowəl lʼi qaj ɛsa mɨta.
► NEP Kučʼčʼatäl amtɨŋɨt apsɨp?
► NEP “Tat tɨ nılʼčʼik tamɨmäš tına qaj šittɨ irantɨ kuntɨ karrʼat na morʼaqɨn na ilɨmmɨntɨ.”
► NEP “Təp qos qajilʼ qälɨ ima ɛːppɨntɨ.”
► NEP Apstätɨ mɨta man mɨta ɔːtam mɨta šittɨ toːn ɔːtam ɛsanɨ.
► NEP Ukkɨr toːn ɔːtäm mɨta suːrɨp mɨta muntɨk amnɨtɨ mɨta.
► NEP Na man ɔːtam mɨta, pona tantäš mɨta, ɔːtam ɔːtät – namɨp nılʼ na (soqalʼčʼɨ-) qäl ira.
► NEP Təp qaj, qaj amnɨntɨtɨ nılʼčʼi ütqɨlʼ pija qum qaj amnɨntɨtɨ.
► NEP Təp qaj wəčʼɨ lıːpɨsa tap qaj qaj kenɨsa ütaltɨmpɔːt.
► NEP Lɨpkɨmɔːnna.
► NEP Pona tanta.
► NEP Qapija qälɨlʼ ɔːtamtɨ na ɔːttɨmmɨntɨ poqɨn, na suːrɨn (mišat).
► NEP Toːn ɔːtap koptɨkɔːl ampat, ukkɨr toːn ɔːtatɨ qalɨmpa.
► NEP Suːrɨšqımä.
► NEP Pona tanta tına, toːlɔːq qənna.
► NEP İllä [qot] omtɨšɛnta tına.
► NEP Nılʼčʼiŋ ɛj ičʼčʼa qaj ɔːtälʼa, qaj mannɨmmenta.
► NEP Na ippɨmmɨnt, na ippɨmmɨnt, ınnä čʼap šittɨčʼa tına, tam aš montɨ qaj čʼeːlɨŋɛːntɨ.
► NEP Na pin naɛntɨ na suːrɨm na qənmɨntɨ, na təp tına ((…)) nʼoːrtɨla meːl na qənmɨntɨ.
► NEP Mɔːttɨ na tüntɨ.
► NEP Qälɨ ira konnät, qälɨ ira qonnɨmpa mɔːtqɨn.
► NEP Əsəsɨqä tına na ɔːtamtɨn ɔːttɨla poːqɨn ilɨmpɔːqı.
► NEP Čʼap koraltɨŋɨtɨ ɔːtäiːmtɨn ɔːtat muntɨ som ɛːja.
► NEP Nɨnɨ namɨ mɔːttɨ na šerna, tına aj na qälɨ irat mɔːttɨ.
► NEP Na mɔːttɨ nɨnɨ (šittɨ) amɨrla ıllä omta.
► NEP Nɨnɨ na qälɨ ira nɨn na kenʼɨsa, əsɨ ira qajsä ınɨn, qapi nälʼatɨ mimpatɨtɨ.
► NEP Nılʼ na ilɨmmɨnta.
► NEP Nɨnɨ šittämtäl pit: Tap pit mɨta aj qənäš mɨta.
► NEP Ɔːtätɨ mɔːt tɔːpɨt ɨtqɨn ((…)) ɛj älpä ašša qənta qälɨlʼ ɔːtä.
► NEP Man mɨta tap pit aj qonnɛntak, mɨta namɨn mɔːntɨk kekkɨtɨsak, – qälɨ ira nık koŋɨmpa.
► NEP Pona tara, ((…)) ɛj toːlɔːt qənna tına.
► NEP (Mɔːtɨn ortɨ) ɔːmta, na šittɨ ilɨqolampɨ (načatʼ).
► NEP Təm ašša korana, kučʼčʼa koranɛnta kutɨlʼ ortɨ ((…)).
► NEP Mitɨ mɨta orɨmɨ mɨta ašša (qonɨŋ) ɛj, mitɨ mɨta kuttar qəlak?
► NEP Aj ıllä qonta.
► NEP Näčʼčʼa qaqlontɨ qontalɛlʼčʼa, qaj montɨ čʼeːlɨ uže, ompa kənta.
► NEP Təttɨ kutɨlʼ qantɨjɛlɛnta.
► NEP Toptɨlʼ qar ınnä čʼap šittɨčʼa: Qaj qəntak, qaj montɨ nɨlɨɛsa, qaj montɨ čʼeːlɨŋɛlʼčʼa.
► NEP Aj ınnä məša aj moqɨn tüŋa.
► NEP Qälɨ ira qapi mɔːtqɨn qonta.
► NEP Na namɨntɨ poːqɨn ɛːptäqɨt, tına ɔːtämtɨ ašša tɔːqqɨrŋɨtɨ.
► NEP Ɔːtaiːtɨ nılʼčʼiŋ ɛsɔːt, tına čʼaŋalʼ mɔːt tɔːpɨtɨtqo šittɨ amɨrnɔːt.
► NEP Na toːn ɔːtätɨ, ukkɨr toːn ɔːtätɨ qalɨmpa.
► NEP Nɨnɨ mɔːt šerɛːja aj apstɔːt.
► NEP Qɔːtɨ mɨta orɨm mɨta na ɛsaqolamtɨ.
► NEP Na porqɨlʼ peːmɨntɨsa na tına čʼaptälʼ porqɨlʼ peːmɨntɨsa.
► NEP Nʼi porqɨsa ilʼi qos peːmɨsa aš šim mintɔːt.
► NEP Ukkɨr tot čʼontot na mɨnta.
► NEP Nɨnɨ toptɨlʼ pit nɔːkɨrtälɨlʼ pit aj ponä tantɨla.
► NEP Aj kuraltɨŋɨt qälɨ ira.
► NEP Mɨta qɔːtɨ kuttarqolamnak mɨta mitɨ mɨta.
► NEP Mitɨ mɨta qəšqilɨıːlʼčʼaŋ mɨta – na qup, na qälɨk.
► NEP Toːlɔːq qənna, ıllä qonta.
► NEP Qäl ira ɔːtäiːtɨ nılʼčʼiŋ ɛsɔːtɨt, tap mɔːttɨ koralla nık qontɨqolʼpa, təp kuttar šäqɨkka ((…)), ((…)),nılʼ šäqɨ.
► NEP Na tuštɨ nɔːtɨ meːltɨ nılʼ amnɨtɨ.
► NEP Ira ıllä qontačʼenta poqɨn ətɨmantot na porqɨlʼ peːmɨntɨsa.
► NEP Qaj ınnä čʼap kəlʼčʼa, ((…)) montɨ sɨrɨ qaj pinnaıːntɨtɨ.
► NEP Sɨrɨ lıːpɨp qaj montɨ pinnaıːntɨtɨ, qapi ompa kəŋta.
► NEP Sɨrɨ lıːpɨ qaj pinnaıːntɨŋɨt ınnä məša moqɨn na tüntɨ, nɔːtɨ qapija qältalna.
► NEP Mitɨ kəšqɨlɨlʼčʼak mɨta, – ont ɛj nık tɛnɨrpa na qälɨk qapi.
► NEP Qapij ilʼmatɨj nɔːtɨ qälɨk ɛːppa.
► NEP Imatɨ ɛːppa, moqonät ɛːja.
► NEP Aj šittɨ ijajaqıtɨ ɛːppɨntɔːqı.
► NEP Moqonä tüla qälɨ ira apstɨŋɨtɨ, apstɨŋɨt tına.
► NEP Lʼa təp tüsa, man išše tame qontɨrnak, nɨnɨ ɔːtamɨ – nʼi ukkɨr toː ašša čʼıqɨlʼtɛnta älpä.
► NEP Qapija kɨralʼ təttɨ takkɨn.
► NEP Kəŋɛːčʼa, sɨrɨp čʼattɨŋɨt.
► NEP Üt təttɨp karrʼan amnɨt.
► NEP Nɔːt na tašik qältalpɨn.
► NEP Təttɨmtälɨj pin ɛj ukkɨr pin na šäqqɨmmɨnt aj poqɨn aj qälɨ ira kuraltɨ.
► NEP Aj sɨrɨp čʼap čʼattɨmpatɨ.
► NEP Tıntana ɔːtaiːtɨ najntɨ nʼi ukkɨr ol kuššan nʼi čʼıqɨlʼtɛnta.
► NEP To ɔːtäp aš kolʼaptɨmpat.
► NEP Qälɨ ira qontɨkkolʼimpa.
► NEP Somak ınnä na kəŋta, nɔːtɨ šaqɨntɨ na qum na mɨmpa tına, šaqɨntɨ kuttar ilalɛntɔːt təpɨn nɔːt.
► NEP Kuttar som ɛsan mɔːtqɨn.
► NEP Na porqɨlʼ peːmɨntɨsa (tɔːqqɨ-) tɔːqqɨmpɨsa.
► NEP Ukkɨr tät čʼontot nık təp sapop na meːnta.