This visualization was generated on 15.11.2021 with Corpus Services.

► NEP Ola, šitɨ nenäsɨqä ilɨmmɨntɔːj.
► NEP Šitɨ nenäsɨkä ilɨmpɔːqı.
► NEP Šölʼqumɨj ija, wərqɨ nenätɨ wərqɨ ɛːppa, ijatɨ kɨpa ɛppa.
► NEP Ilɨmpɔːj, ilɨmpɔːj namantɨ qoškolɨ ilɨmpɔːj, na timnʼalʼatɨ nʼaіntɨ qoraŋa tap (polʼčimpɨj) surɨp muntɨk qətpat.
► NEP Ontɨ pɛlɨkɔːl ilɨmpɔːj wərkɨ nʼar qanɨlʼ təttot ɛppa čʼulʼ mɔːttɨ.
► NEP Ukkɨr tot čʼontot ijatɨ, na kɨpa timnʼatɨ qapij tılʼčʼɨk ((…)) orɨmpa tılʼčʼɨk.
► NEP ((…)).
► NEP Pimɨ lıːp šeːrpɨntɨt tintana malʼčʼantɨ lıːp šeːrpɨntɨt.
► NEP Sokɨtɨ na nık putɨmɔːtpa tına näіntɨ təm nasa ila.
► NEP Qapij mačʼot.
► NEP Ukkɨr tot čʼontot na wərqɨ nenäkɨntɨ nılʼ ɛsa: Tan mɨta, – nenäntɨ, – tan qaläš mɨta, man mɨta qorala qɔːnčʼentak mɨta.
► NEP ((…)).
► NEP Tan mɨta apsal kun mɔːntɨ qajal muntɨk ɛːja, apska ašša qunantɨ mɨta.
► NEP Wəčʼal ɛːja selʼčʼɨkolʼ apsal mɨta munt ɛːja.
► NEP ((…)).
► NEP Tan montɨ tɛnɨmantɨ ((…)) na čʼaptäp?
► NEP ((NN:)) Kučʼčʼa ((…)).
► NEP ((NEP:)) Lʼa qälɨj čʼaptä, račʼiwal nikutɨ ni ašš qonɨmpa.
► NEP ((NN:)) Kətät, kətät, kətät.
► NEP ((NEP:)) Tal.
► NEP Nɨnɨ šittäl ašša kutar qənqolamna, topɨsa qənqolamna.
► NEP Točʼčʼa toː takkɨlʼ pɛlaqɨn ((…)) nʼarɨ ɛppa karrät, na təpʼat mɔːn (karrälʼ pɛlat).
► NEP Topɨsa qurɔːlna närontɨ kapij.
► NEP Topɨsa qənna, qənna nɔːkɨrɨmčʼalɨj poːt čʼoːt ((…)) sümam čʼäːŋkɨsaŋ mɨta.
► NEP Tan mɨta kajka ašš qənnant mɨta, tülʼ poːl kotowɨj (mɨta), – na nenʼamtɨ nılʼ sɔːqɨnʼnʼit.
► NEP Na qənmɨnt, na qənmɨnt, karrä čʼam qənna na wərqɨ närontɨ, ɔːlʼčʼa tına.
► NEP Qaj ɛs ((…)) qɨrɨlʼ wəttɨ qoŋɨtɨ.
► NEP Montɨ qa nılʼčʼɨk qɨrɨk qənmɨntɨ (montɨ qälɨj qərɨ qənmɨntɨ).
► NEP Qälɨj qərɨ montɨ qənmɨntɨ točʼčʼo takɨlʼ pɛlaktela när šüːmɨt qənmɨntɔːt.
► NEP Na qälɨlʼ wəttɨ, na qälɨlʼ wəttontɨ kuttar alʼčʼa, nʼennä quralna topɨsa.
► NEP Ni tolʼčʼɨtɨ čʼäːŋka, ni qajtɨ.
► NEP Na nılʼčʼi nüqɨtɨ, porqɨtɨ, peːmɨtɨ nılʼčʼɨŋ ɛːj mɨta sıːčʼɨ.
► NEP Na qälɨmɨmɨnt, na qälɨmɨmɨnt.
► NEP Qəə ukkɨr to čʼontoːt ((…)) toː kolʼčʼa nʼarɨt kəšqɨn mɨta ((…)).
► NEP Qälɨlʼ kərɨ mompa qənpa, (tɨtɨlakalʼmɨ ɔːmtalɨmɨntɔːt).
► NEP Qɔːtɨ mɨta mɔːtɨŋpɔːtɨn.
► NEP Mompa üːtɨnɨk ɛsa.
► NEP Na ɛsa.
► NEP Ompa mɔːtɨŋɛlʼčʼɔːt tin mɔːtɨn, ompa rɛmqɨmɔːtqolampa qapij.
► NEP Mɔːt na šeːra.
► NEP Montɨ nɔːkɨr äsäsɨt montɨ qälɨ ira montɨ ijatɨ, šitɨ ijaqıtɨ aj ukkɨr nälʼatɨ tolʼ pɛlät.
► NEP Mɔːt šerna, ašša kučʼčʼa omta, točʼčʼoto mɔːtat puːtɨltɨ ((…)) omta.
► NEP Nılʼčʼi šeːra (pija) nüqɨtɨ tɔːtɨk nılʼčʼɨŋ ɛːŋa, sıːčʼɨ qapij.
► NEP Əːtɨkɔːl ɔːmtɔːtɨn.
► NEP Ompa apsɨtɨn karrät məčʼɨtɨn muširɨmɨntɔːtɨt.
► NEP Na apsɨt konnä na məčʼintɔːtɨt.
► NEP Nennät čʼontolʼ ijatɨ nɨmtɨ ɛːja, ɔːttoːpɨlʼ očʼin ijatɨ.
► NEP Qapija qälɨj qup ((…)) nılʼčʼɨŋ ɛːja, imakɨtɨlʼ ija.
► NEP Konnä na məčʼčʼɨntɔːt, konnä tıːtaltɔːt ontɨt amɨrqolamtɔːt, namә omta to nɨmtɨ.
► NEP ((…)) omta (pon), mɔːtat qanqɨn na to.
► NEP Ukkɨr to čʼontot nʼennälʼ ((…)) čʼontolʼ timnʼätɨ nılʼ na kətɨŋɨtɨ mɨta.
► NEP Tona ašša ((…)) qum omta tan mɨta nennʼantɨn mɨta apsɨsa miqɨnto mɨta.
► NEP Qaj šölʼqup, qaj mɨta ((…)) jawɨl mɨta.
► NEP Ira ((…)) əsɨ iratɨ nʼenʼnʼɨmɔːnna.
► NEP Istamɨt tasɨt tüntɔːt is tan apsɨtɛntal, is tan apsɨtɛntal.
► NEP Tona ijatɨ nʼennä ɛsa.
► NEP Ontɨn na amɨrnɔːt tına.
► NEP Tona qum əːtɨkɔːl omta, na tümpɨlʼ ija.
► NEP Qapij na tamɨlʼ porqɨlʼ ija.
► NEP Ni qajɨp aš tɛnɨma, (ni qajɨp), ontɨt koŋälɨmmɔːt.
► NEP Šäqqɨntɔːt tına.
► NEP Təm ((…)) na šäqqɨntɨ, ((…)) nɨmtɨ ippɨla tına.
► NEP Nʼennä ašš üːtɨntɔːt, ni kučʼčʼat ašš üːtɨntɔːt təpɨp.
► NEP Na šäqqɨntɨ.
► NEP Täːlɨ mɨta üːtɨn, – nık koŋɨmpa ((…)) čʼontolʼ ija, – täːlɨ mɨta laqalʼtɛntɔːm, mɨta qəntɔːm ruštɨla mɨta qəntɔːm.
► NEP Qaj nɔːrɨmtälɨj čʼeːlɨ mɨta qaj tulɨčʼɛntɔːm mɨta ((…)).
► NEP Šiːmalʼaqɨn karrä (panıš- təttoqɨn) ((…)).
► NEP Nılʼ qoŋɨmpa – tal – na čʼontolʼ ijatɨ.
► NEP Təm ɛj üŋkɨltɨmpatɨ omtɨla.
► NEP Ijatɨ, tal ((COUGH)).
► NEP Šäqqɨntɔːt, toptɨlʼ qar ınnä na wəšintɔːt muntɨk amɨrnɔːt.
► NEP Aj na qumnɨk (aj nılʼ kətɨŋɨt) na ija, na qäl irat čʼontolʼ ijatɨ.
► NEP Lʼa tɛː nɔːtɨ – ((…)), – ((…)),qumnɨk, – tɛː qaj ontɨt (amɨrnɨlɨt)?
► NEP ((…)) Istamɨn tüntɨpo: ((…)) tan apsɨtɛntal, ((…)) is tan apsɨtɛntal.
► NEP Kak pɨta tint ičʼčʼa.
► NEP Ija lıːp (nәna ɛsɨmpa).
► NEP Amɨrnɔːt, ponä tantɨla laqaltɨqolamnɔːt.
► NEP Təm nɨmtɨ ɔːmta mɔːtqɨn.
► NEP Apsɨsa ašš mintɔːt kos imaqotatɨ ašš minta, kos nälʼatɨ ašš mintɨ.
► NEP Kapij əsɨ iratɨ mitɨ poːqɨn qala.
► NEP Taŋaltät, man mɨta təpɨp mɨta apsɨtɛntak ((…)) täːlɨ((…)).
► ((…)).
► NEP Na əsɨ iratɨ nık čʼiːta: täːlɨ qəntɔːm.
► NEP Təpɨp mɨta mat apsɨtɛntak mɨta.
► NEP Ponä tantɨntɨt na ijakit, ((…)) na nɔːkɨr ijatɨ, ɔːtäp orqɨlnɔːt qaqlɨ tɔːqtɨ muntɨk na näqqɨltɔːt, mɔːtɨlʼ tɔːqtɨ tılaіtɔːt.
► NEP Tintana mɨŋa (tintana) laqaltɨntɔːt, namɨ na mɔːttɨ (koptot) nılʼ (qalaja).
► NEP Tına nälʼatɨ nık čʼiːta mɨta na qumɨnɨk šünʼčʼɨpɨj mɔːtqɨn.
► NEP Man mɨta poːqɨn qorasɨmɨlʼ qaqlam na totta, (man mɨta) na qaqlɨmɨ.
► NEP Qəə, mɨta sɨrontɨ (mašım) mɨta na pinɨntak.
► NEP Na nälʼatɨ na qumɨp nık čʼiːta, na ijanɨk, na säːpɨj porqɨj ijap.
► NEP Toːnnam əːtɨkɔːl (üŋkɨltɨmpat).
► NEP Lʼa qəə nık koŋɨmpɨsa: Mɨta meː tɨːnɨ qəntɔːmɨn ((…)), ((…)),tam wərqɨ nʼarɨ (toroj) na när pɔːrɨ ((…)) mɔːtɨŋnɛntɔːm.
► NEP Qɔːtɨ mɨta ɔːtäiːmɨn qošqeŋa ((…)).
► NEP Na qum na mɔːtɨn koptot ɔːmta.
► NEP Šitɨ poːlakɨp nʼentɨ tılʼčʼɨk kosak loːqɨrɨŋɨt na nätak.
► NEP Apsɨlʼ mešolʼap pinmɨntɨt to məčʼɨ, to kun mɔːntɨj qaj pinmɨntɨt.
► NEP Ija nık taqtalta.
► NEP Qumɨiːtɨ na laqaltɨntɔːt poːqɨn nörɨiːtɨ ((…)) mompa apsɨlʼ mɨtɨ kunɛrɨlʼ wəčʼɨ, muširɨmpɨlʼ wəčʼɨ, awsɨ kutɨlʼ tına.
► NEP Tɨː tüla mɔːtɨn koptont na amɨrna, qɔːtɨ mɨta (qəntɨsaŋ ɛna).
► NEP Təpɨt qəntɔːt, qapij čʼuntɨššalʼ mɔːntɨ.
► NEP ((NN:)) Kučʼčʼa qənta, tal üŋkɨltät kɨpɨlʼa.
► NEP ((NEP:)) Nɨnɨ šittäl təpɨt kərtɨsɔːt ((…)) nɨnɨ šittäl namɨsa mimmɨntɨt ukkɨr somak amnɨntɨt ((…)) na mešolaqı.
► NEP Nʼennä wəčʼiŋeŋɨt, na qumɨiːntɨ wəttɨ šüːmɨt.
► NEP ((…)).
► NEP Mannɨmpat kuttar qəntɨlɨlɔːt.
► NEP Kuttar mompa ɔːmtalɨmpɔːt ((…)) qaŋlɨt ((…)) montɨ qaj qərɨ qaj (šɔːŋmɨntɨ) aj qälɨj kər.
► NEP ((…)).
► NEP Man mɨta mitɛntak nılʼ qälɨmpɨčʼat, (liškaŋ əj).
► NEP Qɔːt ašš kuntaktɨ qənɨmpɔːt ton när (puːton).
► NEP Əːtɨmɨn, na qälɨmmɨnt, na qälɨmmɨnt, ompa čʼeːlɨ qapija üːtontɨ qənna tına mompa čʼeːlɨtɨ nɔːtɨ qapta.
► NEP Toː laŋkalejmmɨntɔːt ((…)) toːt qanɨlʼ čʼiŋantɨ qaj mɔːtɨŋnɔːtɨt.
► NEP Nɨmtɨ poːqɨn šäqqɨntɔːt, nɨnɨ äj kərtɨntɔːt.
► NEP Ruštɨ qəntɨla orɨnʼnʼɔːtɨt.
► NEP Nɨː na tüntɨ.
► NEP Qaj montɨ qälɨj kər qaj montɨ alpänɨ tüŋa, qaj montɨ tına äj qälɨj ira.
► NEP ((…)).
► NEP Ukkɨr ((…)) imalʼ kərɨsa ɛːja, ukkɨr neːtɨ olqa tüja.
► NEP Nɨː na tünta.
► NEP Tına mat šerɨšpɨtɨj šäqqɨtɨj qumɨiːm qaj montɨ mɔːtɨŋɛlʼčʼɔːt.
► NEP To namɨt montɨ tarɨ mɔːtɨŋnɨntɔːt.
► NEP Aj nɨː na šer.
► NEP Oj čʼortɨ, nɨn na ira nılʼ (na) tɛnɨrpa: “Na qaj jawol lʼi qaj šımɨt nʼoːnta tına.
► NEP Tap qurastɨ nılʼčʼɨŋ ɛːja – sıːčʼɨ.”
► NEP Nɔːt ((…)) na qum näіntɨ na ija näіntɨ nimtɨ näіntɨ – Center.
► NEP Tam məčʼɨ ijaqıtɨ näіnt köt centertɨ, köt poːtqɨn ((…)) malʼčʼantɨ lıːp mɨqɨn.
► NEP ((NN:)) Kətät kapij, kətät, tal, taltäš ((…)).
► NEP ((NEP:)) Mɔːtɨ šeːrnɔːt amɨrnɔːt, na kapija qumɨt.
► NEP Tona qälɨ irat amɨrät tɔːntɨ pija, na ijatɨ na ((…)) čʼontolʼ ijatɨ aj nık kətɨŋɨt.
► NEP “Pija ((…)) tona ašša qup, ((…)) apsɨsa miqɨntɨka.”
► NEP “Apsɨ kun tünta, – ira aj nılʼ, – ista mɨ tünta is tan apsɨtɛntal, is tan apsɨtɛntal.”
► NEP Nɨnɨ na ijatɨ nen esa.
► NEP Kapij tɔːtɨk ukkɨr ijatɨ ((…)).
► NEP Nɨnɨ šittɨmčʼal tına amɨrla pula tɔːntɨ qälɨ ira tünta na šentɨ tına, šentɨk tümpɨlʼ qup.
► NEP Na (nɨla-) nɨlaіmmɨntɔːt nɨn na (nɨlaіmmɨntɔːt) okon mɛnta tap (mompa) qaj ol šımɨt mɛntaіnta tına.
► NEP Täːl, mompa tal.
► NEP Täːlɨ mompa ((…)) täːlɨ nennäntɨ (poːttaintɔːm), nʼennä.
► “Täːlɨ laqaltɛntɔːm,” – nık kətɨŋɨt.
► NEP Šäqqɨntɔːtɨn.
► NEP Ašša kos qontɨla, ašš apsɨtɛntɔːt pit ašš apsɨtɛntɔːt.
► NEP Šäqqɨntɔːtɨn, nɨnɨ šittäl toptɨlʼ qar nɨnɨ na laqaltɛːqolamnɔːt.
► Nɨnɨ nennät na ijalʼ mɨqä ((…)).
► NEP ((…)).
► NEP Ijatɨ na əsɨ irasa ((…)) qaj mɔːtɨmtɨ tılaintɔːt.
► NEP Na natäŋ nık (na ijan): Man mɨtɨ apsɨp na pinnɨntak mɨtɨ na qorasɨmɨlʼ qaŋlontɨ.
► NEP Aj əːtɨkɔːl, na qaŋlɨn ɨlon na apsɨp na pinnɨntaŋ.
► NEP Qapij na tɛːpɨlʼ porqɨ nɨmtɨ ɔːmta.
► NEP Əːtɨtɨ čʼäŋka, qumɨtɨs ašša qoŋɨmpa.
► NEP Ɔːtäp nurqaltɔːt, karrä kuralnɔːt, na šittɨ ira, qälɨj iralʼ mɨqä tına parälʼ pičʼilʼ tɔːq na koptontɨ nɨː čʼiqɨmpɔːt na tɛːmtɨlakap.
► NEP Ton ɔːtä nurqaltɔːt iralʼ mɨqä laqaltɨqolamnɔːt.
► NEP Qapij na timnʼaqı (lʼokkɨtɔːtɨn).
► NEP Qəntɔːt, ((…)) təm nɨmtɨ ɔːmta, qaj kutɨ ɔːttɨŋɨt, na iralʼ mɨqän nık qala.
► NEP Tintana tɛːpɨlʼ porqɨmt mɔːtɨkoptot orqɨleinɨt karrä tɨŋaltɨnɨt, üt patqɨlna.
► NEP Üttɨ čʼarɨkɔːl, ((…)) (ulqa sajn).
► NEP Ukkɨr ((…)) qaj ɛːja, qälɨ ira ((…)) mikɨqɨŋɨt, nɨnɨ tal, kuttar üttɨ pärqɨlnɨt (takät poːmɨt mompa) tına kәnʼa soqqɨlna.
► NEP Nılʼčʼɨ mutrʼonɨj qup ɛppa na tɛːpɨlʼ porqɨ.
► NEP Mannɨmpatɨ: qəə konnät qaŋlɨqotɨ totta.
► NEP Konnä quralna qoo, qaŋloqɨntɨ omtɨja, tilʼčʼila laqaltɛlʼčʼa.
► NEP Korpamtɨ wəčʼila.
► NEP Kekɨsa nennä laqalʼtɛlʼčʼa ınnä tara, ınnä tara konnä tanta.
► NEP Kotalʼat amna tına na qumɨiːtɨ mɔːtɨkoptot tüm meːja pija.
► NEP Tın nätäk, nätäk towsɨtɨ: “Apsɨp ((…)) pintak.”
► NEP Innä čʼap tutɨlɔːlnɨt: montɨ məčʼal, ((…)) kuššalʼ qaj muntɨk pinpat.
► NEP Amɨrla ɔːmta na čʼeːlɨt pija.
► NEP Nato ((…)) qɔːt täːlɨ üːtɨn nık koŋɨmpɨsɨ na iran ija mɨta: mɨta ((…)) ruš taqqɨlɨmpɨla üːtɨn amɨrelʼtɔːm nɨː mɔːtɨknɛntɔːm.
► NEP Toptɨlʼ čʼeːl mɨta čʼeːlatɛntɔːm mɨta qɔːt mɨta ista qaj apan utap qaj.
► NEP Ijatɨ nık koŋɨmpa to üːtɨt nılʼ üŋәіpat tuːlʼpop.
► Əːtɨkɔːl ɛːŋa.
► NEP Amɨrla ɔːmta somak.
► NEP Nɨnɨ qɔːtɨ istena na apsɨmtɨ na amla pula qɔːtɨ ukkɨr lasaŋena, qɔːtɨ ašša kuntaktɨ qəntɔːm.
► NEP Starik na qum nık tomnɨt.
► NEP Qapij na qumnɨk üŋkɨltɨmpa kekɨsa.
► NEP Qaj na qälɨn irat, qälɨn irat ija.
► NEP Nɨn na kuralpɨntɨ na təpɨtɨn wəttɨ šüːmɨt.
► NEP Na nʼoːmmɨntɨt, na nʼoːmmɨntɨt qälɨtɨp, (mont toː qälɨt montɨ čʼeːlɨ kəš), näčʼčʼa ɔːmtɨka qapıj čʼeːlɨt kät tına, təpɨtɨn qəlla pula tına.
► NEP Tinta čʼeːlɨtɨ üːtontɨ kəːtaptɨka.
► NEP Kuttar na qälɨmmɨntɨ, na qälɨmmɨntɨ ompa tına čʼeːlɨtɨ na patqɨltɨ ((…)).
► NEP Toː mɔːtɨŋnɔːt ((…)) ti nɔːr mɔːt (tına).
► NEP Tına mɨ, mat šerokɔːmpɨtɨlʼ qumɨiːm, qaj ukoːn mɔːtɨŋɛlʼčʼɔːt.
► NEP Nɨː na tɨtɨіntɨ, tona šittɨ qumɨt, tarɨ mɔːtɨŋäntɔːt.
► NEP Aj mɔːt na šeːr tɨmtɨ na qälɨ ira qapıj mannɨmpatɨ.
► NEP Tınta na mompa ütɨ čʼattɨsa, na qum na tüntɨ (na), aj tıntana jawol ((…)) ɛj tap tüntɨ, ilɨlä.
► NEP Ompa mɨta apsɨlʼ mɨtɨ nık tatɨmpɨ, konnä na wəčʼčʼɨntɔːt.
► NEP Nɨnɨ na qälɨn iran ija naintɨ (mɔːt) taskal.
► NEP Nʼenʼnʼantɨn nık kətɨŋɨt: Tat (qaj montɨ to ašša šölʼqum) na montɨ qaj jewɨl lʼi čʼo li apsɨ miqɨntɨtka.
► NEP Nenimɔːnna: Tawaj man mɨta täːlɨ qar mɨta apstɛntak mɨta, – aj nılʼčʼɨŋ nenimɔːnna.
► NEP Man mɨta təpɨp apsɨtɛntak.
► NEP Ašša qatalɨntɔːt tına mɨ šäqqɨntɔːt, ontɨn na amɨrɔːt tıː.
► NEP Təpɨn apsɨp ašša mintɔːt tılʼčʼɨk.
► NEP Pija ɨla qontɛːntɔːt, täːlɨ mɨta aj kərtɛntɔːm.
► NEP Qapıj nılʼčʼɨj mɨ toːt qanɨlʼ čʼıŋant mɔːtɨŋpɔːt tına təpɨn.
► NEP Təːkɨmpɨlʼ poːlʼ čʼıŋ.
► NEP Šäqqɨntɔːtɨn mɨta.
► NEP Toptɨlʼ qar ((…)) aj na amɨrɔːt čʼilʼ tɔːk muširɨla, čʼoj, kutɨlʼ kenʼɨ na ippɨntɔːt.
► NEP Na qumtɨ nılʼ ɔːmta tına.
► NEP Təp ((…)) qontɨrna to čʼɔːtoqɨn qonta na tɛːpɨlʼ porqɨ.
► NEP Əːtɨtɨ meːlʼ čʼä, təpɨtɨs ašša qoŋɨmpa.
► NEP Na tam irat ijat (koŋɨmpa) qapija kətɨkolʼimpatɨ.
► NEP Nɨnej (nen), əsɨtɨ laŋkalʼjompat.
► NEP Tan mompa istamɨtɨp, tan apsɨtɛntal, istamɨp apsɨtɛntal.
► NEP To namɨ əːtɨkɔːl (nenəsɨmpa).
► NEP Toptɨlʼ qar na ınnä na wəšintɔːt aj amɨrɔːt tına, to nɨmtɨ ɔːmta to nɨmtɨ.
► NEP Aj ɔːtäiːmtɨ nurqaltɔːt: “Tıː mɨta qəntɔːmɨn mɨta ((…)) (mɨːɛntam), mačʼɨlʼ tıčʼɨ ɛnta, mɨta namɨn poqqɨtɨkɨnɨtka ((…)) ompä čʼeːlatɛntɔːmɨn.”
► NEP ((…)).
► NEP Nɨnɨ pija nu šäqqɨntɔːt toptɨlʼ čʼeːl na laqaltɨqolamtɔːt.
► NEP Na nık, na ijatıː kɔːŋɨmɨntɨ na ukkɨr ijatıː.
► NEP Qälɨj ira ((…)) qətqantalɨmpɔːt na tontɨ tümpɨlʼ qälɨj ira əsɨ ((…)), ((…)),na təpɨn əsɨ.
► NEP Pija nɨnɨ šittäl šäqqɨntɔːt, toptɨlʼ qar ınnä na wəšintɔːt, ɔːtäp na nurqaltɔːt na amɨrla tına.
► Təpɨp ašš apstɛntɔːt qapij.
► NEP Ɔːtäp nurqaltɔːt tinana šitɨ ira ponä (pakto) tına na ɨlna na po matɨ, pačʼalla silʼältɨŋɨtıː nat keːpɨlʼ təttɨlʼ kotpasɨlʼ tin ol.
► NEP Tɛːpɨlʼ porqɨp tünt čʼattɔːltɨtıː, tüs čʼɔːtɨla.
► NEP Nık qətqantalpɨtıː, na šittɨ qälɨlʼ iraqı.
► NEP Ijaiːtıː ɔːtäp nurqaltɔːtıː, ijatıː əːtɨtɨ čʼäːŋka, qos wərkɨ ijatıː əːtɨtɨ čʼäːŋka, qos kɨpa ijatıː əːtɨtɨ čʼäː.
► NEP Poːp pačʼalɨtɨt somak qumɨt kərɨt, (qapij) qapij mɔːtɨlʼ tɔːqtɨ tıllaila nın na qaŋlɨlʼ tɔːq qənkɨnot, laqaltɨqolamnɔːt.
► NEP Na šittɨ iraqı tına poːp pačʼalnɔːtıː qəːlʼnɨnti na təːkɨlʼ təttontɨ tüs (čʼattɨ), tüs čʼɔːtɨŋɨtı.
► NEP Tɛːpɨlʼ porqɨ nɨmtɨ ɔːmta mɔːtqɨn tap qumɨtɨn mɔːtqɨn.
► NEP Na nätak (toqa) nık towsɨt: Man mɨta apsɨsa (pintak mɨta), na qorasɨmɨlʼ qaŋlam na tottɨ (nɨmtɨ).
► NEP Na čʼap kətɨmpat ontɨ ɛːptäqɨn.
► NEP Qumɨiːtɨ na laqaltɛːntɔːt, kərɨ, kərɨ na laqalta, iralʼ mɨqä nɨː na qalɨntɔːj.
► NEP Tintana tɛːpɨlʼ porqɨp orqɨlɛːla pona taːtɨla tintana karrä na čʼɔːwsɨntɨ, purkɨntɨ nıː (ɨːtɨŋɨtı).
► NEP Ola karrät pilʼlʼimɔːnna.
► NEP Kekkɨsa čʼattɨŋɨtı na qälɨlʼ iralʼ mɨqä toːlʼ pɛlat ɨnnä soqqɨltɛlʼčʼa.
► NEP ((…)).
► NEP Nannɛrɨk mutrʼonɨj qum ɛppa na iːja.
► NEP Təpʼa ɨtaisɔːj namäntɨ ((…)) tü tɛːpɨlʼ porqɨ.
► NEP Soqqɨlʼ tɔːqtıː tokkaltɛːla mannɨmpatı tın.
► NEP Soqqɨlʼ tɔːqtıː tokkaltɛːla laqaltɛlʼčʼɔːj mənɨlʼ wəttɨ šüːmɨn.
► NEP Na šitɨ iräqı.
► NEP Somak tәnta laqaltɛlʼčʼɔːj.
► NEP Ɨnnä wəša, tülʼ tɔːq nʼentɨ (qatalnɨt).
► NEP Ton nätak tıː nık towsɨt mɨta apsɨ (qalɨčʼɛntak).
► NEP Na apsɨlʼ mɨmtɨ tɨː tatɨŋɨt.
► NEP Amɨrna na tüt qanɨqɨn ((…)).
► NEP Qɔːt, – nık tɛnɨrpa, – qɔːt šaqqɨsaŋ ɛna, apsam tämänt.
► NEP Qɔːt täːlɨ qəssaŋ ɛna mɨta na ((…)) qälɨj iran ijap nık čʼıːtsam, mɨta čʼeːlatɛntak čʼäːlɨ.
► NEP Man mɨta šäqqɨsaŋ ɛna, qɔːtɨ täːlɨ qurɔːlsaŋ ɛna mɨta məttɨt šüːmɨt.
► NEP Nɨmtɨ amɨrla na šäqqɨntɨ.
► NEP Toptɨlʼ qar ɨnnä wəšila amɨrtɨnt na šim apsɨtɨmmɨntɨt tılʼčʼɨj mešolʼantɨsa.
► NEP Məčʼɨ, kutɨlʼ selʼčʼɨ muširɨmpɨj wəčʼɨ, čʼoš, apsɨ kušalʼ qaj muntɨk pinqɨlɔːlpat na nätak.
► NEP Na qälɨj irat nälʼa, təːlɨt na əsɨntɨlʼ mɨ nɔːn təːlɨt.
► NEP Amɨrna toptɨlʼ qar ɨnnä wəšila.
► NEP Naššak na ɔːmta nɨn üːtɨnɨlʼ čʼeːlɨt, qurɔːlna na apsɨmtɨ, amɨrla pula, čʼeːlɨt qapij.
► NEP Na qəntanəə mont näčʼčʼa qənpɔːt wəttɨn iːm.
► NEP Əːtɨmɨnt na mačʼɨnt kučʼčʼɔːt (pɨlʼtot) karrät qɔːsɨlʼ mačʼɨlʼ pitɨtɨn ((…)).
► NEP Tulɨšpɔːt qaj montɨ čʼeːlatɔːt.
► Qaj mont tına, qolʼčʼɨŋɨt.
► NEP Üːtɨn qaj montɨ nɨn šittalʼ üːtsaŋ mɛntaitɨ.
► NEP Kɨsa qa učʼalimpɔːt.
► NEP ((…)).
► NEP Na ija näjɨntɨ, təpɨn (sɨpɨmɔːtpɨqantalɨmpɨlʼ) ijat ((…)) ılla quŋa qälɨn irat ija.
► NEP Pija quŋaeltɨ tam irat ija ((…)) ılla patqɨltɔːt, patqɨltɔːt lʼi qaj.
► NEP Ijaqımtıː kɔːratɛːla kapij (setkaj kaj).
► NEP Kəə kalɨmpɨla nılʼ na qontɨt mɔːttɨ üčʼalɛːčʼɨpčʼat qaj ((…)).