|
|
PMP |
Ilɨzaq warkɨzaq era pajasak.
|
|
|
|
Erat palʼdʼukuŋ suːrɨlʼe.
|
|
|
|
Pajat maːtqɨn jewan.
|
|
|
|
Erat palʼdʼikuŋ, palʼdʼikuŋ, tʼeːlʼdʼömp palʼdʼikuŋ.
|
|
|
|
Qaimnäj ass tatkut.
|
|
|
|
Kɨdaŋ niŋ palʼdʼikuŋ, qaimne as tatkut.
|
|
|
|
Okkɨr dʼel pajat teːrban: Qajno ʒə tap qaimnäj as tatkut?
|
|
|
|
Man tabɨm saralǯlʼew.
|
|
|
|
Qajno tap sündebɨŋ tükkuŋ?”
|
|
|
|
Nu i nilʼdʼiŋ meːwɨt.
|
|
|
|
Erat üːbɨcʼlʼe üːbɨraŋ suːrulʼe, qwannɨŋ.
|
|
|
|
Pajat tʼäːno tolʼdʼimt sernat.
|
|
|
|
Erand moqɨn tʼäno üːban.
|
|
|
|
Erandɨne az aːdolǯikuŋ.
|
|
|
|
Nano az aːdolǯikuŋ, tabɨm erat ik qonǯirnent.
|
|
|
|
Erat medɨŋ Qɨn qɨnbart.
|
|
|
|
Tam plʼekaj qän paːrɣɨn ont sʼäimd paqqɨlgut.
|
|
|
|
Sʼäilamd ädɨlʼe qwäčikut pon molaɣɨn.
|
|
|
|
Taj plʼekaj qänt nʼäzolguŋ.
|
|
|
|
Ondə tʼärkuŋ: “Sʼäj, ropeːs.”
|
|
|
|
Sʼäjla tabnä tʼüqwatt, paːrɨčiqwattə.
|
|
|
|
Aj natʼej qɨn paːroɣɨn seint paqqɨlʼe qwecʼikut, pon moːland ɨtkut.
|
|
|
|
Tʼärkuŋ: sʼäjla roːpeːss!
|
|
|
|
Sʼäjla tabne tʼülʼe rokecʼqwatt.
|
|
|
|
Nilʼdʼäredaŋ selɨj tʼeːldʼʒom pünnɨŋ.
|
|
|
|
Pajat mannɨmpɨs, mannɨmpɨs toːlakaŋ.
|
|
|
|
Erat seːimd paqqənnɨt.
|
|
|
|
Tam plʼekaj qän känbart qwädʼät.
|
|
|
|
A pajat tʼäːno tabɨn sejlamd iːot toːlakaŋ.
|
|
|
|
Ontə teːrpan: “A tan nano maːttə qaimnej as tatqwal meŋga.”
|
|
|
|
Nilʼdʼiŋ pajat qwannɨŋ, qwannɨŋ i tʼönǯikaŋ čaːǯiŋ.
|
|
|
|
Erantɨnan seiːt tidam tʼäŋwan.
|
|
|
|
Qwäcʼku tabɨm tab ürgenǯiŋ.
|
|
|
|
Nano i tʼönǯikaŋ čaːǯiŋ pajat.
|
|
|
|
Kušaŋ čaǯiŋ, aj moɣunä manǯedʼikuŋ, erat čaːǯiŋ alʼi ass.
|
|
|
|
Pajant qwalʼewlʼe erat kušaŋ laŋgɨniŋ: “Sʼäjla, ropeːss!”
|
|
|
|
Sʼäjla tʼäŋgwattə, as tükwatte tabnä i ass parɨdʼiqwattə.
|
|
|
|
Kušaŋ sʼäjlamt qwärɨstə, qwärɨst, sʼäila kundar tʼäŋgwattə, niŋ i tʼäŋgwatt.
|
|
|
|
Tidam sejgalɨk erat na üːbedʼän, sʼäjgalɨk.
|
|
|
|
Pajat aːdelǯiŋ, erandɨne az aːdelǯikuŋ.
|
|
|
|
Erat sejgalɨk ürgɨle qunǯiŋ.
|
|
|
|
Madɨn köndə miglʼe üːbəraq.
|
|
|
|
Pajat tɨdəmban.
|
|
|
|
Tʼäːno medɨdʼeŋ, tolʼdʼilamd niŋ el čaɣannɨt.
|
|
|
|
Mattə seːrnɨŋ, nʼäɣɨniŋ.
|
|
|
|
Erant sejlam tɨsont pennɨt, pʼötʼen moqtə oːcʼiŋnɨt.
|
|
|
|
Erat tʼönǯikaŋ tüan maːttə, sernaŋ.
|
|
|
|
Pajat tʼärɨŋ: “A tan qajno tamdʼel kundɨŋ jewant?”
|
|
|
|
Erat tʼärɨŋ: “Man tamdʼel sejowɨm aːtsaŋ, nano kundɨŋ jewaŋ.”
|
|
|
|
Pajat teːrban: “A tan siːrant, man tidam tastɨ tunuaŋ, kundar tan suːrunʼänt.
|
|
|
|
Selɨj tʼelʼdʼzʼomp sejlandɨse warkand.
|
|
|
|
Aw qɨn baːrt ɨtqwäl, a tam plʼekaj kɨn baːrt neːzolgwant.
|
|
|
|
Sejlal tʼeŋga tʼülʼe parɨcʼikwattə.
|
|
|
|
Nilʼdʼiŋ tan i sündebɨŋ tükkuzant.”
|
|
|
|
Nu i warkɨlʼe üːbəraq.
|
|
|
|
Kušaj da dʼeːlɨt mendɨŋ.
|
|
|
|
Pajat manǯediŋ südernaun, manǯediŋ, nɨŋan peŋk.
|
|
|
|
Pajat erandɨne tʼärɨŋ: “Peŋkə nɨŋgɨnt.
|
|
|
|
Tan wazlʼent kundarem tʼäʒlʼel peŋkəm.”
|
|
|
|
A erat tʼärɨŋ: “Man kundar tʼäǯenǯau?
|
|
|
|
Sejew az aːduŋ.”
|
|
|
|
Pajat tʼärɨŋ: “Tüqɨ meŋga, man tulsem teŋga oralǯolǯilʼews.”
|
|
|
|
I erat tʼüan pajandɨne.
|
|
|
|
Pajat erandɨne oralǯolǯit udoɣɨnt apstɨmbɨdi tʼülsem.
|
|
|
|
Ond tabne pɨmʒɨrɨt, kundar tʼätku peŋgɨm.
|
|
|
|
Erat tʼäʒit, qwannɨt peŋgɨm.
|
|
|
|
Erand sej az aːduŋ, peŋgɨm tabne as kɨrgu.
|
|
|
|
Pajat ondə kɨrlʼe üːbərɨt peŋgɨm.
|
|
|
|
Nu i kɨrɨt peŋgɨm.
|
|
|
|
Wadʼilam nʼörbannɨt, ɨːdɨt.
|
|
|
|
Okkɨr dʼel wadʼilam kocʼin ponnɨt.
|
|
|
|
Erandɨne tʼärɨŋ: “Tamdʼel qula tʼarattə, tamdʼelʼe dʼel iːbkaj nuːlʼdʼel.”
|
|
|
|
Erat tʼärɨŋ: “Nuːlʼdʼelǯik.”
|
|
|
|
Nu i nuːlʼdʼeːlčlʼe üːbərak.
|
|
|
|
Pajat ponen, erat maːtqɨn jewan.
|
|
|
|
Pajat ponen äːdɨt kuːgɨrsanɨm.
|
|
|
|
Kuːgɨrkučilʼe üːbəraŋ.
|
|
|
|
Erat maːtqɨn matškaŋ.
|
|
|
|
A paja poːnen kugorčiŋ i kugorčiŋ.
|
|
|
|
A ont čagəmbedi peŋqɨn wadʼi aurnɨŋ.
|
|
|
|
Ont nuːn qojmɨn kelʼlʼe taːdərɨt.
|
|
|
|
Qampaj tʼeːlat tʼümbocʼka.
|
|
|
|
Erat maːtqɨn aːmdɨs, aːmdɨs, kertɨmnɨŋ.
|
|
|
|
I teːrban: “Man sejlawɨm qwärlʼeu.
|
|
|
|
Sejla moʒetbɨtʼ meŋga tʼülʼezeq (tüːlʼezettɨ).”
|
|
|
|
Nu nilʼdʼiŋ i meot, sʼäjlamd qwärlʼe üːbərat.
|
|
|
|
Qajda pʼöcʼin moqɨn raxsɨmban.
|
|
|
|
Tap soːcʼkaŋ üŋgelǯiŋ.
|
|
|
|
Ondə tʼeːrban: “Qaj natʼen raqsɨmɨnt?”
|
|
|
|
Tap aj sədɨmǯel tʼärɨŋ: “Sejla roːpeːss!”
|
|
|
|
A pʼöcʼin moqɨn warɣɨŋ raqsonneŋ qajda.
|
|
|
|
Erat natʼet tʼüːrɨse tʼönǯikaŋ qwannɨŋ, pöcʼim moqɨŋ pündarɨmpan.
|
|
|
|
Qoɨt tɨssam.
|
|
|
|
Oːmdɨŋ, na tɨssɨm tʼiːqɨt i püːɣɨlǯimbat.
|
|
|
|
Qajda sət püːrlaška.
|
|
|
|
“Tau odnako manani sejla.”
|
|
|
|
Pöti üːdɨm qoɣɨt erat.
|
|
|
|
Üːttɨ tʼäptäptɨt.
|
|
|
|
Sejlat (sət sej) kušaŋ üːtqɨn tʼäptädimbɨzattə.
|
|
|
|
Saʒaŋ müzulǯit.
|
|
|
|
Sʼäjlaɣɨnd tʼärɨŋ: “Sʼäjla ropeːss!”
|
|
|
|
Sejlat tabɨnä parɨdʼättə.
|
|
|
|
Manǯedʼiŋ, a sejlat soːčʼkaŋ az aːdattə.
|
|
|
|
Sejlamd paqqɨnɨt, aj tʼäptäptɨt soːcʼkaŋ.
|
|
|
|
Sʼäjlamt aj soːcʼkaŋ müsennɨt.
|
|
|
|
Tʼärɨŋ: “Sejla, roːpeːss!”
|
|
|
|
Sejlat parɨdʼättə kwesse.
|
|
|
|
Tibequm aːndanɨŋ: “Tidam sejlau soːcʼkaŋ konǯernattə.
|
|
|
|
Tɨdam man sejze ezaŋ.
|
|
|
|
Uʒo man tast sejlaɣɨn tʼät qoːbalaks.”
|
|
|
|
Pone čaːnǯiŋ.
|
|
|
|
A pajat kugurgutčiŋ, nu kojmɨm taːdərɨt.
|
|
|
|
Erat tʼärɨŋ pajandɨne: “A tan mazɨm qajno sejgɨlǯant?”
|
|
|
|
A pajat tʼärɨŋ: “A tan qajno nilʼdʼiŋ palʼdʼikuzant, köcʼkuzandə suːrusku, a onent sejlandɨse sanǯirsant?
|
|
|
|
A maːtt qaimnej as taːtkuzal.
|
|
|
|
Wot man tannani sejlamt nano i (paqqɨnnau) tannau.”
|