| ► |
|
SAI |
Palna.
|
|
|
|
Palna nɔːkɨr timnʼasɨk ilimmɨntɔːtɨt.
|
|
|
|
Šölʼqumɨlʼ mɔːtɨrɨlʼ irra ɛppɨmmɨnta.
|
|
|
|
Orsɨmɨlʼ irra samɨj märqɨ timnʼätɨt.
|
|
|
|
Čʼontoːqɨlʼ timnʼätɨt taŋɨlʼ ɔːtälʼ nʼoːtɨj ɛppɨmmɨnta.
|
|
|
|
Poːs kɨpa timnʼätɨ kərnʼat pɔːralʼ nʼoːtɨj ɛppɨmmɨnta.
|
|
|
|
Nılʼčʼik ilimpɔːtɨt.
|
|
|
|
A na Palnalʼ märqɨ timnʼätɨ namɨšʼak qəːtɨsä ɛːppɨmmɨnta.
|
|
|
|
Kuna qaj tünta, muntɨk tɛnɨnɨmpatɨ.
|
|
|
|
Suːmpɨtɨlʼ təːtɨpɨlʼ irra ɛːppɨmmɨnta.
|
|
|
|
Kəːsɨp meːtɨmpatɨ ontɨ iliptäːqɨntɨ.
|
|
|
|
Čʼɔːtɨrna kəːsɨp, nık meːtɨmpatɨ, čʼaŋak pünon.
|
|
|
|
A rušit meːtɨmpɔːtɨt aša tɛnɨmop qajen nɔːnɨ…
|
|
|
|
Tɨp meːtɨmpatɨ, kəːsɨtqo püp meːtɨmpatɨ.
|
|
|
|
Na pün nɔːnɨ kəːsɨlʼ porqɨp meːtɨmpatɨ.
|
|
|
|
Säq kəːsɨlʼ ɨntɨ meːtɨmpat, säq kəːsɨlʼ komap meːtɨmmɨntɨtɨ.
|
|
|
|
Nantɨsä aj ilɨmpa.
|
|
|
|
A müttɨlä aša ičʼirpa.
|
|
|
|
Täpɨpkine müttɨlä ičʼirpatɨt.
|
|
|
|
Kepkisolʼa kunɨ čʼap tüntɔːtɨt təp mun tɛnimɨt.
|
|
|
|
Qälɨt ičʼirpɔːtɨt müttɨqo.
|
|
|
|
Laŋalʼ qumɨt pɛlʼaqɨt aj nɔːr timnʼäsɨt ɛppɨntɔːtɨt.
|
|
|
|
Aj peːlä ičʼirpɔːtɨt tapčʼeːlɨ qumɨlʼ nɔːr tɨmnʼastɨp.
|
|
|
|
Təm ilɨmpa okoːt pulʼčʼos qoltoːqɨt, turuhanska kərrelʼ pɛlʼaqɨt čʼuːroːqɨt.
|
|
|
|
Laŋalʼ qumɨlʼ nɔːkɨr timnʼäsɨt ukkɨr tät čʼontoːqɨt nılʼčʼik ɛːsɔːtɨt.
|
|
|
|
Palnalʼ nɔːr tɨmnʼasɨtɨp peːlʼa qənqolamnɔːtɨt.
|
|
|
|
A Palnalʼ timnʼäsɨt qənɔːtɨt.
|
|
|
|
Tɨmnʼäiːqɨntɨ nılʼčʼik kətɨŋɨt.
|
|
|
|
Laŋalʼ qumɨlʼ nɔːr tɨmnʼäsɨt na tüːqolamtɔːtɨt müttelä meːqɨnɨt.
|
|
|
|
Karra čʼuːrontɨ mɔːtɨŋlɨmɨt.
|
|
|
|
Čʼuːrontɨ mɔːtɨŋnʼɛntɨmɨt.
|
|
|
|
Apsɨp qənnɛntɨmɨt.
|
|
|
|
Qumɨt kosti (mɔːttɨla) tüntɔːtɨt.
|
|
|
|
Amɨrtɛntɔːtɨt.
|
|
|
|
Karra qənnɔːtɨt, čʼuːrontɨ.
|
|
|
|
Kärtɔːtɨt, mɔːtɨŋnɔːtɨt.
|
|
|
|
Nʼuːtɨsä tɔːqqɔːtɨt mɔːttɨ tolʼ pɛlʼaqɨt.
|
|
|
|
Tösa tɔːqqɔːtɨt.
|
|
|
|
ınnän ɨllä aj nʼuːtɨsä tɔːqqɔːtɨt.
|
|
|
|
Tɨmnʼäqɨntɨkine: Kaša (avsa) mušɨrɨŋɨlɨt.
|
|
|
|
Tapčʼeːlɨ tüntɔːtɨt.
|
|
|
|
Ürɨlʼ pirnʼäp mɔːttɨ tultɨŋɨlɨt.
|
|
|
|
Kašap (avsap) kärrä mušɨrɔːtɨt.
|
|
|
|
Nanä na ɔːmtɔːtɨt.
|
|
|
|
(Čʼeːlɨtɨ) čʼeːlʼ čʼontɨlʼ kotäntɨ korrɨmɔːnnɨ.
|
|
|
|
Nʼennäntɨ antıːrɨ qontɨšɛlʼčʼa.
|
|
|
|
Nɔːkɨr qumɨt tıpɨlʼ antɨ qontɨššɛːnta.
|
|
|
|
Timnʼaiːqɨntɨ nılʼčʼik kətɨŋɨt.
|
|
|
|
Paŋɨlʼ toqlʼet ılla ättɔːlnɨlɨt.
|
|
|
|
Peːmɨt küːtet šüː säqɨtɔːlɛlʼčʼiŋɨlɨt.
|
|
|
|
Nɨːnɨ nılʼčʼik kətɨŋɨlit.
|
|
|
|
Paŋɨmɨt čʼäːŋka, paŋɨlɨt meːqɨnɨt miŋɨlɨt, solap meːqɨllʼčʼilɨmɨt amɨrqonɨtqo.
|
|
|
|
Nık ətɨrkɨŋɨtɨ.
|
|
|
|
Kɨpa timnʼätɨ sɨtkɨqɨt ila.
|
|
|
|
Täːqamtɨ nɨː ɨnnä čʼoqolnɨt.
|
|
|
|
Ɨnnät tüt poːrɨlʼ po sɔːrɨmmɨntɔːtɨt.
|
|
|
|
Nık qoŋɔːtɨt: nʼennäntɨ qontɨššɛıːŋa nɔːkɨr qumɨt tıpɨlʼ antɨ.
|
|
|
|
Timnʼäːqımtɨ əːtɨrkɨqolamnɨtɨ.
|
|
|
|
Ponä na čʼap tannɨntɔːtet.
|
|
|
|
Montɨ ɨntɨlʼ tıšap ɨnnä iːqɨlpɔːtet.
|
|
|
|
Ütqɨnɨ konnä toqalʼ čʼüntɔːtɨt.
|
|
|
|
Ponä tantɨlä nık kətɨŋɨt.
|
|
|
|
Konnä tantɨlä amɨrŋɨlɨt, qɔːtɨnıːsʼa müttɨlɨmɨt tentɨlä poːqɨ ütqɨnɨ konnä.
|
|
|
|
Aj qaj meːqolamnɨlɨt?
|
|
|
|
Konnä tantɨlä amɨrŋɨlɨt.
|
|
|
|
A nıŋ ɛːsä märqɨ timnʼatɨ.
|
|
|
|
Konnä tantɨlä amɨrlɨmɨt.
|
|
|
|
Konna jep tattɔːtet.
|
|
|
|
Ɨntɨlʼ tıšamtɨt karrät antoːqɨntɨt pillä qəːčʼalnɔːtɨt.
|
|
|
|
Mɔːttɨ na jep šeːrtɔːtɨt.
|
|
|
|
Mərqɨ laŋalʼ qumɨlʼ mɔːter Palnan optı ukkɨr qəntɨ na omnɨntɔːtet.
|
|
|
|
Takɨlʼ ɔːtälʼ nʼoːtɨlʼ timnʼantɨsä aj ukkɨr qəntɨ na omnɨntɔːtɨt.
|
|
|
|
Nɔːkɨr timnʼaset muntɨk ukkɨr qönte omtelɔːtɨt.
|
|
|
|
Nɨːn nık kətɨsɔːtɨt: Paŋɨmɨt qaj əmɨltɨmnɨmɨt.
|
|
|
|
Paŋɨlɨt ɛːŋa?
|
|
|
|
Paŋɨsä šınet miŋɨlɨt.
|
|
|
|
Amɨrqo solap meːqɨllɨmɨt.
|
|
|
|
Paŋɨmtɨt muntɨk miŋɔːtɨt laŋalʼ qumɨlʼ nɔːkɨr timnʼasɨt.
|
|
|
|
A Palnalʼ nɔːkɨr timnʼasɨt okoːt jap əːtɨrkɨsɔːtɨt.
|
|
|
|
Märqɨ timnʼatɨ kutar paŋɨsä qättɨntɨtɨ.
|
|
|
|
Təpɨt aj nılʼčʼɨk qättɨntɔːtɨt.
|
|
|
|
Märqɨ ira ukkur čʼontoːqɨt nanɨ matta, sajesa ijap mɨrɔːtɨt.
|
|
|
|
Paŋɨsä nɨː jep qättɔːtɨt laŋalʼ qumɨlʼ nɔːr timnʼästɨp.
|
|
|
|
Taŋɨlʼ ɔːtälʼ nʼoːtɨlʼ timnʼämtɨ čʼap qättɨtɨ.
|
|
|
|
Ola šünʼčʼipɨlʼ təttɨp qättɨtɨ.
|
|
|
|
Palnat timnʼätɨ taŋɨlʼ ɔːtalʼ nʼoːtɨlʼ tɨmnʼätɨ aj nɨːnɨ pakta.
|
|
|
|
Nʼoːla qəntɨtɨ, täːqamtɨ orqɨllä nʼoːtɨŋɨt.
|
|
|
|
Toːnna šitɨ tɨmnʼäsɨqä mɔːtqɨt qalɔːtɨt.
|
|
|
|
Qaj qənnɨtɨ, qaj qattɨjɔːtɨt.
|
|
|
|
Nʼoːla qəntɨtɨtɨ.
|
|
|
|
Nʼennät mitallä čʼap počʼɔːlnɨtɨ.
|
|
|
|
Lʼakčʼitɨ pačʼalnɨt.
|
|
|
|
Qamtä alʼčʼa laŋalʼ qup.
|
|
|
|
Šittäl čʼap pačʼalnɨt täːqat kət čʼoːmɨt orqɨlnɨt.
|
|
|
|
Topɨtɨ toːq säppɛːmpa.
|
|
|
|
Palna toːnna timnʼäqɨmta qätpatɨ.
|
|
|
|
Timnʼäntɨ mättɨt šüː nʼennɨ paktɨ.
|
|
|
|
Qoŋɨtɨ mompa orqɨlʼpetɨ.
|
|
|
|
Mat tülɨlak.
|
|
|
|
Na küšilʼ laka aj qaj meːtɨtɨ.
|
|
|
|
Mat tamɛntak.
|
|
|
|
Nɨːnɨ nɔːkɨr tɨmnʼästɨp muntɨk qəttɛːjɔːtɨt.
|
|
|
|
Okkɨr taːt tättɨt čʼontoːqɨt nanɨ ilɨmpɔːtɨt, nʼi qajit sümɨ čʼäːŋka.
|
|
|
|
Qənŋɔːtɨt laŋalʼ qumɨlʼ.
|
|
|
|
Imaqotalʼ nılʼčʼik tɛnɨrna.
|
|
|
|
Ijaiːmɨ qəssɔːtɨt meːltɨt qoja mɔːtɨŋnɔːtɨt.
|
|
|
|
Meːlle mɨta šölʼqup ijamtɨ namɨt mɔːntɨ somak kətɨmpatɨ.
|
|
|
|
Mat kʼe ijamɨ kəːtɨptäkek.
|
|
|
|
Nümanɨ ukɨp aj musɨltɨkap.
|
|
|
|
Šölʼqumɨlʼ ima meːlle qəː ɛːŋa mannoːnɨ.
|