|
|
SUF |
Elaqumbagaq warkəqumbagaq kupeze (kupezij) ara pajasɨk.
|
|
|
|
Tabɨštjanan ekomba okɨr neːdi.
|
|
|
|
Kušak tabla elɨmbadət.
|
|
|
|
Okkɨr paːr kupezij ara pajasɨk kɨgelɨmbagɨq qwangu koːst.
|
|
|
|
Neːndne tʼiːʒešpageq.
|
|
|
|
“Tan mol padrugalamd kwärɨlʼe šaːqku.
|
|
|
|
I artʼeːlak wes suːrumd awralǯelʼe maːdalamd qätɨqlʼe.”
|
|
|
|
I tabɨštjaq taqtaːlčʼagɨq.
|
|
|
|
Nedi tabɨštjap prawadʼiŋgnɨt.
|
|
|
|
Tʼeːld üːdemlʼe qwatta.
|
|
|
|
Tap qwanna ubirajčʼigu.
|
|
|
|
Ubirajčʼelʼe maːlčʼa qwanna padrugalandne qwärat šaːqku.
|
|
|
|
Padrugalat töːwageq tʼup porčʼadet, omdadät uːdʼigu.
|
|
|
|
Kot swarmenǯa, okkɨr nedɨt södɨra, okɨr nalguka (nadäka) kwajatkuǯa.
|
|
|
|
Kušak amnɨmbadet, uːdʼembadet, okɨr padruganan ködet aːldʼa popolǯ.
|
|
|
|
Maːdət koʒaj nadäka tüːwa popolǯ ködəp tʼatčʼiku.
|
|
|
|
Serʼankap porčʼet i qolʼdet natʼagat aːmda razbojnik.
|
|
|
|
Tab kotʼiwatpa, šargwatpa.
|
|
|
|
Razbojnik muːnunse aːgalʼdʼit, što äk parkuk.
|
|
|
|
Nadäka kunalǯa.
|
|
|
|
Köːdəmd iːwat i čʼaːnǯa popolɣɨndo.
|
|
|
|
Padrugalat soːgɨndʼagɨq: “Qajko šarkwannand?”
|
|
|
|
A tap äʒalgumba: “Tawa tʼiːgolǯak.
|
|
|
|
Mat larɨmbak tawalatko, natko šargwannak.”
|
|
|
|
Padrugalad qaimnaj aza tanɨwagɨq.
|
|
|
|
Tap qaimnaj aza tabɨštjagne qaimnaj aza kadɨkut.
|
|
|
|
Aza kund amdedʼimbadet.
|
|
|
|
Tab i äːʒalgumba padrugalandne: “Dawaj aurlaut i qondešpəlaut.”
|
|
|
|
Padrugalat aza kägɨmbageq qondəgu.
|
|
|
|
A tap äʒalgumba: “Mat artä wašsak.
|
|
|
|
Awem mašep šedes (šedeš šep) pʼaldɨku taqtalǯešpɨgu.”
|
|
|
|
No padrugalat äːʒalgumbagəq: “Qondešpɨlaut.”
|
|
|
|
Tap qwanna au pilʼekant, qoptəp čʼaːkot i naštjap üːdət načʼidelʼe qondəku.
|
|
|
|
A onǯ stol ubirajšpɨndɨt.
|
|
|
|
Stolɨm ubiraimnat i sɨgana palatʼit paːront.
|
|
|
|
A natʼagɨt wsʼakɨj porgokala, šaːčʼila.
|
|
|
|
I tap natʼidelʼi atedʼa.
|
|
|
|
Tümdə qaptɨmbat.
|
|
|
|
Kušaŋ eppɨs, ündɨdʼet razbojnik čʼanǯešpa popolɣondä.
|
|
|
|
Serʼanka porčʼit i kwajawa maːdɨl čʼaːnǯ, wes mannɨmbat.
|
|
|
|
Qwann au plʼekant i čʼeːnčʼa: “Wrodʼi nagurtɨt äːzadɨt, a qajkota šedeg ejagɨq.”
|
|
|
|
I naštjat paːront pannɨt qubi qut otɨp (odop).
|
|
|
|
I naštjaq qondannaɣɨq sewak (krʼepkak).
|
|
|
|
I onǯ razbojnik qwannešpa poːn.
|
|
|
|
Poːn čʼaːnǯa i šundjarna.
|
|
|
|
A nalgupka tabɨn mogout saːpɨlʼdʼa (čʼarenǯʼa) poːn.
|
|
|
|
Čʼaːra, maːdalap wes qättanet i šeːrna maːt.
|
|
|
|
Qwanna au plʼekant i qolʼdʼet pokonʼen od panpi šed nalgukan piːrent.
|
|
|
|
Ta na otap to iːɣat poːn čʼačʼlʼe kladowkan pannɨt.
|
|
|
|
I ünditʼet maːt paːrop razbojnila qaːglʼešpadɨt.
|
|
|
|
Tab iːot azɨnt sablʼap i sɨgənna maːt paːront.
|
|
|
|
I omda qaj mestaɣɨt qaːglʼešpadät.
|
|
|
|
Okɨr lʼewɨp kɨradet.
|
|
|
|
I okɨr razbojnik olomt tiː sagennɨt.
|
|
|
|
Nʼadäka olomt tä patʼannat sablʼaze.
|
|
|
|
Olot aːldʼza nadäkanä maːd paːront, a kabi mangolǯigat püngenʼa elle.
|
|
|
|
No natʼagɨt šumičʼeladɨt, tɨndešpadət.
|
|
|
|
“Tan qai št meʒalǯa elle?”
|
|
|
|
Šedemǯelʼemɨ üːdəšpändadɨt.
|
|
|
|
Na odomd üːdət.
|
|
|
|
Nadeka naːt muːnom patʼännɨt, na munom iːwat i tamdɨnnät pomagant i pannɨt karmanqɨnt.
|
|
|
|
Na šargwanna.
|
|
|
|
Äːʒalguk: “Tɨnd kutta aːmda sablʼaze.”
|
|
|
|
I wes kunaːdet.
|
|
|
|
Nadeka aːmdedʼa, aːmdedʼa.
|
|
|
|
Qajna az ünda.
|
|
|
|
Qwanglɨmbadɨt wes.
|
|
|
|
Tap elle tüa, šeːrna maːt.
|
|
|
|
Padrugastjaq qälʼdimbageq i tabnä äːʒalgwagɨq: “Taja qajgɨn äzand?”
|
|
|
|
A nalguka äːʒalguk: “Mat ödəšeːlak.
|
|
|
|
Čʼanǯak töːlǯiku qwazəp i qogu tʼetʼalɨpsap.
|
|
|
|
Awem čʼočʼimbat argot.
|
|
|
|
A serʼankap porčʼiku larämbak.
|
|
|
|
Natʼagɨt menan šaːtčʼ edenda.
|
|
|
|
Tüze qwajagu ne nadə.”
|
|
|
|
Nop kwata tʼeːlʼešplʼe šogorp tʼadendɨt.
|
|
|
|
Padrugaštjaq waʒagɨq i maːt taqtalǯelʼe kwatalǯak.
|
|
|
|
Mat koʒaj nalguka aza üːdikut.
|
|
|
|
“Tiː ku čʼagɨtčʼimbalʼi.
|
|
|
|
Awɨrlaut.
|
|
|
|
Nop malʼenkak tʼeːlɨŋla.
|
|
|
|
Patom kwalɨzlʼi”.
|
|
|
|
Padrugaštjaq qalagɨq awɨrgu.
|
|
|
|
Paka awrešpɨšadɨt, nop rangak tʼeːlɨŋna.
|
|
|
|
Qula ponät qwajalʼe qwatadät.
|
|
|
|
Nadäkaštjaq kwannagəq maːtkɨndi.
|
|
|
|
A tap qwanna surulamd awralǯiku.
|
|
|
|
Tʼeːlɨmt tʼeladɨšpat.
|
|
|
|
Üːdennɨt (äz) awɨndə mɨgi töːwagɨq.
|
|
|
|
A tap qaimna ass kadekut az awegant.
|
|
|
|
Äzɨmt aumt awralǯit.
|
|
|
|
Äzɨt nändne tʼara: “Wot, – massa, – nega mi qwajazaj i kowaj teka šenixap.
|
|
|
|
Wstrečʼu qogadɨt nilʼdi sewa kündeladät qoj ʒanihala.
|
|
|
|
Tau tʼeːk töːnǯadat swatajčʼuku.”
|
|
|
|
A nalgupka äːʒalgumba: “Moʒet qajlʼemɨj razbojnilane megu kɨgalʼe šip.”
|
|
|
|
Äzɨt tʼarɨmba: “Ta qaj ne, qajko mija tašt menǯaj razbojnilane.
|
|
|
|
Nilʼdʼi qoj səwa quːla.
|
|
|
|
Tabän watt warg wattoɣondo kwästi odont čʼaːǯa.”
|
|
|
|
Nalguka šedemǯelʼi qarimɨgɨt waʒa, awɨrna.
|
|
|
|
Az awegɨnt qaimna aza kadäkot, taqtalǯa i üːba.
|
|
|
|
Awot kolʼdʼembat i tʼarɨn nägant: “Taja kuː üːbešpant?”
|
|
|
|
“A mat köškenǯak, šenixala manǯekugu.”
|
|
|
|
No i qwanna.
|
|
|
|
Čʼaːǯimba, čʼaːǯimba, i medɨmba.
|
|
|
|
Okɨr warg mat aːmnɨnd.
|
|
|
|
Tab šeːrba.
|
|
|
|
A nɨnd eladɨt razbojnila.
|
|
|
|
Okɨr nadeka pʼelgalɨk eja.
|
|
|
|
Ubirajčʼa.
|
|
|
|
Krugom kwajalʼe na nadäkanä tʼarɨmba: “Ta qajko tiː töːmant?
|
|
|
|
Tɨnt elɨndatät razbojnila, tašt kwačʼadɨt.”
|
|
|
|
Nadeka tʼurelɨmba.
|
|
|
|
“Kujem mašep otʼiglʼent.”
|
|
|
|
Maːdɨt koʒaj nadeːka tabnä tʼarɨmba: “Wot tʼeːk töːnǯadät.”
|
|
|
|
Aːnät topqät atamanɨt qopt čʼočʼint.
|
|
|
|
Nadekap natʼedelʼe sagennat qoptɨn ɨlont i tʼidešpa: “Eppɨk kunak.”
|
|
|
|
Ündidʼagaq, razbojnila čʼaːǯadɨt.
|
|
|
|
Töːgɨladət, maːt šeːrnadät, awɨrgu omǯeladät.
|
|
|
|
Wes piramdɨt šärgɨlbad.
|
|
|
|
Awrešpadät, tɨndešpadɨt, aːlumbadät.
|
|
|
|
Tadɨmbadat okɨr nadäka.
|
|
|
|
Na nadäkanan lʼakäd eppɨnda.
|
|
|
|
Lʼakämd to iːmbadät munogɨndo, a tabɨp qwannɨmbadet i qättɨmbadɨt pogrʼem.
|
|
|
|
Na nadʼekan lʼakop kälʼlʼe qwattadət.
|
|
|
|
Kudɨn ɨlont püngelʼǯenǯa lʼak, nat niwesta ennɨnǯ.
|
|
|
|
Käːmbadɨt, käːmbadɨt.
|
|
|
|
Illa püngelʼba atamanɨt qoptɨn ɨlont.
|
|
|
|
A natʼagɨn eppa nadäka.
|
|
|
|
Kuʒan lʼaq püngenʼa qoptɨn ɨːlont, nadäka kočʼewanna.
|
|
|
|
Tarba: “Tijap mašep konǯadat.”
|
|
|
|
No madat koʒaj nalguka tʼarɨmba: “Püngelʼipa natʼedelʼi, eppla qaːro čʼaːn.
|
|
|
|
Tʼjap šeːrgɨlbaštɨt, a tʼjawdʼeːl iːnǯal.”
|
|
|
|
No nala soglasilʼisʼ i qondɨku kučʼannadɨt.
|
|
|
|
Kotʼ čʼwäčʼep kojalǯembadät, nʼuːnʼembadät, šeːrgɨlbad i krʼepkak qondanadət.
|
|
|
|
A tablanan nɨlǯimba karaul.
|
|
|
|
Nadeka čʼaːnǯa qopton ɨːlogondo.
|
|
|
|
Šeːrnɨt atamanɨt toupop, öːget öːgenandɨt i čʼanǯešpa poːn.
|
|
|
|
A natʼaɣɨt soːqalʼešpadɨt: “Kot čʼanǯešpɨnda poːnä?”
|
|
|
|
A tap tʼarɨmba: “Ataman čʼanǯešpɨnda.”
|
|
|
|
I tabɨm üːdadɨt.
|
|
|
|
Šidemǯelʼi maːdagɨt naj nikša čʼaːnǯa.
|
|
|
|
Argolak kwanna, tulpomt i ögomt to čʼaǯelgɨnɨt i kuranna kušak qwäid eppa.
|
|
|
|
Kurpa, kurpa, a nala örčʼadat.
|
|
|
|
Massadät: “Ataman ponä čʼaːnǯa i kuda öra.”
|
|
|
|
Šeːrnadɨt maːt.
|
|
|
|
Ataman maːtqɨn qonda.
|
|
|
|
Šedešpadät wes nalap.
|
|
|
|
“Ataman maːtqɨn eja.
|
|
|
|
A kutta menan eːppa.”
|
|
|
|
Razbojnila wes taqtalǯembadät, kanalamdät iːmbadät i nʼolʼe kwannembadät nalgukap.
|
|
|
|
Nalguka önšelʼdʼet što tabɨm nʼoːdešpadɨt.
|
|
|
|
Kuralba wattɨn argot pot puǯont.
|
|
|
|
Tulʼmolap taqqɨlbat, lagak panbat wes i natʼet patpa.
|
|
|
|
Nala (razbojnila) töːgɨladɨt.
|
|
|
|
Kanala medɨtʼadɨt na lomɨnt (lagakɨnt), dawaj katolʼešpɨgu i mudɨgu.
|
|
|
|
A tabɨlap šeːrgɨlbat qwädämbadät kanalagɨndät.
|
|
|
|
“Qai nɨnd qomandalɨt.
|
|
|
|
Qaj nɨka patčʼa lagan ɨlont.”
|
|
|
|
Kwesse kanalamdät qwärɨmbadet i čʼenčʼadät: “Nawerno minan natʼaɣɨt qalɨmpaː.
|
|
|
|
Kwallaut kwesse.”
|
|
|
|
I wes übumbadet kwesse.
|
|
|
|
Nalguka natʼagɨndo čʼannɨmba i aj kuralba.
|
|
|
|
Aj kurpa, kurpa, medɨrnɨt qajda aragap.
|
|
|
|
Araga čʼaːǯimba kwačʼond šed kündəsä, taːdɨrɨmbat nʼuǯip.
|
|
|
|
A nalguka önditʼet, razbojnila aj nʼoːdešpadet.
|
|
|
|
Nalguka tʼura, aragan čʼeːnčʼa: “Tat mašep ötiglʼent qaɣlɨn ɨːlont (nʼuːǯɨn ɨlon), ato mašep medrešpadət razbojnila, kwatčʼadə šep.”
|
|
|
|
I kadelbat aragane qajɣɨt tablat maːt amda.
|
|
|
|
Araga nʼuʒimt wes tä kölbat i natidʼelʼe (drownin ɨlond) nadäkap panbat.
|
|
|
|
Paːrount nʼuǯip mʼaktɨmbat.
|
|
|
|
I medɨrɨmbat razbojnila i aragan soːgɨnembadet: “Tan aralǯika aza qonǯirsal kudəmnej?
|
|
|
|
Moʒet kudəjašt tašt medɨrkust?”
|
|
|
|
Araga čʼarɨmba: “Kodɨmnäj aza qonǯersap.
|
|
|
|
Kudɨmnaj aza medɨrɨksaː ʒep.”
|
|
|
|
Kanala tɨtadet perwaj qaɣlond, katolʼešpadɨt, muːdatet.
|
|
|
|
Araga razbojnilan tʼarɨmba: “Kɨba mala, to iːllɨt kanamdɨt.
|
|
|
|
Mannan aza kočʼka watʼokam.
|
|
|
|
Tabɨla mannan üːgolǯenǯadat.”
|
|
|
|
Razbojnila kanamdɨt qwäradɨt argot i kwesse paːranadet.
|
|
|
|
Araga kündelamd kaniŋnɨt (na wes max) qoptɨk.
|
|
|
|
Kwačʼoɣɨt tʼuːla porɨmbadet.
|
|
|
|
Araga medɨdʼa aːmdegot maːdande i katalʼešplʼe kwatät maːdap.
|
|
|
|
Parkwa: “Tʼeːɣlak nöšpɨlɨt maːdap.”
|
|
|
|
Aːmdekok nʼoj pöumt qogu tʼiʼtʼalbat.
|
|
|
|
Araga wse katälʼišpat, parkwa: “Tʼeːlak, tʼeːlak nöšpɨlɨt maːdap.”
|
|
|
|
Aːmdəgok sapɨlʼdʼa nöut warotamt.
|
|
|
|
Araga prʼamo kündilamd agradand tölǯešpat.
|
|
|
|
Aːmdɨgok kwädämba: “Ku kündilamd tölǯešpal agradand?”
|
|
|
|
Araga qwädɨmba aːmdegon “Kunalǯimblʼend, tʼeːk qaɣlɨp to qäːlʼišplʼe.”
|
|
|
|
Aːmdəgok qaɣlɨtp to qʼäːlʼlʼe kwattat.
|
|
|
|
Natʼaɣɨndo čʼaːnǯa neːt.
|
|
|
|
Aːmdəgoq kocʼewanna.
|
|
|
|
“Taštɨ qajko qaɣlɨn ɨːlont sagelblʼe taːdadɨšt?”
|
|
|
|
Maːtt šeːrnadɨt.
|
|
|
|
Neːt kadlʼe qwattet azegant.
|
|
|
|
“Nu azawem sɨwa qulan membališep.
|
|
|
|
Na razbojnila.”
|
|
|
|
No azät aza werumba.
|
|
|
|
Neːt äːǯalqumba äzägant: “Na razbojnila manan äːzadɨt kuʒat ti kwajazalʼi kost.
|
|
|
|
Tabla manan maːdə paːront qaglʼešpɨzadät.
|
|
|
|
Mat okɨrnan olomt tä patʼasap.
|
|
|
|
A okɨrnan munɨmt patʼasak.
|
|
|
|
Aza weromant, sɨːgolaj maːt paːront.
|
|
|
|
Mat teka aːdelǯiklʼeps.”
|
|
|
|
Äzɨt nentse sɨːɣänagɨk maːdə paːront.
|
|
|
|
Net pudʼalǯikut qun olagant.
|
|
|
|
Äzɨt kocʼiwanna i äːʒalguk nägant: “Ta qaj na meːmɨndal?”
|
|
|
|
Tap äːʒalkuk äzägant: “Ot taw razbojnila ejadət.
|
|
|
|
Ku tan mašep kumnä mešpant.”
|
|
|
|
Tüːwageq elle, šeːrnaɣɨq maːt.
|
|
|
|
Äzägɨnt ne weritsʼa što na razbojnila.
|
|
|
|
Kušaŋ elɨmpadɨt.
|
|
|
|
I ot čʼaːǯendə poest.
|
|
|
|
Kündela wes nʼarʼedʼiŋbadet, kündela səwa.
|
|
|
|
Medadɨt aːmdɨgone.
|
|
|
|
Aːmdɨgok pon čʼaːnǯa kweːtku (kwedɨgu).
|
|
|
|
Maːt šeːrnadät druškala, swaxala, šenixala.
|
|
|
|
No i aːmdegoq taqqännɨt wes kostilap.
|
|
|
|
Čʼočʼelʼbadɨt stolbap.
|
|
|
|
Omdelǯešpat wes koːstlap.
|
|
|
|
A newesta aza omnenǯa.
|
|
|
|
Wes čʼeːnčʼaːt: “Qajko aza omnenanǯ šenihant köːnt?”
|
|
|
|
Tap rokalǯimba šogornan, koperškaŋ eja.
|
|
|
|
Tabɨp äzawɨt kwäragɨq: “Taja omdlʼend nä šenihanse kötčʼel.”
|
|
|
|
Tab aza kka.
|
|
|
|
Patom wseʒe omda.
|
|
|
|
A šenihanan okɨr odoqɨnt nop (perčʼatka) nopanomɨndät.
|
|
|
|
Tap newesta tjap äːǯalguk šenihagent: Qajko okɨr odogent nobannɨmpal nobɨp.
|
|
|
|
A šeniha tʼarɨmba: “Mat nilʼdʼik tʼeːlɨmbak.”
|
|
|
|
I wes razbojnila nilʼdʼik čʼeːnčʼadɨt.
|
|
|
|
Newesta amdɨs, amdɨs, da kaŋna meʒalǯenänǯät odogɨndo nobɨp (perčʼatkap).
|
|
|
|
A tabnan okɨr munot tʼaŋgwa.
|
|
|
|
A newesta soːqalbat: “Qajko tanan munol tʼäŋgwa?”
|
|
|
|
A tap tʼarɨmba: “Pop kaːpalʼešpɨsap i munom patʼalbam.”
|
|
|
|
I wes razbojnila nilʼdʼzʼik tʼaradet.
|
|
|
|
A niwesta karmatkɨndo čʼačʼet pomagagɨt tamdälba muːn.
|
|
|
|
Šedo mešannat pumagap i rokalǯet munop tabɨt odont.
|
|
|
|
I naː muːn tabɨn eppa.
|
|
|
|
Tab äːǯalguk: “Kuʒan meːka nasaːlɨt, okɨrnan olop patʼasak.
|
|
|
|
Maːt paːroɣot eppa.
|
|
|
|
Äzäm qonǯersät.
|
|
|
|
A tanan munomt patʼäsak”.
|
|
|
|
Razbojnila wes tʼaradet: “Mi tanan tʼaŋsaut.
|
|
|
|
Qajko tabɨn muːn tanan enǯa?”
|
|
|
|
Newesta patom wes kadlʼe qwatöt.
|
|
|
|
Qanduk tab kwajamba tablan natʼet i qanduk kwesse kunešpumba, kanduk tabɨp tadɨnbat araga.
|
|
|
|
A araga nɨndə eːppa.
|
|
|
|
Wes qadennɨt (näj) kanduk razbojnila tabäp tiːbalbadät nalgukap peːlʼe.
|
|
|
|
Tjap newesta tʼarɨmba: “Tablanan šed nalguka wes tanuwageq.”
|
|
|
|
Na šed nalgukap soːɣɨlʼlʼe qwatɨmbadät.
|
|
|
|
Maːt koʒaj nalguka wes kadennɨt, kanduk tap eppa tablanan, kanduk tap odimbat tabäp koptän ɨːlont.
|
|
|
|
Kuʒan nalguka wes kadennɨt, tagda tabla wes qoštadät što na razbojnila eːppadät.
|
|
|
|
Aːmdəgoq kuralǯimbat onǯ qulamt (saldatlamt) wes razbojnilap taqqɨlgu i kwandlʼeblʼe kazningu (olamdet padʼalgu).
|
|
|
|
A na šed nalgukap kwädʼimbadät.
|
|
|
|
Kuʒan razbojnilap qwatpadet (kaznimbadet) wes patom kündelap sarennadɨt i qwannadɨt wes natʼedeːlʼe qajgɨn razbojnilan maːt aːmda.
|
|
|
|
Na nalgukanan wes klʼüčʼlap eppa.
|
|
|
|
Wes maːdalap nʼoːgogonnɨt.
|
|
|
|
Perwɨj maːdan šeːrbadät, natʼaɣɨt pomagaj komdäze tʼiːrɨmba.
|
|
|
|
Šedɨmǯelʼi maːdant šeːrnadet, a natʼaɣɨt serebroze tʼiːrɨmba.
|
|
|
|
Nagurumǯelʼi maːdont šeːrnadet, natʼaɣɨt solosse tʼiːrɨmba.
|
|
|
|
Tätɨmǯelʼe maːdont šeːrnadet natʼaɣɨt wsʼaqij šolklaze səwa tätomälaze tʼiːrɨmba.
|
|
|
|
Somblamǯelʼi maːdant šeːrnadet, natʼaɣɨt salǯepo tʼaːŋgwa, qor qäl, natʼaɣɨt tiːrɨmba qwatpi qulaze i qapse.
|
|
|
|
Tabla wes solodlap, sereprop tädomop taqqəlbadet, madəp tʼunt tʼadɨmbadet.
|
|
|
|
Šiːw qatolʼešpadət, mergɨse uːdešpadet.
|
|
|
|
Mʼarɨg šiop tilǯešpat i mat tʼaptäm naj wes tɨlǯlʼe qwandät.
|