|
|
SVG |
Itʼe imnʼäsäɣi ilakustɨ äkkus pänǯaj qataj sakujaj känaŋdi.
|
|
|
|
Iːtʼe suːrujgus suːrulʼe paldʼükus.
|
|
|
|
okkɨrɨŋ suːrulʼewlʼe qottä čačandə üŋalǯimbində qaita sombarne.
|
|
|
|
aːtäj qaj tiːllej (tüːlʼlʼeː) tiːllej (tüːlleː).
|
|
|
|
täpə nɨŋa tüːɣan, manǯambində: Pinäwelʼdʼü irra sombarnä.
|
|
|
|
qwassat üːwru parowɨn qonǯulʼdimba.
|
|
|
|
tä sain pɨjaj aːtaj qorrə tɨːle qwässand ollond swäŋgɨrɨlʼdäŋ.
|
|
|
|
täpɨ tualleɣɨt.
|
|
|
|
Pinäweldʼü qwasamdə ille iːɣat püːɣalǯumbat qainaq tʼäŋuŋ.
|
|
|
|
qwasamdə ille pännat.
|
|
|
|
Iːtʼe maːtqandə qwannə šɨtamdälǯü.
|
|
|
|
akolagə suːrulle qwannɨ.
|
|
|
|
qottä üːtajmɨn čačandə.
|
|
|
|
aqoläɣə Pinäweldʼü irra sombarnə.
|
|
|
|
peŋgaj qaj tillɨj.
|
|
|
|
Iːtʼtʼe manǯambindɨ: peŋgaj qonǯi innäwɨn timbile, tɨlle Pinäwäldʼüŋ qwassan ollond späŋgɨrildʼäŋ.
|
|
|
|
Iːtʼtʼe tualleɣɨt.
|
|
|
|
Pinäwäldʼü qwäsand owam püɣalǯumbat.
|
|
|
|
qajna täŋu.
|
|
|
|
Iːtʼtʼe tan masim tualirsinatandə.
|
|
|
|
äː äː ilʼdʼä man.
|
|
|
|
Pinäwäldʼü qwasamdɨ ilʼlʼe pännat.
|
|
|
|
Iːtʼtʼe qwannɨ.
|
|
|
|
maːtqandə tüːɣan.
|
|
|
|
säŋgam.
|
|
|
|
qarajmɨn imnʼämdə atən mokrə üːnan quːrrɨt sarku salǯondə.
|
|
|
|
pänǯaj qataj saküjaj känaŋdɨ päanɨn (pɨanɨn) saːramba.
|
|
|
|
okkɨrɨŋ pänǯaj qataj soːküjaj känaŋdɨ kɨkkele oldiŋ.
|
|
|
|
ox, imnʼä, Pinäwelʼdʼü mesinat qwasan ollondə nawerna qwara.
|
|
|
|
ondə sijamdə qambul päandɨ ɨːnan qurrɨt.
|
|
|
|
pänǯa qaːtaj saːkujaj känakät čokkaldʼiŋ.
|
|
|
|
iːlildiŋ, ass kundäɣan imnʼät kɨkkule oːlʼdɨŋ.
|
|
|
|
okkɨrɨŋ ɨːnat laqčildiŋ imnʼät ɨnnä iːlildiŋ qwännɨ.
|
|
|
|
Iːtʼtʼe qaːliŋ ondə.
|
|
|
|
okkɨrɨŋ ass kundə esuldʼi Iːtʼtʼe kɨkkɨlʼe na oldində.
|
|
|
|
üːnat laqčildiŋ.
|
|
|
|
iːwru parowɨn ɨnnä ilildʼiŋ.
|
|
|
|
wässambilʼe miːtandə Pinäwäldʼüŋ qwassan ollondɨ nʼäkqaltatɨ.
|
|
|
|
täpə teaj paŋalǯukuŋ toj paŋgaǯukuŋ.
|
|
|
|
qwassan ollondə assə täptɨŋ.
|
|
|
|
iwru parowɨn ille tüːsiwendɨ pɨŋgelɨŋ.
|
|
|
|
Pinäweldʼü siwaj kotan čoppɨlʼe, pɨalleɣɨt i mačkambə qallo.
|
|
|
|
tɨta man qwasson ollom assə tualirštendandɨ, šɨndə amnaŋ.
|
|
|
|
Iːtʼtʼe Pinäwäldʼüŋ pergen mačkaːmba tarba: ax tɨ, Pinäweldʼü.
|
|
|
|
masiŋ pɨalleɣan uʒo.
|
|
|
|
əčačipsa paːqam tawan ukon sesolukonneŋ pänaldʼekusam.
|
|
|
|
a tita uʒo pütalelle püːtaleːndat säpqandeŋ.
|
|
|
|
ildet i salgitäköt silambille pakamdə oldit.
|
|
|
|
nʼünʼü paj šaɣədɨ paɣədɨ qɨːl qɨːl.
|
|
|
|
Pinäweldʼü üŋalǯumbat: aː!
|
|
|
|
tar illandə.
|
|
|
|
täpə okkə pillej poːkundə pan putän počolǯejgat.
|
|
|
|
Pinäwäldʼu kajučuŋ Iːtʼtʼen.
|
|
|
|
qwasparga ugə potčeltʼeːndə.
|
|
|
|
Iːtʼtʼe perkamdə pätčeɣəllit päːnə pɨŋgelɨŋ.
|
|
|
|
Pinäweldʼüŋ pergeɣɨnna manǯambində imnʼät i pänǯaj qataj sakujaj känakat.
|
|
|
|
nakənändɨŋ.
|
|
|
|
täpə siːtərɨt imnʼämdə.
|
|
|
|
pänǯaj qataj sakejaj qänaqamdə siːtərɨt i imnʼämdə siːtərɨt.
|
|
|
|
narannä taj säŋganä taj päj qaram ondɨni nʼäqqanɨt.
|
|
|
|
Pinäwäldʼüm tüːndə parǯot qwanimdə mergendə üːttɨt.
|