|
|
TVP |
Laptɨlʼ nɔːkur timnʼäsɨtɨ.
|
|
|
|
Šite ämäsäqä ilɨmmɨntɔː.
|
|
|
|
Ijatɨ nɔːtɨ qumtɨšak orɨmpa.
|
|
|
|
Iːjatɨ namɨm aša tɛnɨmɨmpat äsɨtɨ kušat qumpa.
|
|
|
|
Ukkur tapčʼeːlʼi iːja əmɨntɨnɨk nalʼat ɛsa.
|
|
|
|
Ama man äsanɨ kurampɨlʼ ɔːtatɨ kuni mäkkä atɨltätɨ.
|
|
|
|
A ɔːtatɨj əmäsɨqa nɔːnɨ (nanɨrɨk) ɛppa – tətɨntɨsa ampatɨ, a ɔːtantij nılʼčʼilʼ tɔːqaštij ɛppɨntɨ.
|
|
|
|
Nʼuːqotɨ qəːlɨt qopɨtɨ kuraktɨ ɛppa.
|
|
|
|
Namɨmtɨ karnʼaltila ɔːtamtip nılʼčʼik moqona tɔːqqɨqolʼimɨmpatij.
|
|
|
|
Əmɨtɨ naːlʼät ɛsa.
|
|
|
|
Tan ɔːtasa kučʼa qənnantɨ?
|
|
|
|
Ija naːlʼat ɛsa.
|
|
|
|
Man nʼi kučʼatij äša qəntak.
|
|
|
|
Mat tap puršɨmɔːtänoːqa.
|
|
|
|
Karrät nʼärot qoltɛntak.
|
|
|
|
Əmɨtɨ aša qatɨ.
|
|
|
|
Qaːlʼimɨt puːtot taršältɨlä nʼamtɨ čʼarɨlʼ ɔːtalʼ orasilʼ tɛːmtɨ ılla iːntɨtɨ, montɨ mɨta poːlʼ kalat paqqət čʼarɨm eŋa.
|
|
|
|
Iːjanɨk nılʼčʼɨŋä pɨŋtalʼtɨmmɨntɨ.
|
|
|
|
Karrä tap ɔːtäntɨ puːtoːqɨt nɔːkɨr pekɨralʼ qoptɨ na ɛːntɨ.
|
|
|
|
Ukkur pekɨralʼ qoptɨ na ɛːntɨ wärqɨlɔːqɨlʼ nam orqoltɨ.
|
|
|
|
Toːnna mäːqıj ontıːj əːtɨla na tünɨntɔːqıj.
|
|
|
|
Ija tɛːmnɨmtɨ kəš mɨnto na totqɨlpɨntɨtɨ.
|
|
|
|
Nılʼčʼɨk karrä nä qənmmɨntɨ.
|
|
|
|
Ɔːtantɨ puːtot peːkɨlla tına əmɨntɨ tompɨlʼ qoptɨp na orqɨlʼpantɨt.
|
|
|
|
Konna tatɨŋɨtɨ sɔːralqə.
|
|
|
|
Nat kuntə əmɨtɨ munte mɨta qalɨtɨt puːtoːqɨt nılʼčʼi qallɨ ılla iːmmɨntɨtɨ mɨnta mɨta nɔssarɨlʼ košar nɔːmtɨlʼ topɨtä.
|
|
|
|
Ija qaːlɨmtɨ na saralqulammɨntɨ.
|
|
|
|
Munta mɨta tına šittɨ pekaralʼ kɨpalɔːlʼ qoptoːqıt ontıː əːtɨla montɨ mɨta konna na tüːmmɨntɔː.
|
|
|
|
Ija qalɨmtɨ sarala na tuːrtɨmmɨntɨt.
|
|
|
|
Əmɨtɨ seːlʼčʼi kočʼenɨlʼ košar nɔːmtelʼ naraposa na miːnmɨntɨtɨ.
|
|
|
|
Pekɨralʼ maːtɨrla meːmpɨlʼ soqqɨsa na tokalaltɨmmɨtɨt.
|
|
|
|
Šentɨ maːtɨrla meːmpɨlʼ qälilʼ kulusa na tokalaltɨmmɨntɨt.
|
|
|
|
Nɨːnɨ əmɨtɨ nılʼčʼiŋa soqošpɨntɨtɨ: ɔːtantɨ olɨ ɨkɨ laqɨrätɨ.
|
|
|
|
Ontɨt našte totalʼ tukɛntɔːtɨt ɛj moqanä našti taːtɛntɔːtɨt.
|
|
|
|
Ija ɔːqaltɨ tartaltɨlä ınna omtɨlʼa ɔːtantɨ olɨp nʼena na üːtɨmmɨntɨ.
|
|
|
|
Nɨːnɨ nʼennɨ laqaltiptäːqɨntɨ qaj čʼumpɨk qänɨmpa, qaj qɔːmɨčʼäk.
|
|
|
|
Ukkur nʼarqɨlʼ kotpas pɔːrɨntɨ na omtij ɛːmmɨntɨ.
|
|
|
|
Kotpas pɔːroːqot ɔːmtɨla nılʼčʼik qoŋotɨ montɨ mɨta karrät toːt qanaqqɨt nɔːkɨr mɔːt ɔːmnontɨ.
|
|
|
|
Na mɔːtoqanaqɨt qälʼi ɔːtä kuralɨmmɨntɔːtɨt.
|
|
|
|
Ija aša qata, mɔːtta karala qaltɛlʼčʼe.
|
|
|
|
Čʼontoːqɨntɨ onti mɨta seːpɨlak wärqa mɔːt ɔːmnɨntɨ.
|
|
|
|
Na wärqɨ mɔːtanoːt čʼɔːtɨ ılla uterɛlʼčʼiŋɨtɨ.
|
|
|
|
İlla uterɛːmpɨla qalintɨ šünʼčʼoːqɨt ɔːmttä.
|
|
|
|
Mɔːtqɨnɨ ponä qumɨt nʼeːja tattɨmmɨntɔːtɨt.
|
|
|
|
Ukkur ira montɨ mɨt ijanɨk tüːla naːlʼät ɛsɨmmɨntɨ.
|
|
|
|
Qaːlʼ tɨtɨt qumantɨ ɛsantɨ?
|
|
|
|
Iːja nälʼät ɛsɨmmɨntɨ: Man nʼe qumɨm aša tɛnʼimap, nʼe qaim aša tɛnimap.
|
|
|
|
Pɛlʼikɔːl ilʼiptäːlʼ tätan nɔːnɨ.
|
|
|
|
A tan mɨta qaj iraŋɨnta ɛsantä.
|
|
|
|
Na iːra nılʼčʼik kətiŋɨtɨ.
|
|
|
|
Meː mɨta nɔːkur sartätalʼ tɨmnʼäsɨmɨt, poːsɨ warqɨ sartətta nɨk mat ɛːmmintak.
|
|
|
|
Tına pona tannɨmpɨlʼ qumɨt montɨ mɨta ɔːtalʼ orattɔːtɨt.
|
|
|
|
Na ɔːtatɨt puːtot ukkur ɔːmtɨkɨtɨlʼ qälʼilʼ waqtalʼ čʼaktɨ orantɔːtɨt.
|
|
|
|
Nılʼčʼik ija mannɨmpatɨ orqɨlqa tačʼalpɔːtɨt.
|
|
|
|
Ija qaːlɨntɨ šunʼčʼoːqɨt ɔːmtɨlʼä tɛːmnim tɨnä totqɨlpɨntɨtäːnɨ čʼəktɨp ijat qanaŋmɨt na mintɨralʼ tämmintɔːtɨt.
|
|
|
|
Iːja čʼəktɨp tatɨraltɨlä orqɨlpɨntɨlä tɛːmtɨ čʼam mišalpatɨ čʼəktɨt püqa toːnna seːpemmɨntɨ.
|
|
|
|
Ija tɛːmnimtɨ ınna na totqɨlpɨntɨ.
|
|
|
|
Nalʼät ɛsɨmpa: Tap tɛːmtilʼ tomɨ kämsa qajqə neklɔːltap?
|
|
|
|
Na qumɨt ɔːtam tɨnä kırammintɔːtɨt.
|
|
|
|
Qälilʼ qumɨt poqonnä tuštiqolammɨntɔːtɨt.
|
|
|
|
Ija nälʼät na kuraltimmɨntɔːtɨt tat lʼa meːsʼa tuštäšik.
|
|
|
|
Ija nalʼat na ɛsɨmmɨntɨ: Mat tuštɨqa aša tɛnimak.
|
|
|
|
Tına sər təttalʼ irra nalʼät na ɛsɨmmɨntɨ.
|
|
|
|
Tɛː qajqa ɔːmtoːlet.
|
|
|
|
Wäčʼit mɔːttə tuːltila mušeriŋɨlɨt.
|
|
|
|
Ija mannɨmpatɨ monte mɨtä mɔːtqonä ponä ukkur nätak na tannɨmmɨntɨ.
|
|
|
|
Nätak tantɨlä wäčʼip maːtalä mɔːtto nä tultimmɨntɨ.
|
|
|
|
Aša kuntɨ ɔːmtäla puːla ira ɛj iːja mɔːtta nä šeːrpintɔːqıj.
|
|
|
|
Ija mɔːt šeːrlʼa mɔːtan ɔːktɨ čʼam nɨllɛːjoqolampa.
|
|
|
|
Ira nalʼät na ɛsɨmmɨntɨ: tɛː qaj qumɨp aša qontɔːlɨt.
|
|
|
|
Nʼenna üːtoqɨntɨtqa qajqa mɔːtan ɔːktɨ nɨlʼtimpɔːlɨt.
|
|
|
|
Ijap nʼenna iːrat qönʼte na omtɨltämmɨntɔːtɨt.
|
|
|
|
Wäčʼitsä na tıːtalʼpintɔːtɨt selʼčʼuqɨlʼ apsɨlʼ na tottɨmmɨntɔːtɨt.
|
|
|
|
Šitte qumoːqıj pona tantɨla ütɨp mɔːttɨ nä tültimmontətij.
|
|
|
|
Na ütim peralintɔːtɨt ɛj amɨrqulʼammɨntɔːtɨt.
|
|
|
|
Iːja amɨrä čʼuntoːqɨt nılʼčʼiŋä üntɨšpɨntäna.
|
|
|
|
Montä mɨta Laptelʼ nɔːkur timnʼäsɨt imalʼlʼä täp taːtɨmpɔːtɨt, sərtəttalʼ timnʼäsɨtkinte.
|
|
|
|
Sərtəttalʼ timnʼäsɨt ukkur nʼenʼätɨt ɛːppɨntä.
|
|
|
|
Namɨnɨk imalʼlʼi tümpɔːtɨt.
|
|
|
|
Amɨrlʼä somak tortɨntɔːtɨk nɨːnɨ šitɨ na qənqolammɨntɔːtɨt.
|
|
|
|
Əːtɨt montɨ mɨta nilʼčʼik nʼentɨ nɨː pintɔːtɨt.
|
|
|
|
Täːlʼi nɔːtɨ qumaqumtij nʼentɨ na omtɨltɛntɔːtɨt.
|
|
|
|
Qumɨtɨt qəntaːtqo ija ɛj moqona na qənqolamnɨtɨnɨ.
|
|
|
|
Pona tantɨptäːqɨntɨt ija soqomtä soqaltiptäːqɨt Laptɨlʼ poːsa warqɨ timnʼätɨt nälʼat na ɛsɨmmɨntɨ, ijanɨk.
|
|
|
|
Soqqante tasɨt mitə tına opčʼintas, a soqqant olä mitɨ tına poːlʼ kalan olɨ.
|
|
|
|
Ija ne qajimi äčʼa na kətɨmnɨtɨ.
|
|
|
|
Nɨːnɨ laqaltɛːmnɨt.
|
|
|
|
Mɔːtt čʼap tülʼčʼa.
|
|
|
|
Əmɨtɨ mɔːtan ɔːqɨt ətɨlʼ tükulä nɨŋka, ijamtɨ ɛtɨla.
|
|
|
|
Ija tat kučʼa namɨšak qonɨnʼantɨ, mat puršimɔːtʼanoːqa karrʼat tap kotpas pɔːrɨqɨt ɔːmtɨkolʼimmɨntak.
|
|
|
|
Na pit ija na šäqɨmmɨtɨ.
|
|
|
|
Tɔːptɨlʼ čʼeːlɨ ɔːtamtɨ moqɨna tɔːqɨla ɔːtantɨ puːtoːqɨt peːkɨla šitɨ koškat tarɨlʼ qoptoːqın na orqɨlpɨntɨtɨ.
|
|
|
|
Moːtɨkɔːlʼ qalɨmtɨ na sɔːrɔːlpɨntɨtɨnta.
|
|
|
|
Kotälʼ malʼčʼamtɨ ɛj soqqɨmtɨ nä tokaltɨmmɨntɨtäːnɨ.
|
|
|
|
Narapomtä iːmpatä qaj aša ((…)) nılʼčʼik na laqalʼtɛːmmintɨ.
|
|
|
|
Tolʼ qumɨtɨn mɔːttə čʼap tüːlʼčʼe monte mɨta Laptälʼ tɨmnʼäsɨt okoːt qaj tüːŋɔːtät.
|
|
|
|
Ija ɔːqalʼtɨ ılla sɔːrɨlʼä mɔːttɨ na šeːrpɨtɨ.
|
|
|
|
Mɔːttɨ šeːrlʼa mɔːtan ɔːktə čʼap nɨllɛːje ira tälʼ čʼeːlɨ montɨ mɨta nalʼät ɛsa.
|
|
|
|
Tɛː qaj qoštɨlʼ qumɨp aša qontɔːlɨt.
|
|
|
|
Nänna üːtočʼɨntɨtqa.
|
|
|
|
Ija mannɨmpatɨ irat qöntɨ koptɨp šitä na meːntɔːtɨt.
|
|
|
|
Ija nʼenna ılla omta.
|
|
|
|
Nılʼčʼik mannɨmpatɨ.
|
|
|
|
Montɨ mɨta qumaqumtij nʼentɨ omtalʼ tümpɨla ütɨmpɔːtɨt.
|
|
|
|
Ija ɛj na qomintisa təm ɛj na ütɨmperalʼmɨtɨ.
|
|
|
|
Montɨ mɨta ijap ün na šeːrtätä.
|
|
|
|
Ü šeːrla ija alʼčʼa.
|
|
|
|
Ü sʼeːrpɨlʼ qup qaj qaj tɛnimɨntä kušaŋ aša na ippɨnmɨntɨ.
|
|
|
|
Ukkur tət čʼontoːqɨt iːja ınna čʼap qəŋa montɨ mɨta qup šıp qəttɨrorrij nʼoːtɨš.
|
|
|
|
Nılʼčʼik ippɨlʼa üŋkultimpatɨ qäːlʼ täːttoːqɨt tına sərtətattɨt nʼenʼnʼa laŋkuškuna.
|
|
|
|
Tɛː lʼa mompa mɨta qaj manpɨmmɨntalit.
|
|
|
|
Tına šentɨk tümpɨlʼ iːjap na qättɔːtɨt, Loptɨlʼ tɨmnʼäsɨt.
|
|
|
|
Ija asʼa qatta.
|
|
|
|
Ippɨptäː säqɨt iːqɨntä qəttɨla ɔːlʼčʼimpɨlʼ qumimtɨ səntätɨsä šitä na qättɨmmɨntä.
|
|
|
|
Nɨːnä šitɨmtalʼi šitɨ čʼammantə montɨ mɨta qälilʼ tɨmnʼäsɨt Loptɨlʼ nılʼčʼik qumpɔːtɨt, ɔːmɨnʼeːtɨt čʼontoːmɨt šitə säpäıːmpa.
|
|
|
|
Ɔːmɨnʼeːtɨt kɨm šitə pasəıːmpa, a poːsɨ kɨpa qəːtsɨmɨlʼ timnʼatɨt muntɨ mɨta olotɨ meːl čʼäː, a na moːtɨkɔːl mɔːt čʼaŋalʼ moːtɨkɔːl tɔːpɨ qalimmɨnta.
|
|
|
|
Mɔːtɨkota ɛj mɔːtɨqop täːlʼšɨlʼ tät toːt älpät ippɔːtɨt.
|
|
|
|
İnnä wešila nılʼčʼik šitɨ mannɨmpatɨ qumɨt taqqempɨla täpɨp mannɨmpɔːtɨt.
|
|
|
|
A tına nätak meːl čʼäːŋka.
|
|
|
|
Toː qəlla mɔːtɨqopɨp ınna šitɨ čʼap nüŋɨtɨ— montɨ nättak nɨːnɨ na putilmɔːnna.
|
|
|
|
Aša qatɔːtɨt na nɨmtɨlʼ qumɨt.
|
|
|
|
Wänɨlʼ mɔːtɨp čʼəsɨla nɔːtɨ na ütɛːrpintɔːtɨt ɛj amɨrpɔːtɨt, särtätta ira nʼenʼämtɨ na ijanɨk na kuralʼtɨmmɨntɨt.
|
|
|
|
Ilʼmatɨlʼ qumoːqɨp nʼentɨ ompɨltäntɨla tɛːttɨkolʼ köt čʼeːla ütɨmɨmɨmpɔːtɨt.
|
|
|
|
Qumaqup nʼentɨ omtɨlpɨla sərtəttalʼ timnʼäsɨt na ijasa tɔː qärtɔːtɨt ijat mɔːttɨ qanɨktä.
|
|
|
|
Nʼentɨ palla na ilimmɨntɔːtɨt i tiːtä qos to ilimtɔːtɨt.
|
|
|
|
Čʼäpta nʼeːmit toː na seːpʼe ɛːmmɨntɨ.
|