|
|
YIF |
šidə tɨmnʼäsɨɣa warkəkundaq.
|
|
|
|
warɣə timnʼä nadɨmbɨlʼä warga.
|
|
|
|
ütčuga tɨmnʼad Qaːmaǯʼa.
|
|
|
|
anǯʼad tabɨp obiʒajemblʼä warɨt.
|
|
|
|
timnʼasɨɣ tʼaŋgočukwaɣ.
|
|
|
|
aŋə qwadäšpukɨndɨdi.
|
|
|
|
warɣə timnʼädə onǯe pelʼgalɨk qwälla čaŋgɨl watoɣɨnd.
|
|
|
|
anǯʼad Qaːmačap abədəqudə aŋɨt qoqaɣe i qɨmbaɣi.
|
|
|
|
teper okur kudät qwällaɣe šedəqut Qaːmačan opti.
|
|
|
|
aŋge wašešpɨnda.
|
|
|
|
Qaːmača parkwa: "Aŋgeː, aŋgeː!
|
|
|
|
qɨmbal iː qoqal meka qwäǯʼaš!"
|
|
|
|
Tɨmnʼad oqončila: "qajko nilǯʼik parqwandə?"
|
|
|
|
a Qaːmača äǯalgwa: "maʒək anʼdʼam qoqaɣe i qɨmbaɣe aːbɨtɨkwa."
|
|
|
|
üdet ugulǯe töːlak.
|
|
|
|
Tɨmnʼadə pajamdə oralle qatäldi.
|
|
|
|
talǯʼel tɨmnʼäd aj onǯe pelgalɨk qwälla čaŋgɨl wattoɣond.
|
|
|
|
anǯʼa oralle Qaːmaǯʼap qwalelde.
|
|
|
|
Qaːmaǯʼa pond čanǯʼile, qwälla, kuː hajda ada.
|
|
|
|
kundə lʼi ilʼi qaːwkak čaːǯila.
|
|
|
|
Qonǯernɨt kuläː wašešpɨnda, aːqandə qwäl taːdərɨndɨt.
|
|
|
|
qajmut kulʼä wašedʼišpa, Qamača nɨčid ille laɣalǯila.
|
|
|
|
meːdɨla kɨge.
|
|
|
|
kɨgeɣɨt qwäl kočeje.
|
|
|
|
tabə pačaleːlʼčildə mugeːp.
|
|
|
|
kujap meːlčila i dawaj qwälɨp oːɣulʼešpugu.
|
|
|
|
tüp čaːdelde.
|
|
|
|
qaːzap qare maškelǯʼiɣɨlldä čaːbəhe.
|
|
|
|
trug mančeːǯʼila: uːrop töšpant.
|
|
|
|
"Qaːmača, qaj mešpɨndal?"
|
|
|
|
"maqqɨlm tä paqɨhak, tün čaːbɨhap i amgu kɨgak."
|
|
|
|
a uːrop äčalgwa: "mannaj qwäʒak."
|
|
|
|
"tüt taɣ omdäš!"
|
|
|
|
qwäl perča.
|
|
|
|
okɨr čabɨp uːromn čačildä.
|
|
|
|
uːrom aːbɨldä, äčalgwa: "vot hwaː maqqəl!
|
|
|
|
manan tä paqəlǯ!"
|
|
|
|
a Qaːmača əčalgwa: "tat maʒek aː abɨlʼendə?
|
|
|
|
čoʒəlʼe paqɨlʼešplʼebe maqqəl."
|
|
|
|
uːrop əčalgwa: "paqqəlǯ, lattɨlʼebe."
|
|
|
|
Qaːmača əčalgwa uːromn: "qotä qondäš!"
|
|
|
|
uːrop qondəla.
|
|
|
|
tabə aːŋdol paɨɣe nanǯʼimd tä qorreǯʼilde.
|
|
|
|
i uːrop nɨka quːla.
|
|
|
|
qaːmača tä qobomdə kɨrɨltä, waǯʼimdə wes ubiraildə, tiril koǯan waǯʼip palla i qwälɨp palla (palalde) i ugulǯe üppezila.
|
|
|
|
ugulǯeɣɨnd medəšpa.
|
|
|
|
qašqɨdə aː qaškolʼba.
|
|
|
|
madə parɣɨnt ennä čarla.
|
|
|
|
šʼoːld par ilʼlʼe mannɨmba.
|
|
|
|
tämnʼäd i anʼǯʼad okɨr tü haj piːdertɨdi.
|
|
|
|
"tau mat Qaːmaǯʼam."
|
|
|
|
tabə nɨčaut ilʼlʼe parǯila: "mat tawejak!
|
|
|
|
nɨndə tabɨstjaɣɨn waǯʼep i qwälap meɣaq" i qwälɣe aːbətɨldɨ.
|
|
|
|
i patom wargelkwat i elelkwat, i näp ip qontequndat.
|