|
|
MMP |
telʼde qaraj mɨɣan man wässesaŋ šɨtʼätkət (šɨtkəjkət) časqane.
|
|
|
|
man müsalʼǯisan qandäpiː üssä mɨlaze, teː qaseŋ tettaze.
|
|
|
|
tujam qatossam tipsese, tujam passam, sersam qawajmɨm.
|
|
|
|
essan sändə qawajmɨ.
|
|
|
|
man qwässan taqkərəgu kartopka.
|
|
|
|
nɨn äːssan qotʼtʼi nɨnaŋa.
|
|
|
|
täerbisaŋ, serčam pöwlam, nɨnaŋala massɨŋ aːmǯat.
|
|
|
|
i seːrsaŋ pöwlam pajusillaze.
|
|
|
|
pöwla toppam ɨpqarpat.
|
|
|
|
man toppɨlam natqassam.
|
|
|
|
(tan assə natqalʼǯenǯal toppɨlamdi).
|
|
|
|
eːssan ombottə pötpti tʼeːlat.
|
|
|
|
(man ombottə soraŋ ɨnnäm).
|
|
|
|
nänni wässɨlusat peŋaj pülla.
|
|
|
|
täppɨla meŋ assɨ tassatit laqqugu (laqkɨgu).
|
|
|
|
man qwässan maːttə.
|
|
|
|
ippilʼdessaŋ assɨ kundə qoptan barin.
|
|
|
|
nännɨ man tʼätsam tösiwam, müssərisam masson swängolləlam.
|
|
|
|
üːčella wes toːqalʼpadat, aːmbatit.
|
|
|
|
(man) qassalam awlʼewlʼe pümman ɨːlam poːčaːmbat (počä ambat).
|