|
|
MuIP |
kundokɨn matʼtʼöɣɨn ätoɣɨnnä meːmba maːtuŋa surulʼdi qullaŋo.
|
|
|
|
na maːtuŋandə me palʼdʼüsot innemɨtlasä kaʒnaj kan peːmambigu.
|
|
|
|
okkɨrɨŋ man i šɨt innem čikolʼǯisot känalam i üpsot peːmabilʼe.
|
|
|
|
mendɨsot massuj päj seːŋam.
|
|
|
|
i nʼärnä qwännɨ qwen.
|
|
|
|
qwennäqɨn me omdot nʼäkačegu okk wärk čen parində.
|
|
|
|
neːkačikten qwärsot sejpakam (säːpakalʼem).
|
|
|
|
saːbolʼ täpam qolʼdʼisatat kännalla.
|
|
|
|
čarupčisatit pändi i oltatat ombottə muːtku (muːdlʼe) nakoni nʼünʼokaj suːrukani.
|
|
|
|
qojam tʼäran: qwärkam bə qonnat.
|
|
|
|
man tʼäraŋ: qwällot nʼärna.
|
|
|
|
qossi qonǯatit.
|
|
|
|
i me üːpsot.
|
|
|
|
assə kundoktə mendɨsot.
|
|
|
|
i qwesiŋen kännalla muːtanʼät tʼejmaːttə.
|
|
|
|
man qojamnäj tʼäraŋ: qoɣattit qwärgam.
|
|
|
|
aːnukon kännalla üːtimbisat püruŋ tʼejmaːttan aːŋan i muːtsat.
|
|
|
|
a nänni meː mittəlʼe oltot činɨm.
|
|
|
|
i ok kännaŋ ajmərɨŋ tʼejmattə.
|
|
|
|
a nänni nʼändat muqon aj meːlugatiː aj šɨt kənnan.
|
|
|
|
nännɨ kännan muːt i qä qwärɣan rɨŋɨtʼe ündus kalʼä okkar.
|
|
|
|
me nɨŋsot tʼejmaːttan aːŋan.
|
|
|
|
aːčisot qaɣi täp čarunǯiŋ.
|
|
|
|
täp assə čanǯakus.
|
|
|
|
nän man čambot (čaːčot).
|
|
|
|
čaːruŋ okkə kännaŋ oːlamdə palʼdʼeret i pɨškərɨt püruŋ qɨːwam.
|
|
|
|
nänna čaruŋ šɨtamdelǯit nak moːkalʼpitaj.
|
|
|
|
a narɨmdelǯuj kännaŋ qaːliŋ tʼejmatqan qwärqan sutan iːllən.
|