|
|
ZNP |
taɣančonǯi irreɣondɨ kunnɨ swäŋkə čobɨr attulʼe oldɨkuŋ šɨttə qum qwannä manǯambiku swäŋkam i čoppɨrɨm kungoniŋ mija ejgan.
|
|
|
|
qwennäti matorkaj anduze.
|
|
|
|
tʼelaɣəndə čaːčidi.
|
|
|
|
üːtamnä.
|
|
|
|
na šɨttə quwan poŋəlati äsan i andoŋati (andongati) äsan.
|
|
|
|
tʼeːlɨt üːtamnä.
|
|
|
|
säːŋgɨgu nadə.
|
|
|
|
säŋgɨgu uːtrɨti aːnu čančambɨti nʼäŋə tʼüːrondə.
|
|
|
|
qaːilamdi aːnduɣannɨ konnä pännätʼi.
|
|
|
|
andoŋam iːɣatʼi poŋgəlamtʼi indətʼi i üːganɨti üːtarmowɨn tuttoldondə.
|
|
|
|
tuttoldoːqan koːtʼi üːt.
|
|
|
|
poŋgəlamdʼiː potnäti.
|
|
|
|
tutto taːnäqäŋ qwädakuŋ.
|
|
|
|
počʼtʼi pinǯonʼǯančennä poŋgelamdʼi aːčelʼe aːmdatʼi.
|
|
|
|
tutto taːnäqäŋ kwatʼiŋ.
|
|
|
|
na šɨttə qum qondəku qwannatʼi.
|
|
|
|
qailaɣandɨ miːttədʼi, qwäzikumbädi (qwäzigumbädʼi).
|
|
|
|
čekkəbi nʼärɣəlam lakčelǯidʼi, tüː tʼätəntɨtʼi.
|
|
|
|
šɨttə tuttom qaːtʼiɣɨtʼi.
|
|
|
|
šɨttə tʼäːpsu meːnditʼi, tuttolam tʼäːpsuwäɣɨtʼi (tʼäːpsuwɨːtʼi), tüːn qəndə oːmdalǯedʼi tuttolan müssärugu.
|
|
|
|
okkə qum tuttoltʼäːpsundə piːɣəqälǯit.
|
|
|
|
a tutton poːkut assə sawsʼem müːzaltʼimba.
|
|
|
|
i tuttot pokun piːgannä i taːdɨlʼlʼe siːwendə pɨŋgelʼiŋ.
|
|
|
|
i na qum tutomdə siːwi kotan nara amnat.
|
|
|
|
qwäldʼikän čaj üttəti nɨnoŋaj kotan.
|
|
|
|
opsä kotʼtʼe nɨnaŋa essan.
|
|
|
|
čaj miːtlʼewlʼe qaːwam qɨːnǯitʼi.
|
|
|
|
nʼärqan tʼäːbəlam laqčeʒilʼe qoptam čaːŋedʼi i qoːndädʼi.
|
|
|
|
qarimɨn wässɨtʼi, poŋgɨlaɣəndi aːkol qwannatʼi.
|
|
|
|
assɨ qotʼeŋ tuttom qwatnätʼi, tuttola wärɣə (wärɣəka).
|
|
|
|
poŋgɨlamtʼi tatqannädʼi, üːdarmondə mittädʼi.
|
|
|
|
okkə qum tuttolam koːčandə pännɨt i moqqalle qwändɨt.
|
|
|
|
a šɨttamdälǯi qum andoŋa üːgalʼǯit.
|
|
|
|
tʼüːndə toptə miːttädi.
|
|
|
|
aːkol tüːm tʼäːttädi, qwäldʼikam čai ɨttädʼi.
|
|
|
|
tuttom assə tʼäːpsuɨtʼi qaːlumbissatʼi.
|
|
|
|
ešo nadə kundotə čaːǯəku.
|
|
|
|
čaim üːtnätʼi saːɣətpədi qwäːlɨze.
|
|
|
|
matorkaj aːndunde oːmdɨtʼi i nʼärnä qwännitʼi.
|
|
|
|
okkə tʼüːrondə uttəreːdʼi qäptim manǯambiku.
|
|
|
|
qənnä siːɣannädi, qäptit poj margəlaŋ manǯambiːti.
|
|
|
|
qäpti taːnäkʼiŋ.
|
|
|
|
aːndoɣəndi oːmdɨdʼi i aːkol nʼärnä qwännɨtʼi.
|
|
|
|
tʼüːnbaːrɨndə uttərɨldi.
|
|
|
|
konnä siːɣannäti, tʼüːn baːrɨndə.
|
|
|
|
qonnän palʼdʼüwɨti maːndul čoppɨrɨm manǯambäːti.
|
|
|
|
no a maːndulčoppɨr sawsem tʼäːŋu.
|
|
|
|
qottä aːkol tüːɣoti matornaj aːndoɣändi, oːmdɨdʼi i ešoː nʼärnä qwannɨti.
|
|
|
|
okkə (ton, tosse) solʼdi mittedʼi, uːttərädi.
|
|
|
|
andoŋam matornaj aːndogannɨ iːlʼe üttə čečidi.
|
|
|
|
šɨttə lappə indəti, tʼüldise indeti, aːndoŋandɨ oːmdɨdi.
|
|
|
|
to sojman seːrlʼiwlʼe to sündʼewɨn qwännɨti tɨttɨn swäŋgam (swängam) manǯambigu.
|
|
|
|
tɨttɨ matʼtʼöndə mittädi.
|
|
|
|
üːttoptə kuptädi.
|
|
|
|
andoŋandi konnä ügəlʼeɣɨti, üːt ɨkkə qwandimdə.
|
|
|
|
tʼüːdʼisemdi iːlʼdʼedʼi i konnä sɨɣannädi.
|
|
|
|
assi kundottə qwannäɣiti.
|
|
|
|
moqqoɣi qum tʼäraŋ: toːna peŋge čaːǯandɨ.
|
|
|
|
nʼärnäj qum uttərejgan.
|
|
|
|
tolʼka qoldʼit što peŋgə üːtiːmbilʼe čorǯantə salmaldiŋ.
|
|
|
|
na quːla qwännät nʼärnä tɨttɨn olləlandə manǯerbilʼe.
|
|
|
|
aːwaj tɨttaŋɨn assə kotʼi swäŋgə eɣan, a qottäɣənda sawsem tʼäŋu.
|
|
|
|
nildʼiŋ konnäwan püːruŋ paldʼönnädi, swäŋgam qoːnaŋ.
|
|
|
|
swäŋga sawsem taːnəkʼiŋ.
|
|
|
|
qottä andoŋaɣandi tüːɣatʼiː, omdɨdʼi i qottä qwännɨtʼi.
|
|
|
|
assə kundotti aːndoŋasi qwännatʼi, ündətʼiɨti, konnän qaidaka qoʒambə.
|
|
|
|
maːnǯambindəti qən paːrində peŋgə üːtimbilʼe miːtalʼdində.
|
|
|
|
na quːlam aːndoŋaɣi qoldʼit, uttərɨlʼlʼe nɨːlʼeŋ.
|
|
|
|
na quːla (tʼärrat) čenǯučat kalqozi tʼätčigu lʼi assə.
|
|
|
|
peŋgə tolguɣeːɣat quːlam i qottä üːdäldiŋ.
|
|
|
|
na qula aqol nʼärnä aːndoŋase čaːčat.
|
|
|
|
ütopman (ütobakaːwan) assə kundottə qwannäti, akol (apʼätʼ) ündəteːɣɨtʼi qonnän qaidaka koʒamba.
|
|
|
|
na quːla lärriɣat, qarreː tonkünni tuːɣannɨt quːnat.
|
|
|
|
qottä manǯändidi.
|
|
|
|
akol na ʒə peŋgə qə-n-baːr-i-ndə sappəsiːldendə.
|
|
|
|
a na quːla tʼätčigu peːŋgam assi täːrbatʼi.
|
|
|
|
täp opse tɨːbeŋ isseti lɨllat.
|
|
|
|
peŋga quːlam qoldʼelʼewlʼe akol konnä čoːrǯandə üːdɨlʼdiŋ.
|
|
|
|
na quːla tʼäːrʒat: qala kak kündə mesini tɨŋərɨmbində.
|
|
|
|
nu i akol nʼärnä qwannatʼi.
|
|
|
|
ton taːbəndə pačtʼi miːttidi, ündətidi qajda šuːkirnə.
|
|
|
|
manǯambindədi mundɨ naʒə peːŋgə nʼürman üːtimba tonni eːlʼi.
|
|
|
|
na qulan nannɨ kundoqɨn.
|
|
|
|
täppɨtɨm assə qonǯurnɨt.
|
|
|
|
üttuːleŋ (üttə uːleŋ) ton taj puːgu.
|
|
|
|
andon ollon aːmditʼi qum pilʼdʼäŋbilʼlʼe ollätiŋ.
|
|
|
|
peːŋgə na qulanni manǯiŋ toːlgu eːɣat, što nɨtʼän quːla i nʼändaŋ uːrlʼe ollätiŋ.
|
|
|
|
qɨːlat aš šweːko eːkuŋ.
|
|
|
|
üːttoptə miːtaldʼiŋ i konnä üːtelʼdiŋ.
|
|
|
|
i bolʼše na quːla assə qonǯursädi.
|
|
|
|
na quːla ešo nʼärnä qwännat.
|
|
|
|
swäŋkam i čoppɨrɨm assə qoːɣəti.
|
|
|
|
paka titʼä i totʼö paldʼüsädi, tʼeːlɨt uʒe üːtamne.
|
|
|
|
nʼüri qäːndə uttəräːdʼi, qailamdi konnä tuːɣannädi, säːŋgɨku uttəräːdi.
|
|
|
|
tʼšajam pöːttšelʼeːwlʼe aːwurnädi i akol tuttoldondə aːndoŋam üːɣannädi.
|
|
|
|
poŋgɨlam tuttoŋo poːtnati.
|
|
|
|
i na toɣɨn tutto sawsem assə paldʼüŋ (ass uːrnä).
|
|
|
|
a na quːla na toːɣɨn tʼüldisemdi pulʼisä apsɨtäti.
|
|
|
|
i tʼärrädi qal jeslʼi peːŋga tämdə čaːnǯemnɨ tʼäčenǯu i loqalʼan amgu qwändänǯu.
|
|
|
|
peːŋgə bolʼše assə čaːnǯiŋ.
|
|
|
|
i na quːla nar qaːlliɣat.
|
|
|
|
na toɣɨn poŋgɨla potpilʼe seːŋgat.
|
|
|
|
assə kotʼtʼi tutto qwädamba.
|
|
|
|
na quːla säŋgɨlʼewlʼe qaːrimɨn wässɨlʼewlʼe poŋgɨlaɣɨndɨ qwannɨ.
|
|
|
|
poŋgɨlamdʼi taːtkannati, andogam qottä üːgənüːti.
|
|
|
|
tüːm tʼättɨtʼi.
|
|
|
|
qwälam qaːtʼi üti, tʼäːpsunnɨtʼi.
|
|
|
|
čaj qwäldʼikä ɨːtandɨdi.
|
|
|
|
qaːɣi qwäːla i čaj müssaŋ na quːla aːwurnät.
|
|
|
|
wes qailamdi matornaj andundi tälǯiti i kottäli maːtqandʼi qwännɨti.
|
|
|
|
qaj swäŋkam i čoppɨrɨm nassä qoːɣati.
|
|
|
|
čaːǯitin moːrə na quːla uːttərat pirge kwärgi matʼtʼöndə patʼölbəti lʼeːwəlam andundə täːlǯuku i qwändugu arranɨn paːrim qaːigu.
|
|
|
|
na lʼewlʼam tuːɣanniti anduŋdə, teːlʼǯiti i qwännɨtʼi.
|
|
|
|
i naramtälǯi üːtimɨn maːtqandɨ miːttedi.
|
|
|
|
na man qwätnam kuldʼiŋ paldʼüzaŋ, kuldʼiŋ illɨzaŋ, kuldʼiŋ awurgusaŋ i qondikusaŋ.
|
|
|
|
naŋo štobɨ tʼäːk ɨkkə ewalǯuku.
|