|
|
KGE |
Meː qənqolapsäj Jermolajn optı kıkʼät qanɨŋmɨt.
|
|
|
|
Šiːpa— ɛnɨntɨlʼ suːrɨp.
|
|
|
|
Qanɨqqɨt aša orqɨlʼimpa.
|
|
|
|
Jesli qaj ɛːmij ilʼmatɨj pakʼäja meː čʼatɨkkɔːmɨt, meː kanajiːmɨt aša tatɨkkɔːtɨt naməšej lotɨt puːtoːqɨt.
|
|
|
|
Kanat aša tɛnɨmɨsɔːtɨt uːrqa (/uːrsɔːtɨt).
|
|
|
|
Kanaiːmɨt nʼopɨlʼ təttoŋɨt qənqa tačʼalkɔːtɨt, täpɨt ola kukčʼaak intälʼiːmtɨt lotɨktɨ (/qɔːsɨlʼ nʼuːtantɨ) maːtalsɔːtɨt.
|
|
|
|
Aša— kətɨsɨtɨ čʼiːpoːqɨntɨ Jermolaj— ürɨtɨ qošk ɛːja.
|
|
|
|
Nɔːtna qoqo alako.
|
|
|
|
Qəllɔːmɨt moqona Lʼgovtɨ.
|
|
|
|
Me qənnɔːmɨt.
|
|
|
|
Meː ašena aša kočʼik qəqɨp meːntɨmɨt, meːqɨnit čʼəssa nʼarqɨj markoːqɨnɨ qontšɛːjntɨna qoštij nılʼčʼij kanalʼ lʼıːpijana (/lʼıːpilʼa), täpɨn moqalqɨt atɔːlisɨ aša pirqɨ qup, patɨj porqɨjatɨ orsä nɨttɨmpa.
|
|
|
|
Pimɨtɨ nʼärqɨlɔːqɨ ɛːja, säqalpatɨ kutar qos küːtɨmtɨ nɨttɨpɨlʼ sapoqɨntɨ.
|
|
|
|
Soːjqɨntɨ pajqɨlpatɨ nʼärqɨ qampıjsa.
|
|
|
|
Ukkur šʼintʼilʼ puškatɨ moqalqäntɨ täntalpatɨ.
|
|
|
|
Meː kanaiːmɨt mänɨj kanap aptɨrqolʼapsɔːtɨt.
|
|
|
|
Na kanak ɛnɨla talʼčʼimtɨ ılla ɨpasɨtɨ, üŋɨlsamtɨ pɨrnʼaltɨmpɨsɨtɨ aj čʼäkaptɨlʼa paktɨrɨsɨ, ɨrɨmpɨla.
|
|
|
|
Mänɨj qup meːsʼa qəntɨlʼa toroattɨsɨ.
|
|
|
|
Täpɨnɨk kurasqɨntɨ ɛːnta šitsar sompɨla poːtɨ.
|
|
|
|
Täpɨn čʼumpɨ säːqɨ oːptɨ čʼırɨmpa (/čʼırɨmpɨsɔːtɨt) nʼelʼčʼɨnɨlʼa.
|
|
|
|
Aša märqa säːqɨ sajlʼaqıtɨ (/sajaiːtɨ) ukkɨrtɨk rɨpčʼimpɔːqıj.
|
|
|
|
Muqɨlʼtɨːrij mɨnnɨmtɨ sɔːrɨmpatɨ säːqɨ qampısä mitə mol tiːmitɨ čʼüšintɨ (/čʼüšimpa).
|
|
|
|
Ontɨ meːqanɨt nılʼčʼik ɔːntalpɨlʼa pisɨnʼnʼi.
|