|
|
KMS |
lamduka panaŋ tɨttembɨdi maːtqɨn maːdʼin qun Artʼömɨn wärɣə säːɣə nuːn ɨlɣɨn aːmdɨzo šɨttə quːn.
|
|
|
|
ondə Artʼüša, assə pirgə täzɨmbɨdi tibiquka, kwändɨgaj pitkəlbɨdi wandɨn, umdɨzä, oːrɨmbɨlʼe, oldɨmbɨdi sojɣɨnna, i čaːǯendi suːrulʼdʼi qum, assə kwändɨgaj pirgə tiːbikü üːčʼe, sändə säːɣə qajborɣɨzä i wärɣə nʼäroɣɨn palʼdʼundɨ pöːwlaze.
|
|
|
|
aːmdɨzadi täpqi aːmdɨtäjmɨɣɨn nʼünʼöka naːr tobi stolan qaːtqɨn.
|
|
|
|
stolan baːrɣɨn lenniŋ poːrumbɨs qwärɣan üːri tʼüka, qaːpika saːqälbɨdi čorgondə (čorgə).
|
|
|
|
akoškan toin pin puːɣolbɨzɨt meːrgɨt.
|
|
|
|
täp tʼüːrɨs, mergɨndɨze puːɣolbɨdi pon ollɨla čakkɨzattə.
|
|
|
|
okkə akoškan steklo parčembɨs bumagaze i üːndus, kundar mergɨndɨzä lakčimbɨdi kweːn tʼäbɨla lukkərɨzattə parčembɨdi bumagandə.
|
|
|
|
man teŋga naːdəm kätčindaŋ, kätkuzɨt Artʼüša sibɨmbɨlʼe, manǯimbɨlʼe assə mɨrɨlumbɨdi sailaze suːrulʼdi qunni.
|
|
|
|
man assə lärumbaŋ tʼümbɨnälanni, qwärɣɨlanni, qaj suːrunni nassə, a lärumbaŋ quːnni.
|
|
|
|
suːrulanannä tan tʼülsäzä onändə simlə äːrɨmbenǯal, a tʼüːumbɨdi quːnannɨ tʼäŋut tändɨnan kulʼdina äːrɨmbɨtä.
|
|
|
|
tinnäwɨs, suːrunni tʼätčenǯandə tʼüːlɨsän, a tʼätǯik sɨːnʼnʼennɨ (sinʼendə), onändə maːna enǯandə, Sibirtə qwanǯandə.
|
|
|
|
laːqaŋ man, koja tämdə maːdʼin quːmɣɨn naːr sarum pottə i kusaj man onäŋni assə soː äːǯila iːmbaw, kätku äːǯim assə qonǯaw.
|