|
|
MNA |
Lʼgov.
|
|
|
|
Qənnɛjlimɨt (/qəllimɨn) Lʼgovtɨ,— kətɨsɨt mäkkʼä ukkɨr pɔːr ukkur qup, täpɨp qärɨsɔːtɨt Jermolaj.
|
|
|
|
Meː nɨmtɨ šiːpap čʼatälʼtɛntɔːm kočʼik.
|
|
|
|
Soma suːrɨčʼčʼilʼ qumɨt čʼɔːtɨ mačʼoːqɨlʼ šiːpa aša orɨlʼlʼä qəttɨtɨ, no alpäqɨt jarɨk suːrɨp ni kut čʼäːŋka.
|
|
|
|
Mat üŋɨltɨsak mat surɨčʼčʼilʼ qummɨ i qəssi Lʼgovtɨ.
|
|
|
|
Lʼgov— aša wärqə qäːttɨ äsɨčʼerälʼ pülʼ nuːlʼ mɔːssɨmpɨlʼ aj šitɨ mʼelʼnicatɨ lɨmpälʼ kɨkʼäqɨt Rosota.
|
|
|
|
Na kɨkʼälʼa sompala kilometašalʼ mɨqɨt Lʼgov nɔːnɨ ɛsɨmpa tɔːntɨ lɨmpälʼ (toːqɨt) kɨkʼätqo.
|
|
|
|
Qanɨqqɨntɨ aj kuttoːqɨn čʼontoːqɨntɨ sočʼimpa kočʼi nʼuːtɨsä i lotɨksä (/lotɨssä).
|
|
|
|
Vot na kɨkʼäqɨt mɛrkɨkɨtɨlʼ aj küŋɨkɨtɨlʼ mɨqɨt nʼuːtɨt aj lotɨn puːtoːqɨt orɨmka aj ilɨkka orsa kočʼi kunmɔːntɨlʼ poːrätɨ kurassɨmpɨlʼ šiːpat: paqkät, alqɨt, mɔːčʼipɨt, ɛrjat, čʼünkočʼit, poːčʼiqot, čʼarkočʼit, üt šiːpat.
|
|
|
|
Kɨpa šiːpalʼ kärɨt šit nennɨ tılʼtaıːmpɔːtɨt (/tılʼtälʼıːmpɔːtɨn/ tılʼtälʼɛːmpɔːt) aj ütə pɔːrɨn tıːmpɨsɔːtɨt.
|
|
|
|
Puškanɨt passɛːtäkkɨt, wačʼičʼikkɔːtɨt (mäčʼičʼikkɔːtɨt) na mantɨ kočʼi šiːpalʼ kärɨt, suːručʼčʼilʼ qup ukkur utɨntɨsä orakkɨtɨ ükomtɨ (/olomtɨ), nɨːnɨ kətɨkkɨt: Fuːuːuː!
|