|
|
SAG |
Sar imantɨsa nɛtɨrsɨtɨ (/nɛkärsɨ), kuntak wəttont toqtaltɨŋa.
|
|
|
|
Oknot qantɨ imatɨ tɛpɨp ɛtɨqo ontɨ omta.
|
|
|
|
Qarɨn nɔːnɨ üːtɨt tɛtɨ ɛtɨkkɨtɨ, ɛtɨkkɨtɨ, meːltɨ limont mannɨmpa tɛp.
|
|
|
|
Sailʼ tɔːktɨ mantalpɨlʼa čʼüšalɨsɔːt, kutɨlʼ ɛːmɨlʼa qarɨlʼ kɛnnɨnt uːkoːqɨnɨ pit tɛt.
|
|
|
|
Ɔːmɨ neːtɨ aša ata!
|
|
|
|
Kekɨsä təp mannɨmpatɨ: mɛrkɨlʼ palʼčʼa küčʼinimpa, sɨrɨ čʼomna limɨt iːntɨ, təttɨ muntɨk sɛrɨ ɛsa.
|
|
|
|
Qənna (/qänna) okkɨr čʼäː köt irät.
|
|
|
|
Limoːqɨn saimtɨ alpa ašša iːtɨt (/iːtɨŋɨt).
|
|
|
|
Nʼɔːt sočʼelʼnikaqɨt, pit, təpɨn minɨt nälʼam (/nälʼamtɨ) nom (/nomtɨ).
|
|
|
|
Rɛmkɨ qarɨt nɔːtnɨlʼ gostʼ, pisa čʼeːlɨsa kuntɨ ətɨpɨlʼ, kuntaqɨnɨ nʼɔːtɨ qessɨs, mɔːtqɨn tüsa sar-əsɨtɨ.
|
|
|
|
Mantɛčʼekkus təpɨtkinɨ, sɛttɨmela kɛšqɨlʼesa, ɔːnnɨmt aša sʼeːpɨrelsɨt (/seːpɨrsɨ) aje čʼeːlɨ čʼontot urrɛːčʼesa.
|
|
|
|
Kekkalpɨsa (/nakkalpɨs) kuntɨ sar.
|
|
|
|
Kutar ɛːqo?
|
|
|
|
Grešnɨk ɛːppa.
|
|
|
|
Poːtɨ qɛnna (/qännɨ), mitɨ ɔːnʼkɨ.
|
|
|
|
Mənɨlʼ (/wänɨlʼ) imap ɨːnʼɨt sar.
|
|
|
|
Kutar kɛtɨqo– nälʼqup ɛːsa onɨlʼ mitɨ sarɨlʼ ima: pirqɨ tašik, sərɨ ɛːsa, tɛnɨl tɔːksa, muntokt iːsɨt.
|
|
|
|
Nɨːn aj nʼɔːtɨ somalʼčʼɨmčʼat, qɔːt-ol nʼɔːtɨ jarɨk ɛsa.
|
|
|
|
Mɔːttɨ nɔːnɨ taːtɨmpɨstɨ kekɨs zerkalalʼam okɨr.
|
|
|
|
Zerkalalʼa nılʼčʼilʼ ɛːsa: konʼɨmpɨtqo tɛnɨmɨmpa.
|
|
|
|
Təpsa okɨr təp qan ɛːkka soma puːtɨk, ɔːntalpɨkka, təpsa šoqqak karampɨkka, somalʼčʼimpɨl konʼɨmpɨkka: Čʼeːlom, zerkalalʼam!
|
|
|
|
Kɛtat napa, čʼeːlɨk ınna pintɨ: mat qaj tətɨn iːqɨt muntokt soma kuras, sɛrɨ ɛːnʼak?
|
|
|
|
Zerkalalʼa kətɨkkɨtɨ: Tat, sarɨt ima, aša antak, tat kes okɨr muntokt soma kurasa aj sɛrɨ ɛːnʼant.
|
|
|
|
Sarɨt ima laqqɨmɔːnna, qəqtɨ_pɔːrɨm ipqalnɨtɨ, saintɨsa rɨpkalʼčʼenʼɨt, munɨntɨsa kašilʼčʼenɨt, utɨp qenʼɨnt kompɨlɨmpa, zerkalalʼant mannɨmpɨla.
|
|
|
|
Sarɨt nälʼa– čʼilʼalʼ nätäk lʼamɨk, čʼontɨk orɨmnanta, nat sitɨ kočʼat orɨmnanta, məčʼišinta, orɨmtana, sərɨ məčʼik, sʼaː sain untɨk, selmokɔːlɨk, tɔːtɨk puːtɨk.
|
|
|
|
Titalʼ qumtɨ peːqɨlʼisa, korolʼt ija Elisej.
|
|
|
|
Tüsa qup– sar əːtɨp misɨt, mɔːtqɨn ipsa mɨta ɛːnʼa: seːlʼčʼi təmtɨtili qɛːtɨt aje toːn aj tɛːsarɨli mɔːtɨjät.
|
|
|
|
Nätatɨtkinɨ taqqɨliqo, sarɨt ima toqtatkutɨl zerkalalʼantɨsa ontɨ, əːtɨk tɛpɨn čʼattɨkkustɨ: Mat qaj, kətat mäkkä, muntok kurassa aj sərɨ ɛːnʼak?
|
|
|
|
Qaj kat zerkalalʼa tompɨt?
|
|
|
|
Kurassa ɛːnʼant, aša antak, sarɨt nälʼa qotəl muntokt, kurassa aj sərɨ ɛːnʼa.
|
|
|
|
Sarɨt ima alpa pakta aj küratɔːlna utɨlʼantɨs, zerkalalʼap pəqšatɨnʼɨt, lʼakčʼinlʼantɨs čʼelʼčʼɔːlna nɨː!
|
|
|
|
Ah, tat nılʼčʼilʼ steklonʼontɨ!
|
|
|
|
Tat na moːlmɨtantɨ mat čʼɔːt.
|
|
|
|
Təp kutar mannɨmmänta matsa?
|
|
|
|
Mat təpɨt moːmɨt lʼamqaltantap.
|
|
|
|
Qontɨrnɔːlɨt, orɨmna qaj!
|
|
|
|
Kutar aša sərɨ ɛːnʼa: əmɨt pɛrqɨlʼ tıːri ɔːmtsa, kekɨs sɨront mantalpɨsa.
|
|
|
|
Kɨsa kɛtat: qantɨk man nɔːn nɨːnɨ puːt təp kurassa ɛːnta?
|
|
|
|
İnna kətat: mat kes nʼančʼak.
|
|
|
|
Ɔːmtɨlʼ qoː mɨt kolʼaltatɨ, qos tətɨ muntɨk.
|
|
|
|
Matsa čʼäːŋka nʼančʼitɨlʼ mɨ.
|
|
|
|
Nılʼčʼik qɔːtɨ?
|
|
|
|
Zerkalalʼa kətɨnʼɨtɨ: sarɨt nälʼa qotol, pija, kurassa aj sərɨ ɛːnʼa.
|
|
|
|
Kutar meːtal.
|
|
|
|
Puːtɨmt amla zerkalalʼap konna čʼattɨt.
|
|
|
|
Čʼernavkamtɨ qərɨnʼɨtɨ, nılʼčʼik təptɨ quraltɨnʼɨt, (ontɨ sennɨlʼ nätak tɨna): Sarɨt nälʼap mačʼɨt puːtont qɛntɨrtaltɨl kurɨnʼɨmpɨj ilɨla aj qəːčʼinʼɨmpɨj näčʼčʼäːtɨnʼɨt čʼöːn ılnʼɨt čʼumpɨ neːet amnʼɨntitqo.
|
|
|
|
Loːsɨ montɨ antɨtanta nʼenʼnʼalʼ imas?
|
|
|
|
Sarɨt nälʼas Čʼernovka qənta mačʼontɨ na.
|
|
|
|
Našak kuntak tɨna qəntoj sarɨt nälʼa nɨːna qənta.
|
|
|
|
Qukɨntɨšak nɨrkɨmɔːnna, omtaltana: Ilɨptamɨ!
|
|
|
|
Qajqɨt, kɛtat, urop ɛːnʼa?
|
|
|
|
Nälɨqup, ɨkɨ sip talʼčʼolʼašik!
|
|
|
|
Kutar qumɨp qontap tašınt, qajqo kɨkant– natqo meːtak.
|
|
|
|
Toːnnam puːtsa təptɨ kɨkal aša kurasɨt, aša qəssɨt, uːtɨsɨtɨ, nılʼčʼik kətɨl: Qɛnʼaš, nop sıntɨ na məret.
|
|
|
|
Nɨːnɨ ontɨ moqɨn tüssa.
|
|
|
|
Qajɨ?
|
|
|
|
–Sarɨt ima kətɨnʼɨtɨ.
|
|
|
|
–Kurassɨmɨlʼ nälʼqup kun ɛːnʼ?
|
|
|
|
Pɛlɨkɔːlɨk mačʼot nɨŋa,– təptɨ kətɨnʼɨtɨ təpɨn.
|
|
|
|
–Sɔːrɨmpa qɔːmɨk sɨnʼte neːttɨ.
|
|
|
|
Suːrɨt qatont olʼčʼačʼemmä, qɔːnak təp na kəkkɨtanɨt, qurmot aj na seːpɨ ɛːnnɨnt.
|
|
|
|
Əːtɨ qənna nɨːnɨ nılʼčʼilʼ: sarɨt nälʼa urɨntana!
|
|
|
|
Paširna sar nälʼantɨqo.
|
|
|
|
Korolʼ ija Elisej nomtɨ omtɨtɨla puːlä toqtalta aj peːlʼa qənna kurassɨmat sıːčʼint olɨp tıːtap iːpsa imtɨ neːmtɨ.
|
|
|
|
A itɨ neːtɨ qarɨt təttɨ mačʼit puːtot urkɨmpɨla kurɨtäntɨ sitɨ kotät, mɔːtɨn iːntɨ tulʼčʼeıːmpa.
|
|
|
|
Čʼəssä läqa təpɨn muːttɨl läːjätɔːlta, lʼamkaltenta, lüčʼimpɨla ɔːntalpɨla.
|
|
|
|
Vorotamɨt təp na seːra.
|
|
|
|
Etɨmantot lʼamɨk ɛːnʼa.
|
|
|
|
Läqa ɔːntalpɨlʼa nʼoːnʼɨt.
|
|
|
|
A sarɨt nälʼa kurɨtelʼa krɨlʼcot iːntɨ sɨːqɨlenta, pürɨj utoːqɨntɨ iːntɨt.
|
|
|
|
Mɔːtat čʼontɨka na nʼüːntɨt, mɔːttɨ čʼontɨka na seːra.
|
|
|
|
Qonempa (/qonnɨmpa, qonnänta) koversa lavkat, ikonat ılqɨt dupɨlʼ lem, nəkɨrpɨlʼ ippɨpsasa šoːqɨr.
|
|
|
|
Nälʼqup mannɨmpatɨ: tɨmtɨ qɔːtɨ soma qumɨt ilʼɔːt.
|
|
|
|
Tɛpɨn aša toːtelʼančʼɔːt!
|
|
|
|
Nɔːt sitɨ kotat ni kutɨ aš ata.
|
|
|
|
Mɔːtɨp tumɨt kolʼaltɨntɨt, muntok somak täšaltɨstɨ, ikonat sečʼčʼip ačʼaltɨntɨt, šoːqɨrɨp pötpɨlla čʼetɨntɨtɨ, polatit iːntɨ sɨːqɨlelʼa lʼamɨk ılla olʼčʼeıːnta.
|
|
|
|
Čʼeːlɨt čʼonnont tətčʼe ɛːsa.
|
|
|
|
Sümɨ untalɨnta poːqɨt: seːlʼčʼi mɔːtɨrɨn na seːrɔːt, seːlʼčʼit muntɨk untɨlʼ uːkɨk.
|
|
|
|
Mərqɨ neːtɨt nılʼčʼik ɛsa: Na lʼa qaj ɛsʼ kutar some, kutar muntɨk kurass ɛːnʼa.
|
|
|
|
Kutɨ qos mɔːnmɨt təšanʼpatɨ mitɨ meːšımɨt ətakkɔːtɨj (/ätɨmpɔːtɨn).
|
|
|
|
Kutontʼ?
|
|
|
|
Tantaš atɨltašik, meːšım toːnɨ qotak čʼɛːtäš.
|
|
|
|
Qatamol tat mɛrqɨ qumont, ilʼčʼanɨtqo meːltɨ ɛːnnant.
|
|
|
|
Qatamol tat ilʼmat nʼoːntɨ, meːqin čʼopanɨtqo ɛːnnat.
|
|
|
|
Qatamol tat imaqota– qɛrʼantɨmɨt ämɨnɨtqo.
|
|
|
|
Qatamol tat nälʼ qumontɨ– meːqin nʼenʼnʼanɨtqo ɛːnnat.
|
|
|
|
Sarɨt nälʼa ılla pančʼa (/ılʼlʼɨmpanɨ), torowatɨnt təpɨtɨsa, čʼüːntɨt tättɨ mušqaıːtɨla (/nʼuːtɨ sočʼ).
|
|
|
|
Nʼertarɨs, nılʼ ɛsɨt: Mɔːtqɨntit mol seːrsak mat tiː, qos sıt qɛrɨptälɨt čʼäːnʼa.
|
|
|
|
Nɨːnɨ ɛːtomɨntɨ qəntɔːtɨt: tam aš sarɨt nälʼa ɛːsa.
|
|
|
|
Sänʼälʼantɨ omtɨltɨsɔːt, nʼanʼilʼasa (/nʼänʼilʼäsa) milʼčʼečʼesɔːt, rʼumkaj tıːrla qamtečʼesɔːt, ilit iːqɨt taːtäčʼesɔːtɨ.
|
|
|
|
Tapɨlʼ utɨp aša iːstɨ, nʼanʼilʼap kes sepɨtela, kɨpɛ lıːpɨmt ɔːkɨnt iːstɨ, wɛtɨn nɔːnɨ nʼɨšqɨntoːqo koptɨtqo no mɔːtɨrana.
|
|
|
|
Qɛntɨsɔːtɨt tɛpɨt nätap ınna čʼeːlɨnʼpɨtɨlʼ sünnöt aj ontɨqɨt na (/nɨmtɨ) qəːčʼɨntɔːtɨt (/qəːčʼɨsɔːtɨt) təpɨp ɔːŋkɨtitɨl pɛlɨkɔːlɨk ((GAP)).
|
|
|
|
Nʼarqɨ čʼeːlon (/čʼeːlʼi) moːroqɨntɨ ilʼmat koraltɨpsa: Čʼeːlɨnʼpɨta čʼeːlɨmɨt meː!
|
|
|
|
Tat karanʼnʼantɨ (/kutornantɨ) poːntɨ kuntɨ nuːt nekmɨ, totaltukkal kəp petpɨlʼ utɨsa mutokt meːsım onant ılqɨt qontɨrnantɨ.
|
|
|
|
Montɨ əːtop toː čʼatantal?
|
|
|
|
Qontɨrsal qaj kun ɛːm tətot sarɨt nälʼap ilʼmatɨlʼ tat ((GAP)).
|
|
|
|
Irät, irät, onak neːmɨ, zoločʼenɨlʼ ɔːttɨlʼa!
|
|
|
|
Məšikkantɨ korel pit tat, pürɨlʼ mɛntɨlʼ, čʼeːlɨlʼ sailʼ.
|
|
|
|
Aj mat serlɨ kɨkɨla qıšqat tantɨ mannɨmpɔːtɨt ((GAP)).
|
|
|
|
Näčʼät čʼontɨ künɨlʼ kɨqat toap ɛːnʼa pirqɨ toanʼ, nɨmtɨ korɨ mü.
|
|
|
|
Pitɨ matɨ tətɨ ((GAP)).
|